ព័ត៌មានជាតិ

យុវជនសាខាកាកបាទក្រហម កម្ពុជាខេត្តប៉ៃលិន ផ្សព្វផ្សាយវិធានការការពារ និងទប់ស្កាត់ជំងឺកូវីដ-១៩

បានផុស

៤ years មុន

នៅ

ថ្ងៃអាទិត្យ ២០ ធ្នូ ២០២០

ដោយ

នៅព្រឹកថ្ងៃទី១៨ ខែធ្នូ ឆ្នាំ២០២០ ក្រុមការងារយុវជនសាខាកាកបាទក្រហមកម្ពុជា ខេត្តប៉ៃលិន បានបន្តចុះផ្សព្វផ្សាយ អំពីវិធានការទប់ស្កាត់ការរីករាលដាល នៃជំងឺកូវីដ-១៩ ដល់អាជីវករផ្សារប៉ាហ៊ី និងប្រជាពលរដ្ឋរស់នៅក្នុងភូមិប៉ាហ៊ីត្បូង សង្កាត់ប៉ៃលិន ដើម្បីចូលរួមទប់ស្កាត់ទាំងអស់គ្នា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តំណាងក្រុមការងារយុវជនសាខាកាកបាទក្រហមកម្ពុជាខេត្ត បានឲ្យដឹងថា ដោយអនុវត្តតាមការណែនាំរបស់រាជរដ្ឋាភិបាលកម្ពុជា និងក្រសួងសុខាភិបាល ព្រមទាំងតាមការចង្អុលបង្ហាញពីលោកស្រី បាន ស្រីមុំ ប្រធានសាខាកាក បាទក្រហមកម្ពុជា ខេត្តប៉ៃលិន បានចាត់តាំងយុវជនសាខាកាកបាទក្រហមកម្ពុជាខេត្ត ឲ្យបន្តការចុះផ្សព្វផ្សាយអប់រំ ក្នុងគោលបំណង ឲ្យប្រជាពលរដ្ឋទាំងអស់ ស្វែងយល់អំពីវិធានការនានា ដែលក្រសួងសុខាភិបាល បានណែនាំ និងឲ្យប្រជាពលរដ្ឋចួលរួម ធ្វើអនាម័យឲ្យបានស្អាតជាប្រចាំ ដើម្បីទប់ស្កាត់នូវការរីករាលដាលនៃជំងឺកូវីដ-១៩។

តំណាងក្រុមយុវជនសាខា បានបន្តថា ការបន្តចុះផ្សព្វផ្សាយនេះ គឺធ្វើឡើងដើម្បីកាត់បន្ថយ នៃការឆ្លងរីករាលដាល នៅក្នុងសហគមន៍ នឹងនៅគ្រប់ទីកន្លែងប្រជុំជន ដែលផ្តោតសំខាន់នៅតាមផ្សារ និងតាមទីរសាធារណៈនានា ក្នុងខេត្ត។

ការផ្សព្វផ្សាយបានជំរុញឲ្យមានការអនុវត្តន៍នូវវិធានការណ៍នានារបស់រាជរដ្ឋាភិបាល និងក្រសួងសុខាភិបាល អនុវត្តជាប្រចាំ ក្នុងកិច្ចការរស់នៅប្រចាំថ្ងៃ ដូចជាលាងដៃនឹងសាប៊ូ អាល់កុល ឬជែល ឲ្យបានញឹកញាប់ ពាក់ម៉ាស និងត្រូវអនុវត្តនូវគម្លាតសុវត្ថិភាព ជាដើម៕

អត្ថបទ ៖ សេង សុវណ្ណារិទ្ធ