ព័ត៌មានជាតិ

ជួយគ្នាពេលមានទុក្ខលំបាក ជាអំពើល្អ សម្រាប់មន្ត្រីគ្រប់រូបតែងអនុវត្ត

បានផុស

៤ years មុន

នៅ

ថ្ងៃសៅរ៍ ១៩ ធ្នូ ២០២០

ដោយ

ពិតជាគួរឲ្យរំភើបនិងជាគំរូដ៏ល្អ សម្រាប់មន្ត្រីរាជការ ខណៈមានមន្ត្រីក្នុងអង្គភាពមានទុក្ខលំបាក គឺមានថ្នាក់ដឹកនាំ ក្នុងអង្គភាពចុះសាកសួរសុខទុក្ខធ្វើឲ្យអ្នកជួបទុក្ខលំបាកឬអ្នកមានជំងឺ មានការកក់ក្តៅក្នុងចិត្តរកអ្វីមកប្រៀបប្រដូចបានឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្តែងនៅព្រឹកថ្ងៃទី១៩ ខែធ្នូនេះ លោក សារិន វណ្ណា ប្រធានមន្ទីររៀបចំដែនដី រាជធានីភ្នំពេញ អមដំណើរដោយក្រុមការងាររបស់មន្ទីរ បានអញ្ជើញចុះសាកសួរសុខទុក្ខដល់មន្ត្រីរាជការ២រូបដែលកំពុងសម្រាកព្យាបាលជំងឺលើសឈាមនៅផ្ទះ។ យោងតាមប្រភព បានឲ្យដឹងថា រាល់ពេលដែលមន្ត្រីរាជការក្នុងមន្ទីររៀបចំដែនដីរាជធានីភ្នំពេញ មានជំងឺឬជួបការលំបាកអ្វី គឺលោក សារិន វណ្ណា បានចុះជួយជានិច្ច ដែលសកម្មភាពនេះធ្វើឲ្យមន្ត្រីរាជការក្នុងមន្ទីរមានក្តីរំភើបព្រោះ មានវត្តមានលោកប្រធានមន្ទីរចុះជួយដោយផ្ទាល់ធ្វើឲ្យមន្ត្រីរាជការដែលជួបទុក្ខលំបាកមានក្តីរំភើបនឹងកក់ក្តៅ ពិសេសក្រុមគ្រួសារផ្ទាល់។

ជាក់ស្តែងនៅថ្ងៃទី១៩ ខែធ្នូនេះ លោក សារិន វណ្ណា បាននាំយកថវិកាផ្ទាល់ខ្លួនរបស់លោក ផ្តល់ជូនមន្ត្រី២រូប ដែលមានជំងឺក្នុងម្នាក់ៗទទួលបានថវិកាចំនួន១០០០ដុល្លារ រួមទាំងផ្លែឈើថែមទៀតផង។ ក្នុងនាមក្រុមគ្រួសារមន្ត្រីរាជការទាំងពីររូប សូមសំដែងនូវក្តីត្រេកអរព្រមទាំងអរគុណដល់ប្រធានមន្ទីរដែនដីនិងក្រុមការងារ ដែលតែងតែចុះជួយដល់មន្ត្រី ដែលជួបលំបាកនិងមានជំងឺមិនដែលខកខានឡើយ។ សកម្មភាពមនុស្សធម៌បែបនេះ ធ្វើឲ្យមន្ត្រីរាជការទាំងអស់ដឹងគុណលោកប្រធានមន្ទីរជានិច្ច មិនអាចបំភ្លេចបានឡើយ៕