កំប្លោក​អណ្ដែត​ពាស​ពេញ​ផ្ទៃទន្លេ​ និង​ព្រែក​នៅកំពង់ឆ្នាំង​ ធ្វើ​ឱ្យ​ស្រឡាង​ប្រើពេល​យូរ​ជាងមុន ​

កំប្លោកខៀវស្រងាត់ អណ្ដែតពាសពេញផ្ទៃទន្លេ និងព្រែក នៅថ្ងៃទី ២៦ ខែឧសភានេះ នៅតាម​ដងទន្លេសាប​ និងព្រែក ទីរួមស្រុកកំពង់លែង ខេត្តកំពង់ឆ្នាំង។​

​ប្រជាពលរដ្ឋ និងមន្ត្រីរាជការធ្វើដំណើរតាមស្រឡាងពីក្រុងកំពង់ឆ្នាំងទៅកាន់ទីរួមស្រុកកំពង់លែង ខេត្តកំពង់ឆ្នាំង ចម្ងាយជាង ៤ គីឡូម៉ែត្រ បានប្រើពេលវេលាដល់ទៅជិតមួយម៉ោង ដែល​ជាធម្មតា​ត្រូវចំណាយពេលតែ ៣០ នាទីប៉ុណ្ណោះ ព្រោះតែមានកំប្លោកអណ្តែតច្រើនពាសពេញផ្ទៃទន្លេ និងព្រែកតាមផ្លូវត្រូវបើកបរ។

​ករណីកំប្លោក​ ច្រើនបែបនេះបើគេបើកបរកាណូត​តូចឬចែវទូកវិញ​នោះគឺមិនអាចធ្វើដំ​ណើរបាន​ឡើយ។ ផ្នែកកាណូតធុនមធ្យម និងធុនធំក៏ជួបការលំបាកផងដែរព្រោះត្រូវកំប្លោក​ជាប់នឹង​ស្លាប​ចក្រ​ដោយត្រូវការដោះយកកំប្លែងជាញឹកញាប់ទើបអាចធ្វើដំណើរទៅមុខទៀតបាន។

​អភិបាលខេត្តកំពង់ឆ្នាំងលោក ស៊ុន សុវណ្ណរិទ្ធិ បានឱ្យដឹងថា ក្នុងពេលឆាប់ៗខាងមុខនេះ អ្នកជំ​នាញ​របស់ប្រទេសជប៉ុននឹងមកសហការជាមួយអាជ្ញា ធរខេត្ត​កំពង់ឆ្នាំង ដើម្បីយកកំប្លោក​នេះធ្វើ​ជាមេតាណុលនឹងផលិតធ្វើជាស្រាកំប្លោកផងដែរ៕

អត្ថបទ៖ ឈៀងថារិទ្ធ