ព័ត៌មានជាតិ
តោះ! មកស្គាល់ជីវប្រវត្តិអភិបាលខេត្តបន្ទាយមានជ័យ
នៅថ្ងៃទី៨ ខែឧសភា ឆ្នាំ២០១៩ ព្រះមហាក្សត្របានចេញព្រះរាជ្យក្រឹត្យត្រាស់បង្គាប់តែងតាំងលោក អ៊ុំ រាត្រី ជាអភិបាលខេត្តបន្ទាយមានជ័យ ជំនួសលោក សួន បវរ ដែលរងរឿងអាស្រូវស្នេហា ហើយត្រូវប្រមុខរដ្ឋាភិបាលស្នើផ្លាស់ប្តូរទៅបម្រើការងារនៅក្រសួងមហាផ្ទៃ។
មុនការតែងតាំងជាអភិបាលខេត្តបន្ទាយមានជ័យ លោក អ៊ុំ រាត្រី ក៏កាន់តួនាទីជាអភិបាលរងខេត្តបន្ទាយមានជ័យផងដែរ។

បន្តទៀតនេះ កម្ពុជាថ្មីនឹងបង្ហាញជីវប្រវត្តិអភិបាលខេត្តទី ១១ លោកអ៊ុំ រាត្រី មានប្រវត្តិបែបណា?
កុមារភាព
លោក អ៊ុំ រាត្រី កើតនៅថ្ងៃទី១៣ ខែមិថុនា ឆ្នាំ១៩៦៩ ក្នុងត្រកូលកសិករ ហើយពីតូចដល់ធំដឹងក្តីរស់នៅភូមិផាស៊ីស្រា ឃុំឫស្សីក្រោក ស្រុកមង្គលបូរី ខេត្តបាត់ដំបង (បច្ចុប្បន្នខេត្តបន្ទាយមានជ័យ)។
ប្រវត្តិសិក្សា
លោកបានរៀនចំណេះដឹងទូទៅ ពីថ្នាក់បឋមសិក្សា ដល់មធ្យមសិក្សាទុតិយភូមិ នៅស្រុកមង្គលបូរី ហើយបន្តសិក្សាបរិញ្ញាប័ត្រ នៅសាកលរីទ្យាល័យសេដ្ឋកិច្ចនៅក្រុងភ្នំពេញ និងសញ្ញាប័ត្របរិញ្ញាប័ត្រជាន់ខ្ពស់ ជំនាញគ្រប់គ្រងពាណិជ្ជកម្ម (MBA) នៅខេត្តបន្ទាយមានជ័យ។


ជីវិតគ្រួសារ
លោកបានរៀបការជាមួយអ្នកស្រី ជ័យ ណារី បង្កើតចំណងគ្រួសារបានកូន ៤ នាក់។
ប្រវត្តិការងារ
ក្នុងជិវិតការងារ លោកបានចូលបម្រើជាមន្ត្រីក្របខណ្ឌក្រសួងមហាផ្ទៃ នៅសាលាខេត្តបន្ទាយមានជ័យ រួចឡើងជាអភិបាលរងស្រុកមង្គលបូរី ជាអភិបាលក្រុងសិរីសោភ័ណ រួចជាអភិបាលរងខេត្តបន្ទាយមានជ័យ (យូរជាងគេ)។ តាមព្រះរាជក្រឹត្យលេខ នសរកត ៥៩៤ ចុះថ្ងៃទី៨ ខែឧសភា ឆ្នាំ២០១៩ របស់ព្រះករុណាសម្តេចព្រះនរោត្តម សីហមុនី ព្រះមហាក្សត្រ បានតែងតាំងលោកជាអភិបាលខេត្តទី១១ បើគិតពីបង្កើតនិងដំណើរការខេត្តបន្ទាយមានជ័យពីឆ្នាំ១៩៨៨មក។

ខេត្តបន្ទាយមានជ័យ បង្កើតឡើងដោយអនុក្រឹត្យច្បាប់លេខ៣២ ក្រ.ច ចុះថ្ងៃទី២៣ ខែមករា ឆ្នាំ១៩៨៧ និងប្រកាសឲ្យដំណើរការការងារ (សម្ពោធខេត្ត) ជាផ្លូវការថ្ងៃទី៧ ខែមករា ឆ្នាំ១៩៨៨។ គិតចាប់តាំងពីដំណើរការរដ្ឋបាលខេត្តពីថ្ងៃទី៧ ខែមករា ឆ្នាំ១៩៨៨ មក ខេត្តបន្ទាយមានជ័យ មានថ្នាក់ដឹកនាំ ចំនួន១១រូបហើយ ដែលរួមមាន៖
១- សមមិត្ត អ៊ិត លឿ (១៩៨៨-១៩៩២)
២- លោក ម៉ោញ កុសល (១៩៩២-១៩៩៤)
៣- លោក ដូង ខែម (១៩៩៤-១៩៩៩)
៤- លោក ថាច់ ឃន (១៩៩៩-២០០៤)
៥- លោក ហេង ចាន់ថា (២០០៤- ២០០៦)
៦- លោក អន ស៊ុ (២០០៦-២០០៨)
៧- លោក អ៊ុង អឿន (២០០៨- ២០១៣)
៨- លោក ទ្រី ណារិន (២០១៣)
៩- លោក គោស៊ុ សារឿត (២០៣-២០១៦)
១០- លោក សួន បវរ (២០១៦-២០១៩)
១១-លោក អ៊ុ រាត្រី (២០១៩- បច្ចុប្បន្ន)៕
អត្ថបទ៖ ប៊ុណ្ណារ៉ា

-
ព័ត៌មានជាតិ២ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៦ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ២ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ១ ថ្ងៃ ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
សន្តិសុខសង្គម១ សប្តាហ៍ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៦ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម៣ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ចរាចរណ៍២ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល