ព័ត៌មានជាតិ

ទូតបារាំងស្នើឱ្យមានការអភិរក្សសំណង់អគារចាស់ៗសម័យបារាំងនៅភ្នំពេញ

បានផុស

៣ years មុន

នៅ

ថ្ងៃពុធ ១៨ ឧសភា ២០២២

ដោយ

លោកហ្សាក់ ប៉ឺឡេ ឯកអគ្គរដ្ឋទូតបារាំងប្រចាំកម្ពុជា កាលពីរសៀលថ្ងៃទី១៨ ខែឧសភាឆ្នាំ២០២២នេះ បានស្នើឱ្យរដ្ឋបាលរាជធានីភ្នំពេញជួយអភិរក្សសំណង់អគារចាស់ ក្នុងសម័យអាណានិគមបារាំង ដើម្បីទាក់ទាញភ្ញៀវទេសចរមកកម្សាន្តនៅកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងជំនួបសម្តែងការគួរសមជាមួយនឹងលោក ឃួង ស្រេង អភិបាលរាជធានីភ្នំពេញ លោកបានកោតសរសើរយ៉ាងខ្លាំងចំពោះការអភិវឌ្ឍន៍រីកចំរើនរបស់រាជធានីភ្នំពេញ ក្នុងរយៈពេលប៉ុន្មានឆ្នាំចុងក្រោយនេះ ដោយមានសំណង់ អាគារខ្ពស់ៗ ជាមួយផ្លូវខ្វាត់ខ្វែង ខុសពីឆ្នាំ១៩៩៥ ដាច់ស្រឡះតែម្តង និងស្នើឲ្យរដ្ឋបាលរាជធានីភ្នំពេញធ្វើការអភិរក្សនូវបេតិកភណ្ឌ ចាស់ៗ ដែលនៅសេសសល់ ព្រោះវាជាការទាក់ទាញភ្ញៀវជាតិអន្តរជាតិ ឱ្យមកដើរលេងកំសាន្តនៅរាជធានីភ្នំពេញ។

សំណង់អគារ ដែលបន្សល់ទុកពីសម័យអាណានិគមន៍បារំាង នៅទូទាំងរាជធានីភ្នំពេញ នៅមានចំនួន៥២៣ កន្លែង ក្នុងនោះសំណង់បែបលំនៅដ្ឋាន មានប្រមាណ ៤៤៨កន្លែង ដែលទាមទារឲ្យមានការយកចិត្តទុកដាក់ថែរក្សា និងអភិរក្ស។

យោងតាមរបាយការណ៍ របស់សាលារាជធានីភ្នំពេញ កាលពីពេលកន្លងមក បានឲ្យដឹងថា ក្រោយពីការស្រាវជ្រាវ និងវាយតម្លៃពីអ្នកជំនាញជនជាតិបារំាង គេរកឃើញថា សំណង់អគារសម័យអាណានិគមន៍បារាំង ប្រមាណ៥២៣ កន្លែង ក្នុងនោះ មានសំណង់អគារលំនៅដ្ឋានលក្ខណៈជាប្រវត្តិសាស្រ្តចំនួន៤៤៨កន្លែង។ សំណង់អគារទាំងនេះ ត្រូវបានគេចែកចេញជា៤ប្រភេទ ក្នុងនោះមានដូចជា ប្រភេទចំណាត់ថ្នាក់លេខមួយមានចំនួន៣៤កន្លែង ប្រភេទចំណាត់ថ្នាក់លេខពីរ មានចំនួន២៤កន្លែង ចំណាត់ថ្នាក់លេខបី មានចំនួន១៧កន្លែង និងចំណាត់ថ្នាក់លេខបួន មានចំនួន៤៤៨កន្លែង៕