ព័ត៌មានជាតិ
អង្គការ FOUR PAWS ទទូចឱ្យបញ្ចប់ជំនួញសាច់ឆ្កែ និងឆ្មា ខណៈអាជ្ញាធរសៀមរាបគាំទ្រការលើកឡើងនេះ
អង្គការក្រៅរដ្ឋាភិបាលមួយដែលមានឈ្មោះថា FOUR PAWS បានទទូចឱ្យបញ្ចប់ជំនួញសាច់ឆ្កែ និងឆ្មា ព្រោះទង្វើ និងសកម្មភាពជាច្រើនក្នុងវិស័យជួញដូរសាច់ឆ្កែ និងឆ្មា ងាយនឹងបង្កឱ្យមានការចម្លងមេរោគដែលនាំឲ្យប៉ះពាល់ដល់ទាំងសត្វ និងមនុស្ស។
តាមការសិក្សារបស់អង្គការ FOUR PAWS គ្រួសារទទួលរងការឈឺចាប់ ដោយសារជំនួញសាច់ឆ្កែ និងឆ្មា នៅតំបន់អាស៊ីអាគ្នេយ៍ ព្រោះតែសត្វចិញ្ចឹមរបស់ពួកគេត្រូវបានគេលួចយកទៅលក់។
ហើយថា មិនធ្លាប់សោះឡើយ ដែលការទាមទារឱ្យបញ្ចប់ជំនួញបែបនេះ មានសំឡេងកាន់តែខ្លាំងឡើងៗ ក្នុងប្រទេសកម្ពុជា វៀតណាម និងឥណ្ឌូណេស៊ី ដោយសារតែរដ្ឋាភិបាលបានចាប់ផ្ដើមធ្វើសកម្មភាពជាបណ្ដើរៗ។
សម្រាប់កម្ពុជា ការធ្វើអាជីវកម្មសាច់ឆ្កែ ត្រូវបានចាប់អនុវត្តការហាមឃាត់ដំបូង នៅស្រុកបន្ទាយស្រី ខេត្តសៀមរាប កាលពីថ្ងៃទី ៦ ខែកក្កដា ឆ្នាំ ២០២០។
កាលនោះ មន្ទីរកសិកម្ម ខេត្តសៀមរាបបានប្រកាសហាមឃាត់ការធ្វើអាជីវកម្មទិញ លក់ ពិឃាតសត្វ ឆ្កែ នៅក្នុងស្រុកបន្ទាយស្រី ក្នុងហេតុផលលើកកម្ពស់សុខមាលភាព និងបញ្ចៀសពីជំងឺឆ្លងផ្សេងៗ។
លោក ឃឹម ហ្វីណង់ អភិបាលស្រុកបន្ទាយស្រី ប្រាប់កម្ពុជាថ្មី នៅថ្ងៃពុធទី ២៥ ខែឧសភា ២០២២ នេះថា បច្ចុប្បន្ននេះ នៅស្រុកបន្ទាយស្រី មិនមានការជួញដូរ និងបរិភោគជាផ្លូវការនោះទេ ប៉ុន្តែការលួចជួញដូរក្រោមរូបភាពណាមួយនោះអាជ្ញាធរមិនទាន់អាចធានបានទាំងស្រុងដែរ គ្រាន់តែថា កន្លែងដែលប្រមូលទិញ ឬបើកលក់ជាប្រចាំគឺអាជ្ញាធរចុះទៅបង្ក្រាប និងបិទតែម្ដង។
លោក ឃឹម ហ្វីណង់ បញ្ជាក់ថា មានហេតុផលមួយចំនួនដែលអាជ្ញាធរហាមឃាត់ការជួញដូរ និងបរិភោគសាច់ឆ្កែ ដោយសារតែឆ្កែជាសត្វចិញ្ចឹម បើតាមសីលធម៌សង្គម លោកមិនលើកទឹកចិត្តឱ្យយកសត្វចិញ្ចឹមទៅបរិភោគនោះទេ។ ម្យ៉ាងទៀត ការបរិភោគសត្វទាំងនេះ ធ្វើឱ្យប៉ះពាល់ដល់សុខភាពដោយសារវាមិនមែនជាប្រភេទសត្វដែលយើងយកមកបរិភោគជាទូទៅ។
ក្រៅពីនេះ ក្នុងនាមជាតំបន់ទេសចរណ៍ កន្លងមកមានសារព័ត៌មាន និងអ្នកទេសចរជាច្រើនដែលបានទៅលេងស្រុកបន្ទាយស្រី មើលឃើញថា ទៅទីនោះ មានការលក់ ជួញដូរ បរិភោគសាច់ឆ្កែ ដែលវាជារូបភាពមិនល្អ ហើយគាត់តែងតែផ្សព្វផ្សាយខុស រិះគន់ពីកម្ពុជា។
អភិបាលស្រុករូបនេះ គាំទ្រនូវការបញ្ចប់សកម្មភាពបរិភោគសាច់ឆ្កែនៅខេត្តសៀមរាប ប៉ុន្តែតំបន់ដទៃអនុវត្តបានកម្រិតណាលោកមិនអាចអត្ថាធិប្បាយទេ ខណៈយោបល់ផ្ទាល់ខ្លួន លោកគាំទ្របញ្ឈប់ និងលុបបំបាត់នូវការជួញដូរប្រភេទសត្វចិញ្ចឹមយកទៅបរិភោគ ឈោងលើហតុផល សីលធ៌ម គុណធម៌ និងសុខភាពសាធារណៈ។
តាមការសិក្សារបស់អង្គការ Four Paws កន្លងមកបានបង្ហាញថា សត្វឆ្កែពី ២ ទៅ ៣ លានក្បាលត្រូវបានសម្លាប់ជារៀងរាល់ឆ្នាំសម្រាប់យកសាច់របស់វាទៅលក់ដូរជាម្ហូបអាហារ ពិសេសនៅក្នុងខេត្តសៀមរាប។
យ៉ាងណាក៏ដោយ អង្គការFOUR PAWS ទទូចឱ្យបញ្ចប់ ការលួចសត្វចិញ្ចឹមរាប់លានក្បាល ពីតាមផ្ទះនានា នៅតំបន់អាស៊ីអាគ្នេយ៍ យកទៅសម្លាប់ដើម្បីធ្វើជំនួញ ការចាប់សត្វឆ្កែ និងឆ្មា អនាថាតាមដងផ្លូវនានានៅតំបន់អាស៊ីអាគ្នេយ៍ ដើម្បីយកសាច់ ការប្រើប្រាស់វិធីសម្លាប់ដ៏សែនឃោរឃៅ ដូចជាការបោះចូលទៅក្នុងទឹកឱ្យលង់ស្លាប់ ការព្យួរក ការដុតទាំងរស់និងហានិភ័យនៃការឆ្លងជំងឺឆ្កែឆ្កួតទៅមនុស្ស និងសត្វ តាមរយៈជំនួញបែបនេះ។
យុទ្ធនាការរបស់អង្គការក្រៅរដ្ឋាភិបាលមួយនេះ ដូចជាការជួយសង្គ្រោះសត្វ ការបិទភោជនីយដ្ឋានលក់សាច់ឆ្កែ ព្រមទាំងសត្តឃាតដ្ឋាន និងការជួបជាមួយនឹងមន្ត្រី រដ្ឋាភិបាលដើម្បីអំពាវនាវឱ្យមានការរៀបចំច្បាប់ និងការអនុវត្តច្បាប់ ដើម្បីឈានដល់ការបញ្ឈប់ជំនួញនេះ៕
អត្ថបទ៖ ឡេង ដេត
ដាក់កាមេរ៉ាសុវត្ថិភាព បណ្តឹងច្បាប់ចរាចរណ៍លើផ្លូវ ៦០ ម៉ែត្រ ក្រោយមានគ្រោះថ្នាក់សម្លាប់មនុស្ស ៤ នាក់
សម្តេច ទៀ បាញ់ ណែនាំឱ្យប្រជាកសិករនៅក្នុងខេត្តសៀមរាបលក់សាច់ បន្លែ ផ្លែឈើកុំប្រើថ្នាំគីមី ដើម្បីសុខភាពអ្នកបរិភោគ
បញ្ចប់ការធ្វើបច្ចុប្បន្នភាពផែនទីកំណត់តំបន់១ តំបន់២ និងតំបន់៣ ការពារដែនព្រៃលិចទឹកជុំវិញតំបន់បឹងទន្លេសាប
AITO រថយន្តដើរដោយថាមពលអគ្គិសនីដ៏ទំនើប ដែលលក់ដាច់បំផុតរបស់ចិន ចាប់ផ្តើមចែកចាយនៅកម្ពុជា
ចេញសម្ដែងរឿងយូរក្រែលហើយ តារាជើងចាស់ Lee Soon Jae ទើបឈ្នះរង្វាន់ ក្នុងវ័យ ៩០ ឆ្នាំ
ជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
នគរបាលបញ្ជូនអ្នកបើករថយន្ដបុកម៉ូតូស្លាប់ឪពុកកូន៣នាក់នៅផ្លូវ៦០ម៉ែត្រទៅតុលាការ
មនុស្សស្លាប់ដោយសារភ្លើងឆេះព្រៃនៅ LA កើនដល់២៤នាក់ ខណៈ តួលេខអាចហក់ឡើងខ្ពស់ទៀត
យុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
រោងចក្រផលិតសំបកកង់រថយន្តថ្មីមួយទៀត តម្លៃជាង ៥០០ លានអាមេរិក បើកការដ្ឋានសាងសង់នៅខេត្តស្វាយរៀង
-
ព័ត៌មានជាតិ៤ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍១ សប្តាហ៍ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ចរាចរណ៍៣ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ៥ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ជីវិតកម្សាន្ដ២ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ៣ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៥ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ៣ ថ្ងៃ agoក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ