ព័ត៌មានជាតិ
សម្ដេចតេជោ ហ៊ុន សែន ៖ វិធានការដាក់ទណ្ឌកម្ម គួរតែបញ្ឈប់ ព្រោះមិនមានផលប្រយោជន៍នោះទេ
សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានស្នើឲ្យបញ្ឈប់ការប្រើវិធានការដាក់ទណ្ឌកម្ម ព្រោះមិនមានប្រយោជន៍អ្វីនោះឡើយ។ សម្ដេចតេជោ បានលើកឡើងថា ការដាក់ទណ្ឌកម្ម គឺបានបង្កផលប៉ះពាល់ទាំងប្រទេសដាក់ទណ្ឌកម្ម និងប្រទេសដែលគេដាក់ទណ្ឌកម្ម។ សម្ដេចតេជោ បានស្នើបែបនេះ ស្របពេលដែលពិភពលោក កំពុងដាក់ទណ្ឌកម្មលើប្រទេសរុស្ស៊ី ដោយហេតុថា ប្រទេសរុស្ស៊ីបានឈ្លានពានទៅលើប្រទេសអ៊ុយក្រែន។

នៅក្នុងវេទិកាសេដ្ឋកិច្ចពិភពលោក កាលពីថ្ងៃទី ២៤ ខែឧសភា ឆ្នាំ ២០២២ បានបើកកិច្ចពិភាក្សាពិសេសមួយលើប្រធានបទ «ទិដ្ឋភាពយុទ្ធសាស្រ្ត ស្តីពី អាស៊ាន និងតួនាទីជាប្រធានអាស៊ានរបស់កម្ពុជា ក្នុងឆ្នាំ ២០២២» នៅប្រទេសស្វីស។ ក្នុងឱកាសនោះ សម្ដេចតេជោ ហ៊ុន សែន បានថ្លែងដូច្នេះថា «ឥឡូវនេះ ប្រទេសដែលមិនប្រឈមផ្ទាល់ជាមួយបញ្ហា កំពុងតែជួបគ្រោះទ្វេរទិស គ្រោះម្ខាងចេញពីសង្គ្រាមរុស្ស៊ី-អ៊ុយក្រែន ប៉ុន្តែគ្រោះម្ខាងទៀតចេញពីទណ្ឌកម្មតែម្ដង»។

សម្ដេចតេជោ បានបន្តថា «រឿងទណ្ឌកម្មនេះ គួរតែឈប់ប្រើទៅ វាអត់បានផ្ដល់នូវផលប្រយោជន៍ណាមួយទេ សូម្បីតែអ្នកដាក់ទណ្ឌកម្មគេក៏ខាតខ្លួនឯងដែរ កុំថាឡើយប្រទេសយើងក្រីក្រ ប្រទេសដែលកំពុងដាក់ទណ្ឌកម្មលើរុស្ស៊ី តើបាន អីត្រឡប់មកវិញៗ កំពុងចោទជាបញ្ហា»។

យ៉ាងណាក៏ដោយ សម្ដេចតេជោ ហ៊ុន សែន បានលើកឡើងថា បញ្ហាសង្គ្រាមរុស្ស៊ី-អ៊ុយក្រែន មិនទាន់ឈានដល់ដំណាក់កាល សង្គ្រាមយោធាទូទាំងពិភពលោកទេ។ ប៉ុន្តែបញ្ហាសេដ្ឋកិច្ច កំពុងតែក្លាយជាបញ្ហាប្រឈមខ្លាំង។ សម្តេចតេជោនាយករដ្ឋមន្ត្រី ចាត់ទុកថា បញ្ហាសង្គ្រាមឈ្លានពានរបស់រុស្ស៉ី ទៅលើប្រទេសអ៊ុយក្រែននេះ គឺជាបញ្ហាដែលប្រឈមខ្លាំង សម្រាប់ពិភពលោក និងអាស៊ាន។ បើតាមសម្តេចតេជោ បច្ចុប្បន្នសង្គ្រាមនេះ បង្កើតត្រឹមវិបត្តិថាមពល តែទៅពេលខាងមុខ នឹងមានវិបត្តិស្បៀងអាហារថែមទៀតផង៕
អត្ថបទ៖ ធឿន វ៉ាន់សុង

-
ព័ត៌មានជាតិ២ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៦ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ២ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ២០ ម៉ោង ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
សន្តិសុខសង្គម១ សប្តាហ៍ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៦ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម៣ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ចរាចរណ៍២ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល