ព័ត៌មានជាតិ

ឃាត់ខ្លួនជនសង្ស័យម្នាក់ករណីបង្ខាំងមនុស្សជំរិតទារប្រាក់ និងរំលោភសេពសន្ទវៈ

បានផុស

៤ years មុន

នៅ

ថ្ងៃសុក្រ ១៨ ធ្នូ ២០២០

ដោយ

នគរបាលផ្នែកព្រហ្មទណ្ឌ នៃអធិការដ្ឋាននគរបាលខណ្ឌកំបូល ដោយសហការជាមួយនគរបាលខណ្ឌដង្កោ បានធ្វើការឃាត់ខ្លួនជនសង្ស័យម្នាក់ ករណីបង្ខាំងមនុស្សជំរិតទារប្រាក់ និងរំលោភសេពសន្ទវៈ នៅមូលដ្ឋានខណ្ឌកំបូល ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចនឝរបាលខណ្ឌកំបូល ប្រាប់អោយដឹងថា ជនសង្ស័យដែលត្រូវសមត្ថកិច្ចឃាត់ខ្លួន ករណីបង្ខាំងមនុស្សជំរិតទារប្រាក់ និងរំលោភសេពសន្ទវៈ គឺ ឈ្មោះ សៅ ប្រុស ( ហៅ ) បញ្ញា ភេទ ប្រុស អាយុ៣៧ឆ្នាំ មុខរបរមិនពិតប្រាកដ ស្នាក់នៅបន្ទប់ជួល ផ្លូវលំ ភូមិស្រែក្នុង សង្កាត់កន្ទោក ខណ្ឌកំបូល រាជធានីភ្នំពេញ ។ ចំណែកជនរងគ្រោះឈ្មោះ អ៊ុក ឧស្សាហ៍ ភេទស្រី អាយុ១៦ឆ្នាំ មុខរបរ សិស្ស ស្នាក់នៅភូមិព្រៃពួច ឃុំជ្រៃបាក់ ស្រុករលៀប្អៀ ខេត្តកំពង់ឆ្នាំង ។

ប្រភពព័ត៍មានប្រាប់បន្តថា ហេតុការណ៍ដែលជនសង្ស័យ បង្ខាំងមនុស្សជំរិតទារប្រាក់ និងរំលោភសេពសន្ទវៈ ទៅលើជនរងគ្រោះ កើតឡើងនៅចំណុចផ្លូវលំស្របផ្លូវរថភ្លើង ភូមិស្រែក្នុង សង្កាត់កន្ទោក ខណ្ឌកំបូល រាជធានីភ្នំពេញ កាលពីវេលាម៉ោង១៤ និង០០នាទី រសៀលថ្ងៃទី១៦ ខែធ្នូ ឆ្នាំ២០២០ ។

ក្រោយពីទទួលបានព័ត៍មាននេះ កម្លាំងនគរបាលផ្នែកព្រហ្មទណ្ឌ នៃអធិការដ្ឋាននគរបាលខណ្ឌកំបូល ដឹកនាំដោយលោកវរសេនីយ៍ទោ ឈឹម សាវុទ្ធ អធិការរងខណ្ឌកំបូល សហការជាមួយនគរបាលខណ្ឌដង្កោ ស្រាវជ្រាវរហូតឈានទៅដល់ឃាត់ខ្លួនជនសង្ស័យឈ្មោះ សៅ ប្រុស ( ហៅ ) បញ្ញា នៅក្នុងមូលដ្ឋានខណ្ឌដង្កោ កាលពីរសៀលថ្ងៃទី១៧ ខែធ្នូ ឆ្នាំ២០២០ ។

បច្ចុប្បន្នចំពោះសំណុំរឿងនេះសមត្ថកិច្ចជំនាញនគរបាលខណ្ឌកំបូល កំពុងបន្តនីតិវិធីទៅតាមផ្លូវច្បាប់ ៕

អត្ថបទ ៖ រ៉ាវុទ្ធ

Related Topics:ករណីរំលោភ