ព័ត៌មានជាតិ

នគរបាលខេត្តតាកែវ បន្តប្រតិបត្តិការបង្ក្រាបដំណាំកញ្ឆានៅស្រុកគិរីវង់

បានផុស

៤ years មុន

នៅ

ថ្ងៃសុក្រ ១៨ ធ្នូ ២០២០

ដោយ

Bo Doula

នគរបាលខេត្តតាកែវ បន្តប្រតិបត្តិការបង្រ្កាបដំណាំកញ្ឆាខុសច្បាប់ បន្ទាប់ពីមានជនខិលខូចបានលួចលាក់ដាំនៅតំបន់ព្រៃភ្នំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងប្រតិបត្តិការបង្ក្រាប នាថ្ងៃទី១៧ ខែធ្នូ ឆ្នាំ២០២០ សមត្ថកិច្ចបានចុះដល់ទីតាំងដំណាំកញ្ឆា ស្ថិតនៅចំណុចដុបកំសត់ នឹងដុបបែកថ្លាង ស្ថិតក្នុង ឃុំព្រះបាទជាន់ជុំ ស្រុកគិរីវង់ ដែលមានផ្ទៃដីប្រមាណ២៩២ម៉ែត្រការ៉េ។

លោកវរសេនីយ៍ឯក យុគ សារ៉ាត់ អធិការនគរបាលស្រុកគិរីវង់ ខេត្តតាកែវ បានថ្លែងថា ក្រុមជំនាញស្រុក បានសហការជាមួយកម្លាំងប៉ុស្តិ៍នគរបាលរដ្ឋបាល ឃុំព្រៃអំពក-ឃុំកំពែង-ឃុំតាអូរ-ឃុំរាមអណ្តើក-គោកព្រេច-អង្គប្រាសាទ និងប៉ុស្តិ៍នគរបាលរដ្ឋបាលព្រះបាទជាន់ជុំ ដោយរុករកកាប់ដុតបំផ្លាញដំណាំកញ្ឆា ដែលជនខិលខូចលួចដាំខុសច្បាប់ បានចំនួន០៤ទីតាំង អាងស្តុកទឹកចំនួន០៣ នៅចំនុចដុបកំសត់ និងដុបបែកថ្លាង ស្ថិតក្នុង ឃុំព្រះបាទជាន់ជុំស្រុកគិរីវង់ ។

លោកបន្តថា សមត្ថកិច្ចកំពុងបន្តស្រាវជ្រាវស្វែងរកម្ចាស់អ្នកដាំដំណាំកញ្ឆា ដើម្បីយកមកផ្តន្ទាទោសតាមច្បាប់ ៕