ព័ត៌មានជាតិ

តុលាការនឹងប្រកាសសាលក្រមករណីលោក សម រង្ស៊ី នៅចុងខែធ្នូ

បានផុស

៤ years មុន

នៅ

ថ្ងៃចន្ទ ២១ ធ្នូ ២០២០

ដោយ

សាលាដំបូងរាជធានីភ្នំពេញ នឹងប្រកាសសាលក្រម លើសំណុំរឿងលោក សម រង្ស៊ី ដែលបំភ្លៃព័ត៌មានពាក់ព័ន្ធនឹងមរណភាពរបស់ លោក ហុក ឡង់ឌី និងករណីញុះញង់ កុំឱ្យប្រជាពលរដ្ឋសងលុយធនាគារ នៅថ្ងៃទី៣០ ខែធ្នូ ឆ្នាំ២០២០ ខាងមុខ។នេះបើតាមការលើកឡើងរបស់អ្នកនាំពាក្យស្ថាប័នអយ្យការអមសាលាដំបូងរាជធានីភ្នំពេញ។

លោក គុជ គឹមឡុង អ្នកនាំពាក្យស្ថាប័នអយ្យការអមសាលាដំបូងរាជធានីភ្នំពេញ បានថ្លែងថា នៅព្រឹកថ្ងៃទី២១ ខែធ្នូ ឆ្នាំ២០២០នេះ សាលាដំបូងរាជធានី បានបើកសវនាការជំនុំជម្រះលើសំណុំរឿង២ករណី របស់លោក សម រង្ស៊ី ។លោកថា សំណុំរឿងនេះ ពាក់ព័ន្ធនឹង ករណីដែលលោក សម រង្ស៊ី បំភ្លៃព័ត៌មានពាក់ព័ន្ធនឹងការស្លាប់របស់ លោក ហុក ឡង់ឌី និងករណីដែល លោក សម រង្ស៊ី ញុះញង់កុំឱ្យប្រជាពលរដ្ឋសងលុយធនាគារ។

សូមរំលឹកដែរថា កាលពីខែមិថុនា ឆ្នាំ២០២០ លោក សម រង្ស៊ី ត្រូវបានតុលាការព្រហ្មទណ្ឌទីក្រុងប៉ារីស ដាក់ឲ្យស្ថិតក្រោមការចោទប្រកាន់ពីបទ «បរិហារកេរ្តិ៍ជាសាធារណៈលើបុគ្គល» តាមបណ្ដឹងរបស់ លោក ឌី វីជ្ជាជាកូនប្រុសរបស់ លោក ហុក ឡង់ឌី៕