សិក្ខាសាលា ស្តីពី ការរួមចំណែករបស់កម្ពុជាចំពោះអាស៊ាន ធ្វើឡើងនៅព្រឹកនេះ

នៅព្រឹកថ្ងៃទី ៣១ ខែឧសភា ឆ្នាំ ២០២២ ក្រសួងការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា សហការជាមួយវិទ្យាស្ថានចក្ខុវិស័យអាស៊ី (AVI) បានរៀបចំសិក្ខាសាលាមួយស្តីពី “ការរួមចំណែករបស់កម្ពុជា ចំពោះអាស៊ាន” (Workshop on Cambodia’s Contribution to ASEAN)។

សិក្ខាសាលានេះ រៀបចំឡើងនៅសណ្ឋាគារ Hyatt Regency Hotel ក្រោមអធិបតីភាពលោកឧបនាយករដ្ឋមន្រ្តី ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិកម្ពុជា ដោយមានការអញ្ជើញចូលរួមពីឯកអគ្គរាជទូត ឯកអគ្គរដ្ឋទូត នៃបណ្ដាប្រទេសអាស៊ាន និងតំណាងប្រទេសជាច្រើនរូបទៀត៕

អត្ថបទ៖ កោះកែវ