ព័ត៌មានជាតិ

ដេត ម៉ាលីណា៖ ការជាមួយឧកញ៉ាឌួង ឆាយ ១០ ឆ្នាំមុនមិនមែនមកពីសម្លឹងឃើញទ្រព្យនោះទេ

បានផុស

៤ years មុន

នៅ

ថ្ងៃសៅរ៍ ១៩ ធ្នូ ២០២០

ដោយ

ក្រោយប្រកាសលែងលះជាមួយឧកញ៉ាឌួង ឆាយ អ្នកនាង ដេត ម៉ាលីណា បានជម្រះការចោទប្រកាន់ថា ការរៀបអាពាហ៍ពិពាហ៍របស់នាងជាង ១០ ឆ្នាំនេះ កើតឡើងដោយសារសម្លឹងឃើញទ្រព្យសម្បត្តិស្វាមី។

ស្រ្តីកូន ៣ ដែលប្រកាសលែងប្តីជាត្រកូលអភិជនបញ្ជាក់ថា ទ្រព្យសម្បត្តិដែលបានមកដល់សព្វថ្ងៃនេះ កើតចេញពីកម្លាំងញើសឈាមដែលនាងខំរកពីបាតដៃទទេ មិនមានចំណែកណាមួយពីគ្រួសារខាងប្តីនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាងប្រាប់បន្តថា អ្នននាងរៀបការជាមួយឧកញ៉ាឌួង ឆាយ តាំងពីមិនទាន់មានងារជាឧកញ៉ាមកម៉្លេះ។ ការបែងគ្នាពេលនេះ ក៏មិនមែនមកពីមានអ្នកទី ៣ ឬរឿងទ្រព្យសម្បត្តិអីដែរ។

អ្នកនាងដេត ម៉ាលីណា លើកមូលហេតុឈានទៅកាត់ផ្តាច់ចំណងអាពាហ៍ពិពាហ៍ជាមួយឧកញ៉ាឌួង ឆាយ ដោយសារអ្នកនាងឆ្អែតទៅនឹងទង្វើ និងភាពមិនស្មោះត្រង់ដែលអ្នកនាងមិនអាចស៊ូទ្រាំបានតទៅទៀត។ អ្នកនាងបញ្ជាក់ថា អាពាហ៍ពិពាហ៍របស់នាងជាង ១៣ ឆ្នាំនេះ គឺមានតែទឹកភ្នែក និងសម្ពាធផ្លូវចិត្តតែប៉ុណ្ណោះ។

យ៉ាងណាមិញ ការសម្រេចចិត្តបែកគ្នានេះគឺបញ្ចប់ដោយសន្តិវិធី និងការព្រមព្រៀងគ្នាទាំងសងខាង។ អ្នកនាងស្នើឲ្យមហាជនឈប់សួរនាំរឿងរបស់អ្នកនាងនិងឧកញ៉ាឌួង ឆាយ គឺលែងពាក់ព័ន្ធអីទៀតហើយ។ ទំនាក់ទំនងជាមួយគ្នានៅពេលនេះ គឺត្រឹមតែជាឪពុកកូនទាំង ៣ របស់នាង មិនមែនជាស្វាមីដូចមុនទេ៕