ព័ត៌មានជាតិ
ផ្លូវជាតិលេខ ២ សាងសង់គ្មានគុណភាព ក្រសួងសាធារណការ ចាត់អ្នកបច្ចេកទេសខួងគ្រឹះពិនិត្យឡើងវិញ រង់ចាំរបាយការណ៍វាយតម្លៃ
ក្រសួងសាធារណការនិងដឹកជញ្ជូន បានចាត់ឲ្យមន្ត្រីចុះទៅខួងគ្រឹះពិនិត្យគុណភាពផ្លូវជាតិលេខ ២ និង ២២ ដើម្បីវាយតម្លៃ ក្រោយរកឃើញកំហុសបច្ចេកទេសក្នុងការសាងសង់។
លោក គង់ វិមាន អ្នកនាំពាក្យក្រសួងសាធារណការនិងដឹកជញ្ជូនបានឲ្យកម្ពុជាថ្មីដឹងថា ការដ្ឋានស្ថាបនាផ្លូវជាតិលេខ ២ និង ២២ ក្រៅពីមានភាពយឺតយ៉ាវ ក៏រកឃើញកំហុសបច្ចេកទេសសាងសង់គ្មានគុណភាព ក្រោយរដ្ឋមន្ត្រីបានចុះទៅពិនិត្យជាក់ស្តែង។
លោក គង់ វិមាន បានបញ្ជាក់ថា ឥលូវមន្រ្តីបច្ចេកទេសក្រសួងបានចុះទៅខួងគ្រឹះរាប់សិបកន្លែង និងកំពុងរង់ចាំរបាយការណ៍វាយតម្លៃ បើរកឃើញផ្លូវគ្មានគុណភាព ក្រសួងនឹងចាត់វិធានការចំពោះក្រុមហ៊ុនសាងសង់។
ក្នុងពេលចុះពិនិត្យកំណាត់ផ្លូវជាតិលេខ ២ និង ២២ កាលពីថ្ងៃ ២៣ មេសាកន្លងទៅ លោក ស៊ុន ចាន់ថុល រដ្ឋមន្ត្រីក្រសួងសាធារណការនិងដឹកជញ្ជូន បានរិះគន់ក្រុមហ៊ុនស្ថាបនាផ្លូវលេខជាតិ ២ និងលេខ ២២ លើភាពយឺតយ៉ាវនិងការសាងសង់គ្មានគុណភាព។ លោករដ្ឋមន្រ្តីប្រកាសនឹងមិនទទួលផ្លូវដែលគ្មានគុណភាព តម្រូវឲ្យក្រុមហ៊ុនកែលម្អជាថ្មីតាមតាមស្តង់ដាបច្ចេកទេសដែលបានព្រមព្រៀងគ្នា។
កំណាត់ផ្លូវជាតិលេខ ២ និង ២២ អនុវត្តសាងសង់ដោយក្រុមហ៊ុន HanShin ក្រោមកម្ចីថវិកាពីរដ្ឋាភិបាលកូរ៉េ។ ក្រោយការចុះពិនិត្យស្ថាបនាគ្មានគុណភាព ក្រសួងសាធារណការនិងដឹកជញ្ជូនបានចាត់ឲ្យមន្រ្តីបច្ចេកទេសចុះទៅខួងគ្រឹះពិនិត្យ ហើយមន្រ្តីក្រសួងកំពុងរង់ចាំរបាយការណ៍វាយតម្លៃចុងក្រោយពីក្រុមអ្នកបច្ចេកទេសមុនចាត់វិធានការបន្តទៀត។
បើតាមលោក គង់ វិមាន កំណាត់ផ្លូវជាតិលេខ ២ និង ២២ តាមគម្រោងត្រូវបញ្ចប់ត្រឹមខែ មេសាឆ្នាំ២០២២ ប៉ុន្តែក្រុមហ៊ុនស្នើសុំពន្យាររហូតដល់ខែសីហាឆ្នាំ២០២២។ យ៉ាងណាមិញក្រោយរកឃើញបញ្ហាលើគុណភាពសាងសង់លោកមិនបានបញ្ជាក់ថា គម្រោងអាចត្រូវពន្យារពេលបន្ថែមទៀតឬយ៉ាងណា ដោយត្រូវរង់ចាំរបាយការណ៍វាយតម្លៃពីមន្រ្តីជំនាញដែលបានចុះទៅពិនិត្យជាមុនសិន។
លោក គង់ វិមាន បានបញ្ជាក់ថា ក្រៅពីផ្លូវជាតិលេខ ២ និង ២២ ក្រុមហ៊ុន Hanshin ក៏កំពុងទទួលគម្រោងសាងសង់ផ្លូវជាតិលេខ ៥ កំណាត់ពីកំពង់ឆ្នាំងទៅខេត្តពោធិ៍សាត់ ក្នុងគំរោងធ្វើឲ្យប្រសើរឡើងវិញនូវកំណាត់ផ្លូវជាតិលេខ៥ ពីព្រែកក្តាមដល់ក្រុងប៉ោយប៉ែត ប្រវែងសរុប ៣៦៦គីឡូម៉ែត្រ ក្រោមឥណទានសម្បទានពីរដ្ឋាភិបាលជប៉ុន ប៉ុន្តែការស្ថាបនាកំពុងដំណើរការ មិនមានបញ្ហារាំងស្ទះនោះទេ។
គម្រោងស្ថាបនាផ្លូវជាតិលេខ ២ និង ២២ មានប្រវែងសរុបចំនួន ៦២,៥៦ គីឡូម៉ែត្រ គិតចាប់ពីរង្វង់មូលតាខ្មៅ-អូរចំបក់ ដល់រង្វង់មូលក្រុងដូនកែវ ខេត្តតាកែវ និងផ្លូវជាតិលេខ ២២ មានប្រវែងសរុបចំនួន ៩,៦១ គីឡូម៉ែត្រ ចាប់គិតពីរង្វង់មូលក្រុងដូនកែវ ដល់អង្គតាសោមផ្លូវជាតិលេខ ៣។
គម្រោងសាងសង់ផ្លូវនោះ បានចំណាយថវិកា ៥៦,១ លានដុល្លារ ដែលជាហិរញ្ញប្បទានពីរដ្ឋាភិបាលកូរ៉េខាងត្បូង។ ខាងក្រុមហ៊ុនសាងសង់បានលើកពីបញ្ហាកូវីដ ដែលធ្វើឲ្យការសាងសង់មានភាពយឺតយ៉ាវ។ យ៉ាងណាមិញ លោករដ្ឋមន្រ្តី ស៊ុន ចាន់ថុល បានរំលឹកក្រុមហ៊ុនកុំលើកតែបញ្ហាកូវីដតែមួយមុខ ដែលនាំឲ្យមានភាពយឺតយ៉ាវលើការបញ្ចប់គម្រោងស្ថាបនាផ្លូវជាតិមួយខ្សែនេះ ដោយត្រូវរកដំណោះស្រាយដើម្បីឲ្យការងារអាចសម្រេចទាន់ផែនការ។
លោកបានដាស់តឿនឲ្យក្រុមហ៊ុនកូរ៉េដែលទទួលខុសត្រូវ ត្រូវតែពន្លឿនការងារ បន្ថែមគ្រឿងចក្រ និងកម្លាំងកម្មករ បើទោះបីការងារអាចយឺតជាផែនការបន្តិចក៏ដោយ៕
អត្ថបទ៖ ប៊ុណ្ណារ៉ា
រដ្ឋាភិបាលនឹងជំរុញពង្រីកសេវាទឹកស្អាតដើម្បីឆ្លើយតបនឹងកំណើនអ្នកប្រើប្រាស់ និងឧស្សាហកម្ម
រថយន្ត ២ គ្រឿង បុកគ្នា នៅផ្លូវបំបែកជាបួន រងការខូចខាតទាំងសងខាង
សម្តេច ហ៊ុន សែន៖ នៅលើពិភពលោកនេះកម្រណាស់ដែលអាចធ្វើឱ្យមានតុល្យភាពពាណិជ្ជកម្មស្មើគ្នា
អឺរ៉ុបនឹងសាងសង់ស្ពានតម្លៃជាង១០លានដុល្លារភ្ជាប់ទៅកោះខ្សាច់ទន្លានៅខេត្តកណ្ដាល
គណៈបញ្ជាការឯកភាពខណ្ឌកំបូល ចុះត្រួតពិនិត្យណែនាំទីតាំងកែច្នៃ-វេចខ្ចប់ថ្នាំជក់ សាយភាយក្លិនប៉ះពាល់ពលរដ្ឋ
ម្ចាស់ប្រេនសម្រស់ធារ៉ា ត្រូវសមត្ថកិច្ចឃុំខ្លួន ពាក់ព័ន្ធការកែច្នៃគ្រឿងសំអាងគ្មានច្បាប់អនុញ្ញាត
សម្តេចធិបតី៖ ឧកញ៉ា ១៤០រូប ត្រូវបានលុបឈ្មោះចេញ ក្នុងនោះមានឧកញ៉ាខ្លះប្រព្រឹត្តបទល្មើស
ពូទីន៖ តាមសំណើលោក ត្រាំ រុស្ស៊ីនឹងទុកជីវិតទាហានអ៊ុយក្រែននៅ Kursk បើពួកគេចុះចាញ់
ដ្រូនអ៊ុយក្រែន វាយប្រហារខ្នាតធំលើក្រុងមូស្គូ ជាលើកទី២ ក្នុងពេលត្រឹម៣ថ្ងៃ
BMW បុក Chevrolet ពីក្រោយវិលមួយជុំ រុញផ្ទប់រនាំងដែក ០៦ ផ្ទាំង លើផ្លូវ ៦០ ម៉ែត្រ ដែលអាជ្ញាធរទើបតែដាក់ថ្មីៗ នេះ រងការខូចខាត
-
ព័ត៌មានអន្ដរជាតិ៣ ថ្ងៃ agoមេដឹកនាំអាស៊ី ៤រូប ដែល ICC ចេញដីកាចាប់ខ្លួន ជុំវិញបទឧក្រិដ្ឋកម្មប្រឆាំងមនុស្សជាតិ
-
សន្តិសុខសង្គម១៣ ម៉ោង agoម្ចាស់ប្រេនសម្រស់ធារ៉ា ត្រូវសមត្ថកិច្ចឃុំខ្លួន ពាក់ព័ន្ធការកែច្នៃគ្រឿងសំអាងគ្មានច្បាប់អនុញ្ញាត
-
សន្តិសុខសង្គម៧ ថ្ងៃ agoអគ្គិភ័យឆេះផ្ទះអាជីវករលក់ដូរនៅក្រុងកំពង់ចាម ១៧ល្វែង សរុបជាទឹកប្រាក់ ជិត២លានដុល្លារ
-
ព័ត៌មានជាតិ១៦ ម៉ោង agoសម្តេចធិបតី៖ ឧកញ៉ា ១៤០រូប ត្រូវបានលុបឈ្មោះចេញ ក្នុងនោះមានឧកញ៉ាខ្លះប្រព្រឹត្តបទល្មើស
-
សន្តិសុខសង្គម២ ថ្ងៃ agoភ្លៀងលាយឡំខ្យល់កន្ត្រាក់បំផ្លាញផ្ទះពលរដ្ឋ៣ភូមិអស់ ៥៤ខ្នង
-
ព័ត៌មានជាតិ១ ថ្ងៃ agoអាជ្ញាធរប្រឆាំងគ្រឿងញៀនស្នើរឹបអូសទ្រព្យសម្បត្តិឈ្មួញគ្រឿងញៀនជាប្រាក់រង្វាន់
-
ព័ត៌មានអន្ដរជាតិ៤ ថ្ងៃ agoកប៉ាល់២គ្រឿងបុកគ្នា ធ្លាយប្រេងយន្តហោះនិងសារធាតុគីមី ចូលសមុទ្រខាងជើង បង្កហានិភ័យធ្ងន់ធ្ងរ
-
សន្តិសុខសង្គម១ សប្តាហ៍ agoខឹងប្ដីមិនដោះស្រាយបំណុលជាង ១ ម៉ឺនដុល្លារ ចាក់សោកូនសិស្សប្រដាល់ ជាង ១០ នាក់ ក្នុងក្លិបមិនឲ្យចេញក្រៅ