ព័ត៌មានជាតិ
អ្នករត់ម៉ូតូផេសអាប់រអ៊ូ៖ ភ្ញៀវថាជិះកៀកពេក ខ្លាចឆ្លងកូវីដ
ភ្នំពេញ៖ អ្នករត់ម៉ូតូផេសអាប់រកលុយមិនសូវបាន បន្ទាប់ពីផ្ទុះជំងឺកូវិដ១៩ក្នុងព្រឹត្តិការណ៍ថ្ងៃទី២៨ខែវិច្ឆិកា ហើយទាំងអ្នកបើកបរនិងភ្ញៀវសុទ្ធតែបារម្ភពីការឆ្លងជំងឺនេះ។
យុវជនចាន់ ដារ៉ូ រស់នៅភូមិ២២ សង្កាត់បឹងកក់ទី២ ខណ្ឌទួលគោក បានរៀបរាប់ថា ចាប់តាំងពីផ្ទុះជំងឺកូវិដ១៩នាព្រឹត្តិការថ្ងៃទី២៨ខែវិច្ឆិកា ដែលឆ្លងរាលដាលដល់សហគមរួចមកគឺធ្វើឲ្យមនុស្សម្នាលែងចេញដើរ ជាហេតុធ្វើឲ្យអ្នករត់ផេសអាប់សឹងរកលុយទិញបាយហូបមិនបាន។ មូលហេតុដែលប្អូនប្រុសហ៊ាននិយាយបែបនេះព្រោះភ្ញៀវដែលធ្លាប់ជិះគាត់មិនហ៊ានចេញពីផ្ទះ ដោយសារខ្លាចឆ្លងជំងឺកូវិដ១៩នេះ។ ដោយឡែកភ្ញៀវដទៃទៀត ក៏លែងហ៊ានជិះព្រោះអ្នកបើកបរនិងអ្នកជិះវាស្ថិតនៅកៀកពេក។
លោក ជា សារុន រស់នៅភូមិមិត្តភាព សង្កាត់ព្រែកឯងខណ្ឌច្បារអំពៅបានឲ្យដឹងថា ចាប់តាំងពីព្រឹត្តិការណ៍ថ្ងៃទី២៨ខែវិច្ឆិកាមកគឺធ្វើឲ្យអ្នករត់ម៉ូតូកង់បីសឹងរកលុយដាក់ហោប៉ៅមិនបាន រហូតដល់ផ្អាកការរកសុីមួយរយះព្រោះគ្មានអ្នកជិះ។ ពីមុនមកសង្ឃឹមដឹកម៉ូយស្ត្រីៗបំរើតាមហាងរួមទាំងភ្ញៀវចេញពីផឹកសុីពេលយប់ តែដល់បិទហាងនិងខារ៉ាអូខេមកស្រាប់តែបាត់ភ្ញៀវសូម្បីតែម្នាក់ក៏គ្មាន។
បុរសរូបនេះបន្តថា កាលដែលពុំមានអ្នកដើរលេងដូចរាល់ថ្ងៃគឺដោយសារតែភ័យខ្លាចឆ្លងជំងឺកូវិដ១៩ គ្រប់ៗគ្នាហើយកុំថាតែអ្នកជិះសូម្បីអ្នករត់កង់បីក៏ភ័យខ្លាចឆ្លងជំងឺពីអ្នកជិះដែរ។ សរុបសេចក្តីមកគឺអ្នករត់ម៉ូតូកង់បីសុខចិត្តផ្អាករបរនេះមួយរយះទំរាំជំងឺកូវិដនេះបានស្រាកស្រានសិន។
គួរបញ្ជាក់ថាចាប់តាំងពីផ្ទុះជំងឺកូវិដ១៩ព្រឹត្តិការថ្ងៃទី២៨ខែវិច្ឆិកាមកគឺកុំថាឡើយអ្នករត់ម៉ូតូកង់បីអ្នកប្រកបរបរដ៏ទៃទៀតក៏មានការត្អូញត្អែពីរកប្រាក់កំរ៉ៃចូលផ្ទះមិនបានទាល់តែសោះ។ជំងឺកូវិដ១៩នេះសាហាវហួសពីការរំពឹងទុកទៅទៀត។ដូច្នេះហើយសុំឲ្យប្រជាពលរដ្ឋយើងទាំងអស់នាំគ្នាថែរក្សាអនាម័យរៀងៗខ្លួនចៀសឲ្យផុតពីការផ្ទុកនិងឆ្លងជំងឺនេះ៕
នរា
-
សេដ្ឋកិច្ច៥ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ៦ ថ្ងៃ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច២ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ជីវិតកម្សាន្ដ៦ ថ្ងៃ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ៦ ថ្ងៃ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានជាតិ៧ ថ្ងៃ ago
ស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
ព័ត៌មានអន្ដរជាតិ១៣ ម៉ោង ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
សន្តិសុខសង្គម៥ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)