ព័ត៌មានជាតិ
ប្រធានមន្ទីរសាធារណការខេត្តព្រះវិហារ បន្តចុះពិនិត្យការដ្ឋាន ធ្វើផ្លូវលេខ៦២ ដើម្បីជំរុញការងារ ឲ្យបានលឿន
ព្រះវិហារ ៖ លោកសំ លាងទ្រី ប្រធានមន្ទីរសាធារណការនិងដឹកជញ្ជូនខេត្តព្រះវិហារ នាថ្ងៃទី២១ ធ្នូនេះបានបន្តចុះពិនិត្យការដ្ឋាន ធ្វើផ្លូវលេខ៦២ ស្ថិតក្នុងស្រុកជាំក្សាន្ត ខេត្តព្រះវិហារ ដើម្បីជំរុញការងារស្ថាបនាជួសជុលថែទាំ អោយបានឆាប់រហ័ស ផ្តល់ភាពងាយស្រួលក្នុងការធ្វើដំណើរ ដឹកជញ្ជូនឆ្លងកាត់។
លោកសំ លាងទ្រី បានឲ្យដឹងថា ផ្លូវលេខ៦២ ស្ថិតក្នុងស្រុកជាំក្សាន្ត ខេត្តព្រះវិហារ ត្រូវបានក្រុមការងារធ្វើសកម្មភាពយ៉ាងសកម្ម ហើយផ្លូវនេះត្រូវជួសជុលឡើងវិញដោយក្រាលកៅស៊ូ DBST។
លោក សំ លាងទ្រី បន្តទៀតថា អនុវត្តតាមការណែនាំរបស់លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការនិងដឹកជញ្ជូននិងលោក ប្រាក់ សុវណ្ណ អភិបាលខេត្តព្រះវិហារ មន្ទីរសាធារណការនិងដឹកជញ្ជូនខេត្តបានសហការជាមួយក្រុមការងារបច្ចេកទេសក្រសួងសាធារណការនិងដឹកជញ្ជូន ក្រុមការងារក្រសួងសេដ្ឋកិច្ចនិងហិរញ្ញវត្តុនិងក្រុមការងាររដ្ឋបាលខេត្តព្រះវិហារ បានចុះពិនិត្យវាយតម្លៃ ដើម្បីស្តារនិងជួសជុលផ្លូវ ស្ពានដែលរងការខូចខាតដោយជំនន់ទឹកភ្លៀងឡើងវិញ។
ជាក់ស្តែងនៅថ្ងៃ២១ធ្នូនេះលោកសំ លាងទ្រីបានដឹកនាំមន្ត្រីជំនាញបន្តចុះពិនិត្យការដ្ឋាន ជួសជុល និងថែទាំ ផ្លូវជាតិលេខ ៦២ ក្នុងស្រុកជាំក្សាន្ត ដើម្បីជំរុញការងារស្ថាបនាជួសជុលថែទាំ អោយបានឆាប់រហ័ស ដើម្បីផ្តល់ភាពងាយស្រួលក្នុងការធ្វើដំណើរ ដឹកជញ្ជូនឆ្លងកាត់ និងភាពល្អប្រសើដល់ការរស់នៅជូនបងប្អូនប្រជាពលរដ្ឋ ភ្ញៀវទេសចរណ៍ជាតិ និងអន្តរជាតិផងដែរ ដែលការងារនេះអនុវត្តដោយ មន្ទីរសាធារណការ និងដឹកជញ្ជូនខេត្តព្រះវិហារ៕
ដោយ ៖ ស្រីរ័ត្ន
-
សេដ្ឋកិច្ច៣ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ១១ ម៉ោង agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានជាតិ១ សប្តាហ៍ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
ព័ត៌មានអន្ដរជាតិ៣ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ២ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម២ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៣ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ១ សប្តាហ៍ agoព្រះសង្ឃថៃ សុគត កើនដល់ ១០អង្គហើយ ក្នុងហេតុការណ៍បុករះ បង្កឡើងដោយ កុមារមានបញ្ហាស្មារតី