​ព្យុះក្រវាញ ​ធ្វើឲ្យតំបន់មួយចំនួននៅកម្ពុជា ចុះត្រជាក់

ក្រសួងធនធានទឹក និងឧតុនិយម បានឲ្យដឹងថា វិសម្ពាធដែលកំពុងស្ថិតនៅក្នុងសមុទ្រចិនខាងត្បូង បានបង្កើន​ឥទ្ឋិពល​របស់ខ្លួ​ន ទៅជាកូនព្យុះទី២៣ ឈ្មោះ ក្រវាញ ។តាមការព្យាករ ព្យុះនេះ នឹងធ្វើដំណើរឆ្ពោះមកទិសខាងលិច ចូលគៀកចុងជ្រោយឥណ្ឌូចិន ខាងត្បូងប្រទេសវៀតណាម នៅថ្ងៃទី២២ ខែធ្នូ ឆ្នាំ២០២០ រួចបន្តដំណើរចូលមកខេត្តកំពត និងខេត្តព្រះសីហនុ ប្រទេសកម្ពុជា ។

ក្រសួងបញ្ជាក់ថា នៅថ្ងៃទី២៤ ខែធ្នូ វិសម្ពាធនេះ បានថយឥទ្ឋិពលទៅជាសម្ពាធទាប ដើរចូលទៅសមុទ្រប្រទេសកម្ពុជា និងឈូងសមុទ្រថៃ រួចបន្តឆ្ពោះទៅខេត្តស៊ូរ៉ាត់ថានី។

ចាប់ពីថ្ងៃទី២៣ ដល់ថ្ងៃទី២៤ ខែធ្នូ  ​នឹងធ្វើធាតុអាកាសនៅកម្ពុជា ចុះត្រជាក់នៅតំបន់ជួរភ្នដងរែក ក្នុងរង្វង់ពី១៧អង្សា​សេ​ ទៅ២០អង្សាសេ បណ្ដាខេត្តនៅតំបន់វាលទំនាប ក្នុងរង្វង់ពី១៨អង្សាសេ ទៅ២១អង្សាសេ បណ្ដាខេត្តនៅតំបន់មាត់សមុទ្រ ក្នុងរង្វង់ពី២០អង្សាសេ ទៅ២៣អង្សាសេ៕