ព័ត៌មានជាតិ
សម្តេចតេជោ ហ៊ុន សែន ៖ មកដល់ពេលនេះ កាកបាទក្រហមកម្ពុជាទទួលបានជំនួយជាថវិកាជាង ១៦លានដុល្លារ
មានប្រសាសន៍ តាមរយៈសារជាសំឡេងពិសេស ខណៈពេលយន្តហោះចុះចាក់ប្រេង នៅទីក្រុងសេអ៊ូល នៃប្រទេសកូរ៉េខាងត្បូង នារសៀលថ្ងៃទី ១០ ខែឧសភានេះ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា ដែលកំពុងដឹកនាំគណៈប្រតិភូអញ្ជើញទៅចូលរួមកិច្ចប្រជុំ កំពូលពិសេសអាស៊ាន-សហរដ្ឋអាមេរិកនោះ បានឲ្យដឹងថា មកដល់ពេលនេះ កាកបាទក្រហមកម្ពុជា ទទួលបានជំនួយជាថវិកាប្រមាណជាង ១៦ លានដុល្លារហើយ ដែលនេះគឺជាការទទួលបានដ៏ច្រើន ខណៈដែលប្រទេសកម្ពុជាជួប វិបត្តិកូវីដ-១៩។

សម្តេចតេជោ បានបញ្ជាក់យ៉ាងដូច្នេះថា «ខ្ញុំទទួលព័ត៌មានថា កាកបាទក្រហមកម្ពុជា នៅក្នុងទិវាកាកបាទក្រហមអន្តរ ជាតិ បានទទួលជំនួយថវិការហូតដល់ជាង ១៦លានដុល្លារសហរដ្ឋអាមេរិក ដែលនេះចាត់ទុកថា ជាការទទួលបានជំនួយដ៏ធំនៅក្នុងដំណាក់កាល នៃការរីករាលដាលជំងឺកូវីដ-១៩ ដែលយើងមិនអាចរៀបចំទិវានេះបាន ប៉ុន្តែសប្បុរសជនបានចូលរួមវិភាគទាន ជាមួយកាកបាទក្រហមកម្ពុជាបានយ៉ាងប្រសើរ»។

ជាមួយគ្នានេះ សម្ដេចតេជោ បានអរព្រះគុណថ្វាយចំពោះព្រះមហាក្សត្រ ចំពោះហ្លួងម៉ែ ក៏ដូចជាលោក-លោកស្រី ឧកញ៉ា-អ្នកឧកញ៉ា និងបងប្អូនជនរួមជាតិទាំងអស់ ដែលបានចូលរួមជាមួយកាកបាទក្រហមកម្ពុជា ដែលផ្ដល់ឱកាសឲ្យកាកបាទក្រហមកម្ពុជា ធ្វើសកម្មភាពមនុស្សធម៌ ជួយប្រជាពលរដ្ឋតទៅទៀត។
គួររំលឹកថា ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ ២០២២នេះ ជាខួបលើកទី ១៥៩ ហើយកន្លងមក លោក-លោកស្រី ឧកញ៉ា-អ្នកឧកញ៉ា មន្ត្រីរាជការជាច្រើនរូប តែងតែចូលរួមបរិច្ចាគថវិកាជារៀងរាល់ឆ្នាំ ជាមួយកាកបាទក្រហមកម្ពុជា៕
អត្ថបទ៖ កោះកែវ


-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ