មកដឹង​តម្លៃ​ទឹក​​​ស្អាត​នៅ​ភ្នំពេញ​មាន ៤ ជម្រើស​គិត​ប្រើប្រាស់​ជា​​គូប តាម​តិច​តាមច្រើន

រដ្ឋាករទឹកស្វយ័តក្រុងភ្នំពេញ​បានកំណត់បែងចែក​តម្លៃលក់ទឹកស្អាត​សម្រាប់​អតិថិជន​ជា ៤ ប្រភេទ​។

ទី១ ​គឺអតិថិជនជីវភាព​ (អ្នកប្រើប្រាស់តាមផ្ទះ)

-ប្រើ​ក្រោម ៧ ម៉ែត្រគូប តម្លៃ ៤០០ រៀល ក្នុងមួយម៉ែត្រគូប
-ប្រើពី ៨ ម៉ែត្រគូប ដល់ ១៥ ម៉ែត្រគូប​ តម្លៃ ៧២០ រៀល
-ពី ១៦ ម៉ែត្រគូប ដល់ ២៥ ម៉ែត្រគូបតម្លៃ ៩៦០ រៀល
-ពី ២៦ ម៉ែត្រគូប ដល់ ៥០ ម៉ែត្រគូបតម្លៃ ១ ២៥០០ រៀល
-ពី ៥១ ម៉ែត្រគូប ដល់ ១០០ ម៉ែត្រគូបតម្លៃ ១ ៩០០ រៀល
-ចាប់ពី ១០១ ម៉ែត្រគូប ២ ២០០ រៀល

ទី២ អតិថិជនអាជីវកម្ម

-ប្រើមិនលើសពី ១៥ ម៉ែត្រគូប តម្លៃ ៩៥០ រៀល

-ពី ១៦ ម៉ែត្រគូប ដល់ ៤៥ ម៉ែត្រគូប តម្លៃ ១ ១០០ រៀល

-ពី ៤៦ ម៉ែត្រគូប ដល់ ១០០ ម៉ែត្រគូប តម្លៃ ១ ៤០០ រៀល

-ពី ១០១ ម៉ែត្រគូប ដល់ ២០០ ម៉ែត្រគូប តម្លៃ ១៧០០ រៀល

-ពីរ ២០១ ដល់ ៥០០ ម៉ែត្រគូប តម្លៃ ២ ១០០ រៀល

-ចាប់ពី ៥០១ ម៉ែត្រគូប តម្លៃ ២ ៤០០ រៀល

ទី៣ អតិថិជនជាក្រសួង-ស្ថាប័នអង្គភាពនានា និងស្ថានទូត លក់ក្នុងតម្លៃ ២ ៥០០ រៀល ក្នុង១ ម៉ែត្រគូប ដោយមិនកំណត់បរិមាណទឹកប្រើប្រាស់។

ទី៤ តំណាងចែកចាយបន្ទប់ជួល តម្លៃ ៧០០ រៀល ក្នុង១ ម៉ែត្រគូប ​ដោយមិនកំណត់​បរិមាណ​ទឹកប្រើប្រាស់ផងដែរ។

​ប្រធាននាយកដ្ឋានអាជីវកម្ម ​នៃរដ្ឋាករទឹកស្វ័តក្រុងភ្នំពេញ ​លោក សោម សុវណ្ណ បានឱ្យដឹងថា​ អតិថិជនអាចបង់ប្រាក់​តាមរយៈគ្រឹះស្ថានមីក្រូហិរញ្ញវត្ថុ ​ធនាគារ អេស៊ីលីដា វីង ធនាគារកា​ណា​ឌីយ៉ា និងគ្រឹះស្ថានមីក្រូហិរញ្ញវត្ថុផ្សេងៗជាច្រើនទៀត ដែលបានសហការជាមួយរដ្ឋាករទឹក៕

អត្ថបទ៖ ឡេង ដេត