ព័ត៌មានជាតិ

សាឡង់ចម្លងពីកោះនរាឆ្ពោះទៅកោះពេជ្រ មមាញឹកខ្លាំង និងជាផ្នែកមួយជួយកាត់ បន្ថយកកស្ទះលើដងផ្លូវ

បានផុស

៣ years មុន

នៅ

ថ្ងៃសៅរ៍ ២៨ ឧសភា ២០២២

ដោយ

ពលរដ្ឋដែលរស់នៅតាមបណ្តោយផ្លូវជាតិលេខ១ មួយចំនួនធំបានងាកមកធ្វើដំណើរតាមផ្លូវទឹកចូលរាជធានីភ្នំពេញ តាមរយៈសាឡង់ពីកោះនរា ឆ្ពោះមកកោះពេជ្រ ដែលការធ្វើដំណើរតាមផ្លូវទឹកនេះ បានរួមចំណែកកាត់បន្ថយការកកស្ទះចរាចរណ៍តាមដងផ្លូវជាពិសេសនៅតំបន់ផ្សារច្បារអំពៅ ដែលជារៀងរាល់ថ្ងៃ មានការកកស្ទះជាប្រចាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អ៊ុង រ៉ូន ចៅសង្កាត់រងទី១ សង្កាត់និរោធ ខណ្ឌច្បារអំពៅ បានប្រាប់កម្ពុជាថ្មីនៅថ្ងៃទី២៨ខែឧសភា នេះថា សកម្មភាពចម្លងអ្នកដំណើចេញពីកោះនរាឆ្ពោះទៅកោះពេជ្រគឺមានសភាពមមាញឹកខ្លាំង ជាពិសេសគឺចាប់ពីថ្ងៃចន្ទ ដល់ថ្ងៃ សុក្រ ដែលក្នុងចំណោមអ្នកធ្វើដំណើរ ភាគច្រើន ជាមន្រ្តីរាជការ។

ចំពោះតម្លៃសំបុត្រឆ្លងសាឡាងខាងលើនេះ សម្រាប់រថយន្តមានតម្លៃ ៦ ០០០រៀល ចំណែកម៉ូតូ១គ្រឿង តម្លៃ៥០០រៀល និងមនុស្សម្នាក់ ៥០០រៀល។ ដំណើការឆ្លងគឺចាប់ពីម៉ោង៦ព្រឹកដល់ម៉ោង៧និង៤០នាទីយប់៕ នរា