ព័ត៌មានជាតិ
បណ្ឌិត សុខ ទូច ថា នៅឧទ្យានជាតិរាជបណ្ឌិត្យសភាកម្ពុជា មានព្រៃឈើជាង៨០%
ព្រៃឈើនៅតំបន់ឧទ្យានជាតិរាជបណ្ឌិត្យសភាកម្ពុជា តេជោសែនឬស្សីត្រឹប ដែលមានឈ្មោះថា ព្រៃស្រោង មានប្រមាណជាង៨០% ដែលកើតចេញពីការខិតខំអភិរក្សរបស់រាជបណ្ឌិត្យសភាកម្ពុជា។ នេះបើតាមការអះអាងឲ្យដឹងរបស់លោកបណ្ឌិត សុខ ទូច ប្រធានរាជបណ្ឌិត្យសភាកម្ពុជា។ ការអះអាងនេះ គឺជាការឆ្លើយតបទៅនឹងការចោទប្រកាន់មួយចំនួនដែលថា នៅឧទ្យានជាតិរាជបណ្ឌិត្យសភាកម្ពុជា មិនមានព្រៃពិត ហើយថាសុទ្ធតែជាសិប្បនិមិត្ត។

តាមរយៈទំព័រហ្វេសប៊ុកកាលពីថ្ងៃទី១២ ខែមិថុនា ឆ្នាំ២០២២ លោកបណ្ឌិត សុខ ទូច បានបង្ហាញវីដេអូពីស្ថានភាពព្រៃឈើនៅក្នុងតំបន់ឧទ្យានជាតិរាជបណ្ឌិត្យសភាកម្ពុជា តេជោសែនឬស្សីត្រឹប។ លោកបានអះអាងឲ្យដឹងថា នៅទីនោះ មានដើមឈើធំៗគ្រប់ប្រភេទ ដែលអាចឲ្យជនរួមជាតិមកទស្សនៈកិច្ច និងមកសិក្សាស្វែងយល់ ដើម្បីបានបកស្រាយការយល់ច្រឡំ ឬក៏ធ្វើជាសាក្សីបញ្ជាក់ឲ្យបានកាន់តែច្បាស់។
លោកបណ្ឌិត សុខ ទូច បានអះអាងថា៖« ៨០%នៃឧទ្យានជាតិរាជបណ្ឌិត្យសភា ដែលគេហៅថា តំបន់ព្រៃស្រោង មានព្រៃឈើធំៗជាច្រើន កើតឡើងពីការខិតខំអភិរក្សរបស់រាជបណ្ឌិត្យសភា និងធ្វើឡើងសម្រាប់មនុស្សបន្តវេន មិនមែនបង្កើតច្បាប់មកសម្រាប់រកស៊ី រាជបណ្ឌិត្យសភាមិនអាចធ្វើបែបនេះទេ គឺយកច្បាប់មកអនុវត្តសម្រាប់មនុស្សគ្រប់ជំនាន់ទៅថ្ងៃអនាគត»។

បើតាមលោកបណ្ឌិត សុខ ទូច នៅឧទ្យានជាតិរាជបណ្ឌិត្យសភាកម្ពុជា មានកន្លែងស្នាក់នៅ ឬអាចបោះតង់បាន។ មួយវិញទៀត វាមានដើមឈើធំៗគ្រប់ប្រភេទដែលមនុស្សម្នាក់មិនអាចអោបជុំបានទេ និងមានព្រៃក្រាស់ៗដែលសឹងតែមិនអាចឲ្យពន្លឹថ្ងៃចាំងចូលបាននាពេលថ្ងៃ៕
ដោយ៖ ឌឿនចាន់ ថារី

-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ