ព័ត៌មានជាតិ
និស្សិតពេទ្យជាង៧០នាក់ នឹងចេញទៅបន្តការសិក្សានៅប្រទេសបារាំង ចុងខែនេះ
និស្សិតជយលាភីអាហារូបករណ៍ថ្នាក់វេជ្ជបណ្ឌិតឯកទេស នៃសាកលវិទ្យាល័យវិទ្យាសាស្ត្រសុខាភិបាលចំនួនជាង៧០នាក់ នឹងចេញទៅរៀនបន្តនៅប្រទេសបារាំង ចុងខែតុលា ឆ្នាំ២០២០នេះ សម្រាប់ការសិក្សារយៈពេលមួយឆ្នាំ។
ថ្លែងក្នុងពិធីសំណេះសំណាលជាមួយនិស្សិតជយលាភីអាហារូបករណ៍ថ្នាក់វេជ្ជបណ្ឌិតឯកទេសទាំងនោះ លោកសាស្ត្រាចារ្យ សាផុនវឌ្ឍនៈ សកលវិទ្យាធិការ នៃសាកលវិទ្យាល័យវិទ្យាសាស្ត្រសុខាភិបាល បានមានប្រសាសន៍ថា សម្រាប់ឆ្នាំ២០២០នេះ និស្សិតជយលាភីអាហារូបករណ៍ថ្នាក់វេជ្ជបណ្ឌិតឯកទេស ដែលនឹងត្រូវសិក្សាបន្តនៅប្រទេសបារាំងមានចំនួន៧២នាក់។ ក្នុងនោះ មានស្ត្រីចំនួន២៤នាក់ និងបុរសចំនួន៤៨នាក់ សិក្សារយៈពេលមួយឆ្នាំ ចាប់ពីថ្ងៃទី០២ ខែវិច្ឆិកា ឆ្នាំ២០២០រហូតដល់ថ្ងៃទី០១ ខែវិច្ឆិកា ឆ្នាំ២០២១ នៅតាមគ្រឹះស្ថានបណ្ដុះបណ្ដាលចំនួន១៩ ដោយបែងចែកឯកទេសចំនួន២៣។
លោកសាស្ត្រាចារ្យ សាផុនវឌ្ឍនៈ បន្តថា ដោយមានការគាំទ្រពីស្ថានទូតបារាំងប្រចាំព្រះរាជាណាចក្រកម្ពុជា សាកលវិទ្យាល័យ បានបញ្ជូននិស្សិតចុះកម្មសិក្សាតាមមន្ទីរពេទ្យនៅប្រទេសបារាំងចំនួនពី៣០ ទៅ៤០នាក់ ក្នុងមួយឆ្នាំៗ។ ក្នុងនោះ ដោយចាប់តាំងពីឆ្នាំ១៩៩៦ មកដល់ឆ្នាំ២០១៩ មាននិស្សិតវេជ្ជសាស្ត្ររបស់សាកលវិទ្យាល័យផ្នែកវេជ្ជសាស្ត្រទូទៅ និងឯកទេសសរុបចំនួន៨៣២នាក់ បានបន្តការសិក្សា ឬធ្វើកម្មសិក្សានៅប្រទេសបារាំង។
ក្នុងឱកាសនោះ លោកសកលវិទ្យាធិការ បានផ្ដាំផ្ញើដល់ប្អូននិស្សិតទាំងអស់ ត្រូវខិតខំរៀនសូត្រ និងគោរពវិន័យរបស់មន្ទីរពេទ្យឲ្យបានខ្ជាប់ខ្ជួន ដើម្បីស្រូបយកចំណេះដឹងឲ្យបានច្រើនជាទីបំផុតត្រឡប់មកបម្រើជូនប្រទេសជាតិវិញ។
លោកសាស្ត្រាចារ្យ អេង ហួត រដ្ឋលេខាធិការតំណាងឲ្យ លោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល បានមានប្រសាសន៍ថា អាហារូបករណ៍នេះ នឹងចូលរួមចំណែកក្នុងការអភិវឌ្ឍធនធានមនុស្ស និងបង្កើតនូវគុណភាព នៃការអប់រំក្នុងវិស័យសុខាភិបាលនៅកម្ពុជា។ ជាពិសេសពង្រឹងនូវសមត្ថភាព និងជំនាញឯកទេសវេជ្ជសាស្ត្រក្នុងវិស័យវិទ្យាសាស្ត្រសុខាភិបាលនៅកម្ពុជាឲ្យកាន់តែមានកម្រិតខ្ពស់ថែមទៀត ឈានទៅរកស្តង់ដារអន្តរជាតិ ដែលជាការចូលរួមចំណែកយ៉ាងសំខាន់ក្នុងការអនុវត្តគោលនយោបាយ និងយុទ្ធសាស្ត្រកែទម្រង់របស់រាជរដ្ឋាភិបាលកម្ពុជា។ លោករដ្ឋលេខាធិការ បានកោតសរសើរចំពោះនិស្សិតជយលាភីអាហារូបករណ៍ថ្នាក់វេជ្ជបណ្ឌិតឯកទេសទាំងអស់ ដែលបានខិតខំ ប្រឹងប្រែងសិក្សា ស្រាវជ្រាវ តាមឯកទេសរៀងៗខ្លួន រហូតទទួលបាននូវការជ្រើសរើសឲ្យទៅធ្វើការសិក្សាបន្តនៅប្រទេសបារាំងនាពេលឆាប់ខាងមុខ។
លោករដ្ឋលេខាធិការ បានណែនាំនិស្សិតទាំងអស់ បន្តខិតខំ ប្រឹងប្រែង រៀនសូត្រ ឲ្យបានជាប់ជាស្ថាពរ ទទួលយកនូវចំណេះដឹង និងបទពិសោធន៍ថ្មីៗ ទាក់ទិននឹងឯកទេសរបស់ខ្លួនពី លោក លោកស្រីសាស្ត្រាចារ្យ និងសហភាតរៈនៅប្រទេសបារាំង ហើយពាំនាំយកនូវចំណេះដឹង និងចំណេះធ្វើទាំងនោះត្រឡប់មកកម្ពុជាវិញ ដើម្បីចូលរួមចំណែកក្នុងការអភិវឌ្ឍវិស័យសុខាភិបាលនៅមាតុប្រទេសយើងវិញ។
ជាមួយគ្នានេះដែរ លោកសាស្ត្រាចារ្យ អេង ហួត បានថ្លែងអំណរគុណចំពោះរដ្ឋាភិបាលបារាំង ដែលបានកំពុងបន្តគាំទ្រដល់ការអភិវឌ្ឍវិស័យសុខាភិបាល ជាពិសេសគឺការបណ្ដុះបណ្ដាលនៅសាកលវិទ្យាល័យវិទ្យាសាស្ត្រសុខាភិបាល។
គួរបញ្ជាក់ថា នៅក្នុងពិធីសំណេះសំណាលជាមួយនិស្សិតជយលាភីអាហារូបករណ៍ថ្នាក់វេជ្ជបណ្ឌិតឯកទេសទាំងនោះ ក៏មានការចូលរួមពី លោកស្រី អេវ៉ា ង្វៀន ប៊ិញ ឯកអគ្គរដ្ឋទូត នៃសាធារណរដ្ឋបារាំង ប្រចាំនៅកម្ពុជាផងដែរ៕
អត្ថបទ ៖ សំអឿន
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១២ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ