ព័ត៌មានជាតិ
ដាប់ប៊ែលយូប៊ី ហ្វាយនែនដាក់ឲ្យប្រើប្រាស់សេវាធនាគារចល័តជំនាន់ថ្មីរបស់ខ្លួន “WB WON Mobile”
ដាប់ប៊ែលយូប៊ីហ្វាយនែន ដែលជាសមាជិកគ្រួសាររបស់ធនាគារ អ៊ូរី ប្រទេសកូរ៉េ បានដាក់ឲ្យប្រើប្រាស់សេវាធនាគារចល័តជំនាន់ថ្មីរបស់ខ្លួន “WB WON Mobile” ដែលនាំមកជូននូវមុខងារ និងលក្ខណៈពិសេសជាច្រើន ជាមួយនឹងរចនាបថ ដ៏ទំនើប និងទាក់ទាញ ដើម្បីផ្តល់ជូននូវសេវាធនាគារឌីជីថលឲ្យកាន់តែប្រសើរដល់អតិថិជនរបស់ខ្លួន។
សេវាធនាគារចល័តជំនាន់ថ្មី V2.0 នេះត្រូវបានដាក់ឈ្មោះថា “WB WON Mobile” ជាមួយនឹងពាក្យស្លោក “មិត្តដ៏ស្និទ្ធស្នាលរបស់លោកអ្នក” ក្នុងន័យនេះបានបញ្ជាក់អំពីការប្តេជ្ញាចិត្តដ៏មុតមាំរបស់ ដាប់ប៊ែលយូប៊ី ហ្វាយនែន លើការផ្តល់សេវាហិរញ្ញវត្ថុឌីជីថលឲ្យកាន់តែទំនើបបន្ថែមទៀត ដើម្បីផ្តល់ជូនដល់អតិថិជន។ WB WON Mobile គឺជាជំនួយការដ៏ជិតស្និទ្ធរបស់អតិថិជន ក្នុងការកាត់បន្ថយពេលវេលា និងកិច្ចការមួយចំនួនដូចជាការបង់វិក្កយបត្រ ផ្ទេរប្រាក់ ពិនិត្យសមតុល្យសាច់ប្រាក់ និងប្រតិបត្តិការផ្សេងៗទៀត។
លោក គីម ស៊ុនឃ្យូ អគ្គនាយកប្រតិបត្តិ នៃដាប់ប៊ែលយូប៊ី ហ្វាយនែន បានមានប្រសាសន៍ថា “យើងបានខិតខំប្រឹងប្រែងយ៉ាងខ្លាំងដើម្បីធ្វើឲ្យសេវាធនាគារចល័តជំនាន់ថ្មីរបស់យើងកាន់តែប្រសើរឡើង ស្របទៅនឹងគោលដៅធំ ក្នុងការផ្តល់ជូននូវបទពិសោធន៍សេវាហិរញ្ញវត្ថុដ៏ល្អបំផុតដល់អតិថិជន របស់យើង។ ជាមួយនឹងទស្សនៈនេះ បានផ្តោតសំខាន់លើសេវាហិរញ្ញវត្ថុឌីជីថល ដោយការដាក់ឲ្យប្រើប្រាស់សេវាធនាគារចល័តជំនាន់ថ្មី ដែលជាការផ្លាស់ប្តូរដ៏ធំមួយ និងការជោគជ័យដ៏គួរឲ្យកត់សម្គាល់ ក្នុងឆ្នាំនេះ។”
លោកស្រី តុប សុក្រសម្ភារ អគ្គនាយិកាប្រតិបត្តិការនៃ ដាប់ប៊ែលយូប៊ី ហ្វាយនែន បានមានប្រសាសន៍ថា “ឥឡូវនេះអតិថិជនអាចគ្រប់គ្រងនូវរាល់គណនីបញ្ញើ-សន្សំរបស់ខ្លួន រួមទាំងប្រាក់កម្ចីផងដែរ និងអាចធ្វើប្រតិបត្តិការមួយចំនួន រួមមានការបង់ប្រាក់កម្ចី ការបង់វិក្កយបត្រ ឬការផ្ទេរប្រាក់ផ្សេងៗ បានយ៉ាងងាយស្រួលនិងឆាប់រហ័ស តាមរយៈ App តែមួយប៉ុណ្ណោះ គឺ “WB WON Mobile”។ ដាប់ប៊ែលយូប៊ី ហ្វាយនែន ប្តេជ្ញាផ្តល់សេវាកម្មដែលធ្វើឲ្យការរស់នៅប្រចាំថ្ងៃរបស់អតិថិជនកាន់តែងាយស្រួលជាងមុនតាមរយៈសេវាហិរញ្ញវត្ថុឌីជីថលដែលសាម ញ្ញងាយស្រួលប្រើប្រាស់ហើយយើងនឹងបន្តអភិវឌ្ឍន៍WBWON Mobileឲ្យស្របតាមការរស់នៅបែបសម័យថ្មីរបស់អតិថិជនរបស់យើង។”
WB WON Mobile ជំនាន់ថ្មី ផ្តល់ជូនគុណតម្លៃដ៏ល្អបំផុតដល់អតិថិជន តាមរយៈសេវាហិរញ្ញវត្ថុឌីជីថលដ៏សម្បូរបែប ដែលមានការរចនាទាក់ទាញ និងមានភាពងាយស្រួល។មុខងារចម្បងៗរបស់ WB WON Mobile រួមមាន៖
– ការចុះឈ្មោះ ដោយខ្លួនឯង ជាមួយការចូលប្រើប្រាស់ដោយស្កែនមុខ ឬ ក្រយ៉ៅដៃ
និងការប្រើប្រាស់លេខកូដ ៤ ខ្ទង់ (PIN)
– ការទទួលបាននូវការជូនដំណឹងអំពីប្រតិបត្តិការហិរញ្ញវត្ថុទាំងអស់
– ពិនិត្យគណនី ដែលមានដូចជា ប្រាក់កម្ចី CASA គណនីចម្រើនទ្រព្យ គណនីសន្សំតាមផែនការ និងគណនីកូនល្អ។
– ផ្ទេរប្រាក់រវាងគណនីដាប់ប៊ែលយូប៊ី ហ្វាយនែន ឬ ទៅកាន់ស្ថាប័នហិរញ្ញវត្ថុផ្សេង ឬ ទៅកាន់ប្រព័ន្ធបាគង
– បញ្ចូលទឹកប្រាក់ក្នុងទូរសព្ទដៃដោយមិនប្រើលេខកូដ ឬ ប្រើលេខកូដ
– ទាញយករបាយការណ៍ប្រវត្តិប្រតិបត្តិការនីមួយៗរបស់គណនី
– ទូទាត់វិក្កយបត្រ (ទឹក ភ្លើង សំរាម បង់ប្រាក់កម្ចីផ្ទាល់ខ្លួន ឬ បង់ប្រាក់កម្ចីជំនួសអ្នកដទៃ)
– ធ្វើការផ្លាស់ប្តូរ លេខកូដ PIN និងឈ្មោះអ្នកប្រើប្រាស់ដោយខ្លួនឯង
– ការបង្កើន Quick Template ការកំណត់សុវត្ថិភាពគណនី និងមុខងារជាច្រើនទៀត
គួរបញ្ជាក់ថា ដាប់ប៊ែលយូប៊ី ហ្វាយនែន គឺជាស្ថាប័នមីក្រូហិរញ្ញវត្ថុទទួលប្រាក់បញ្ញើឈានមុខគេនៅកម្ពុជា និងជាសមាជិកគ្រួសាររបស់ ធនាគារ អ៊ូរី ដែលជាធនាគារឈានមុខគេមួយនៅ ប្រទេសកូរ៉េខាងត្បូង។ ដាប់ប៊ែលយូប៊ី ហ្វាយនែន មានប្រវត្តិយូរអង្វែង ក្នុងការបម្រើប្រជាជនកម្ពុជាអស់រយៈពេលជាង ២០ ឆ្នាំ ជាមួយនឹងផលិតផល និងសេវាកម្មហិរញ្ញវត្ថុជាច្រើនដូចជា ប្រាក់កម្ចី ប្រាក់បញ្ញើ/សន្សំ ផ្ទេរប្រាក់ក្នុងស្រុក និងក្រៅស្រុក សេវាធនាគារចល័ត ទូទាត់វិក្កយបត្រ និងអេធីអឹម តាមរយៈបណ្ដាញសាខាចំនួន ១៣៦ នៅក្នុង ២៥ ខេត្ត/ក្រុង ទូទាំងប្រទេសកម្ពុជា។ គិតត្រឹម ខែវិច្ឆិកាឆ្នាំ ២០២០ ដាប់ប៊ែលយូប៊ី ហ្វាយនែន មានទ្រព្យសកម្មសរុបមានចំនួន ៧៨០ លានដុល្លារ ផលប័ត្រឥណទានសរុបចំនួន ៥៩៧ លានដុល្លារ និងសមតុល្យប្រាក់បញ្ញើ-សន្សំសរុបចំនួន ១២៤ លានដុល្លារ។ សម្រាប់ព័ត៌មានបន្ថែមអំពី WB WON Mobile សូមចូលទៅកាន់គេហទំព័រ www.wbfinance.com.khទាញយកនិងចុះឈ្មោះ WB WON Mobile ឥឡូវនេះ៖App Store: http://bit.ly/wbwonappstore
Play Store: http://bit.ly/wbwonplaystore៕
អត្ថបទ៖ ពាណិជ្ជកម្ម
កូរ៉េខាងជើង ព្រមានថា ខ្លួននឹងអនុវត្តសិទ្ធិការពារខ្លួនកាន់តែខ្លាំងក្លាជាងមុន
រុស្ស៊ី ប្រកាសត្រៀមខ្លួន ធ្វើសង្គ្រាមលោកលើកទី៣ នៅ៣ឆ្នាំខាងមុខ
បុរសម្នាក់ ស្លាប់នៅក្រោមកង់រថយន្តយ៉ាងអាណោចអាធ័ម ខណៈជិះម៉ូតូឈប់រង់ចាំភ្លើងស្តុប
រដ្ឋមន្ត្រីសុខាភិបាលណែនាំឲ្យមន្ត្រីត្រូវស្វែងយល់ការប្រើបច្ចេកវិទ្យាបញ្ញាសិប្បនិម្មិតក្នុងការថែទាំព្យាបាលសុខភាព
កូរ៉េខាងជើង បើកទីក្រុងព្រំដែន ទទួលទេសចរ ចូលលេងកម្សាន្ត
ស្ត្រីបារាំងវ័យ៥៣ ឆ្នាំ លែងលះស្វាមីសេដ្ឋីមករៀបការ Brad Pitt ក្លែងក្លាយ ចុងក្រោយចាញ់បោកលុយអស់៨៥ម៉ឺនដុល្លារ
អ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ
មេដាយអូឡាំពិក២០២៤ជាង១០០គ្រឿងត្រូវបានបញ្ជូនមកវិញ ក្រោយជួបបញ្ហាច្រែះ
អ៊ីរ៉ង់ចង់ធ្វើកិច្ចសហប្រតិបត្តិការលើឧស្សាហកម្មយោធាជាមួយកម្ពុជា
ពាក់មី ហួសចិត្តនឹងអ្នកប្រើរូបខ្លួន ប្រកាសលក់ផ្ទះបន្ទាន់ និងស្នើសាធារណជន កុំគាំទ្រទង្វើរកសុីបែបនេះ
-
ចរាចរណ៍៤ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ព័ត៌មានជាតិ១ សប្តាហ៍ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៦ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ជីវិតកម្សាន្ដ៦ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ចរាចរណ៍៤ ថ្ងៃ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានជាតិ៣ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
ព័ត៌មានជាតិ៧ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៦ ថ្ងៃ agoស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ