ព័ត៌មានជាតិ
ស្ថាប័នជំនាញបើកកិច្ចពិភាក្សាឆ្លងច្បាប់ ស្តីពីការងារបោះបង្គោលព្រំដែនគោករវាងកម្ពុជានិងវៀតណាម
អន្តរគណៈកម្មការជំនាញរដ្ឋសភាដឹកនាំដោយប្រធានគណៈកម្មការមហាផ្ទៃការពារជាតិនិងមុខងារសាធារណៈ នៃរដ្ឋសភាដោយសហការជាមួយតំណាងគណៈកម្មការជំនាញផ្សេងៗទៀតរបស់រដ្ឋសភាបានជួបពិភាក្សាជាមួយរដ្ឋមន្ត្រីក្រសួងការពារជាតិនិងប្រធានស្ថាប័នកិច្ចការព្រំដែនដើម្បីពិភាក្សាលើសេចក្តីព្រាងច្បាប់ចំនួន២។
សេចក្តីព្រាងច្បាប់ចំនួន២នេះរួមមាន ទី១-សេចក្តីព្រាងច្បាប់ ស្តីពីការអនុម័តយល់ព្រមលើពិធីសារខណ្ឌសីមានិងបោះបង្គោលព្រំដែនគោក រវាងព្រះរាជាណាចក្រកម្ពុជា និង សាធារណរដ្ឋសង្គមនិយមវៀតណាម។ ទី២-សេចក្តីព្រាងច្បាប់ស្តីពីការអនុម័តយល់ព្រមលើសន្ធិសញ្ញាស្តីពីការហាមឃាត់អាវុធនុយក្លេអ៊ែរ។
សូមបញ្ជាក់ថា កិច្ចប្រជុំខាងលើនេះ ធ្វើឡើងនៅថ្ងៃទី២៦ ខែតុលា ឆ្នាំ២០២០នេះ នៅសាលបាយ័ននៃវិមានរដ្ឋសភាដោយខាងអន្តរគណៈកម្មការជំនាញរដ្ឋសភា ដឹកនាំដោយលោកហ៊ុន ណេង ប្រធាន គណៈកម្មការមហាផ្ទៃការពារជាតិនិងមុខងារសាធារណៈ នៃរដ្ឋសភាដោយសហការជាមួយគណៈកម្មការកិច្ចការបរទេសសហប្រតិបត្តិការអន្តរជាតិ ឃោសនាការនិងព័ត៌មាននៃរដ្ឋសភានិងគណៈកម្មការនីតិកម្ម និងយុត្តិធម៌នៃរដ្ឋសភា រួមជាមួយតំណាងគណៈកម្មការជំនាញផ្សេងៗទៀតរបស់រដ្ឋសភា ហើយខាងតំណាងរាជរដ្ឋាភិបាលដឹកនាំដោយសម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និង លោកវ៉ា គឹមហុង ទេសរដ្ឋមន្ត្រីទទួលបន្ទុកកិច្ចការព្រំដែនព្រមទាំងមន្ត្រីជាន់ខ្ពស់ និង មន្ត្រីជំនាញមួយចំនួនទៀត។
សេចក្តីព្រាងច្បាប់ ស្តីពីការអនុម័តយល់ព្រមលើពិធីសារខណ្ឌសីមា និង បោះបង្គោលព្រំដែនគោករវាងព្រះរាជាណាចក្រកម្ពុជា និង សាធារណរដ្ឋសង្គមនិយមវៀតណាម បានចុះហត្ថលេខាកាលថ្ងៃទី៥ ខែតុលា ឆ្នាំ២០១៩ ហើយត្រូវបានគណៈរដ្ឋមន្ត្រីអនុម័ត ទទួលយកកាលពីថ្ងៃទី៩ ខែតុលា ឆ្នាំ២០២០កន្លងទៅ។
សេចក្តីព្រាងច្បាប់នេះដែរ ត្រូវបានគណៈកម្មាធិការអចិន្ត្រៃយ៍ នៃរដ្ឋសភាបានបើកកិច្ចប្រជុំកាលពីថ្ងៃទី២០ ដើម្បីអនុម័តប្រគល់ឲ្យគណៈកម្មការជំនាញផងដែរ។
លោកផៃ ស៊ីផាន អ្នកនាំពាក្យរាជរដ្ឋាភិបាលបានថ្លែងប្រាប់អ្នកសារព័ត៌មានថា តាមរយៈការបង្ហាញរបស់អ្នកបច្ចេកទេស គណៈកម្មាធិការចម្រុះកិច្ចការព្រំដែន នៃប្រទេសទាំង២ បានសម្រេចការងារបោះបង្គោលព្រំដែនបានចំនួន៨៤ភាគរយហើយ។ នៅក្នុង៨៤ភាគរយនេះ រាជរដ្ឋាភិបាលកម្ពុជាបានអនុម័តយល់ព្រមជាមួយរដ្ឋាភិបាលវៀតណាម។
លោកបញ្ជាក់ថា កិច្ចព្រមព្រៀងនេះ យកជាការបានល្គឹកណាដែលស្ថាប័ននីតិប្បញ្ញត្តិផ្ដល់សច្ចាប័ន។ ដូច្នេះការងារនេះ គឺជាការងារផ្ដល់សច្ចាប័ន។ បានសេចក្ដីថារដ្ឋសភាយើងយល់ព្រមនៅក្នុងការងារបច្ចេកទេសរបស់គណៈកម្មាធិការព្រំដែន ដែលតំណាងដោយរាជរដ្ឋាភិបាល។
លោកផៃ ស៊ីផាន ពន្យល់ថា រដ្ឋសភាមុននឹងឲ្យសច្ចាប័ន គឺត្រូវពិនិត្យមើលគ្រប់ជ្រុងជ្រោយនៅដំណាក់កាលចុងក្រោយ ហើយពេលណារដ្ឋសភាផ្ដល់សច្ចាប័នសេចក្ដីព្រាងច្បាប់នេះ ក្លាយជាច្បាប់ត្រូវបានដាក់ឲ្យប្រើប្រាស់ជាផ្លូវការ៕
ដោយ ៖ កោះកែវ
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ១១ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២១ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?