ព័ត៌មានជាតិ
មីជាតិ ចូលរួមអប់រំផ្សព្វផ្សាយការបង្ការជំងឺគ្រុនឈាម និងចែកអំណោយ ដល់ប្រជាពលរដ្ឋ ខេត្តបន្ទាយមានជ័យ
កាលពីថ្ងៃទី២០ ខែមិថុនា ឆ្នាំ២០២២ មីជាតិ បានសហការជាមួយមន្ទីរសុខាភិបាល ខេត្តបន្ទាយមានជ័យ រៀបចំយុទ្ធនាការអប់រំផ្សព្វផ្សាយដល់សហគមន៍ ស្តីពីការបង្ការការពារជំងឺគ្រុនឈាម និងការដាក់ថ្នាំអាបែត ជូនប្រជាពលរដ្ឋ នាមូលដ្ឋាន ភូមិគោរដ្ឋាន ឃុំអូរអំបិល ក្រុងសិរីសោភ័ណ ខេត្តបន្ទាយមានជ័យ។
កម្មវិធីនេះ ត្រូវបានប្រព្រឹត្តឡើងដោយមានការចូលរួមពីសំណាក់ លោកជំទាវ រស់ សុផានី អភិបាលរង នៃគណៈអភិបាល ខេត្តបន្ទាយមានជ័យ, លោកអភិបាល ក្រុងសិរីសោភ័ណ, ថ្នាក់ដឹកនាំក្រុមហ៊ុនមីជាតិ មន្ត្រីរាជការ ស្ថាប័នជុំវិញ រដ្ឋបាលខេត្តបន្ទាយមានជ័យ និងតំណាងប្រជាពលរដ្ឋ ១០០ គ្រួសារ ។
លោក សោមនស្ស វិបុល ប្រធានជាន់ខ្ពស់ផ្នែកពាណិជ្ជកម្ម នៃក្រុមហ៊ុន វ័ន ហ្វ្រេតធើនីធី (មីជាតិ) បានថ្លែងថា “រដូវវស្សាបានខិតមកដល់ មូសខ្លាក៏ចាប់ផ្តើមពងកូន ព្រមជាមួយសេចក្ដីជូនព័ត៌មាន របស់ក្រសួងសុខាភិបាល ស្តីពី “ស្ថានភាពជំងឺគ្រុនឈាម នៅព្រះរាជាណាចក្រកម្ពុជា ក្នុងដើមឆ្នាំ ២០២២ នេះមានចំនួនកើនឡើង បើធៀបនឹងឆ្នាំ២ ០២១ ដោយមើលឃើញពីស្ថានភាពនេះ មីជាតិ បានសម្រេចជ្រើសរើស ខេត្តបន្ទាយមានជ័យ ក្នុងការអនុវត្តគម្រោង នៃការចូលរួមអប់រំផ្សព្វផ្សាយអំពីវិធានការ បង្ការជំងឺគ្រុនឈាម ព្រមជាមួយសកម្មភាពគាំទ្រដទៃទៀត ដើម្បីចូលរួមបញ្ចៀស អត្រាអ្នកកើតជំងឺគ្រុនឈាម ក្នុងមូលដ្ឋានខេត្ត ។” លោកក៏បានអំពាវនាវ ដល់ប្រជាពលរដ្ឋរស់នៅតាមមូលដ្ឋាននានា សូមចូលរួមសហការ ជាមួយមន្ត្រីមន្ទីរសុខាភិបាល ដែលចុះធ្វើសកម្មភាពដាក់ថ្នាំអាបែត ដើម្បីកម្ចាត់មូសខ្លា លុបបំបាត់ជំងឺគ្រុនឈាមឲ្យបានទាំងគ្នា នៅតាមលំនៅឋានរៀងៗខ្លួន និងសូមបងប្អូនចូលរួមសម្អាតបរិស្ថាននៅជុំវិញលំនៅឋានរបស់ខ្លួន ឲ្យមានអនាម័យល្អ ដើម្បីឈានទៅលុបបំបាត់ជម្រកមូសខ្លាពងកូន ដែលជាប្រភពចម្លងជំងឺគ្រុនឈាម ឲ្យអស់ជាស្ថាពរ។
នាឱកាសនោះដែរ លោកជំទាវ រស់ សុផានី អភិបាលរង នៃគណៈអភិបាល ខេត្តបន្ទាយមានជ័យ បានសម្តែងការកោតសរសើរ និងវាយតម្លៃខ្ពស់ចំពោះការចូលរួមគាំទ្ររបស់ថ្នាក់ដឹកនាំ និងបុគ្គលិក ក្រុមហ៊ុនមីជាតិ ដែលប្រឹងប្រែងទាំងកម្លាំងកាយចិត្ត និងធនធាន ក្នុងការចូលរួមឆ្លើយតបបន្ទាន់ ស្របជាមួយការអំពាវនាវរបស់ ក្រសួងសុខាភិបាលអំពីការចូលរួមបង្ការ និងទប់ស្កាត់ជំងឺគ្រុនឈាម នារដូវវស្សានេះ។ លោកជំទាវ បានបន្តទៀតថា ការចូលរួមសកម្មភាពនេះ ជាឆន្ទៈដ៏វិសេសវិសាល ដែលក្រុមហ៊ុនឯកជន ចូលរួមគាំទ្រដោយផ្ទាល់មកកាន់មូលដ្ឋាន ដែលមានតម្រូវការចាំបាច់តាមរយៈការបង្កើតនូវគំនិតផ្តួចផ្តើមថ្មីៗ ដើម្បីចូលរួមទប់ស្កាត់ និងការពារការផ្ទុះឡើងវិញនូវជំងឺគ្រុនឈាម ក្នុងខេត្តបន្ទាយមានជ័យ ។
គួរបញ្ចាក់ផងដែរថា បន្ថែមពីការចូលរួមផ្សព្វផ្សាយអំពីវិធានបង្ការ និងទប់ស្កាត់ជំងឺគ្រុនឈាម ក្រុមហ៊ុន វ័ន ហ្វ្រេតធើនីធី (មីជាតិ) ក៏បានចែកអំណោយជូនប្រជាពលរដ្ឋចំនួន ១០០ គ្រួសារ នូវស្បៀងអាហារ រួមមានអង្ករ មីជាតិ ទឹកពិសាវីតាល់ មុង សាប៊ូ និងថវិកា ។ មីជាតិក៏បានពាំនាំអំណោយមីជាតិ និងវីតាល់ ជាច្រើនកេស ជូនសាខាកាកបាទក្រហមកម្ពុជា ខេត្តបន្ទាយមានជ័យ និង មន្ទីរសុខាភិបាល ខេត្តផងដែរ។ សកម្មភាពទាំងនេះ អាចកើតឡើងបានក៏ដោយសារការគាំទ្រពីសំណាក់អតិថិជន និងអ្នកប្រើប្រាស់ផលិតផលមីជាតិ ដែលជាមីឆ្អិនស្រាប់មុនដំបូងគេនៅកម្ពុជា និងមានរសជាតិខ្មែរ បង្កើតឡើងដោយជនជាតិខ្មែរ។ ដូច្នេះដើម្បីការរីកចម្រើនរបស់សង្គមជាតិយើង និងដើម្បីមោទកភាពកិត្តិយសរបស់ខ្មែរ សូមបន្តគាំទ្រ និងរួមគ្នាលើកកម្ពស់ផលិតផលខ្មែរ។ យើងរួមគ្នាដើម្បីវឌ្ឍនភាពរបស់កម្ពុជា៕
ស្ត្រីវ័យ៥៩ឆ្នាំ សម្លាប់ខ្លួនដោយសារតែជំងឺប្រចាំកាយ
កិច្ចប្រជុំលើកទី១ នៃគណៈប្រឹក្សាភិបាល កម្មវិធីមុខរបរនិងការងារសមរម្យរបស់យុវជននៅកម្ពុជា ដំណាក់កាលទី៣ (DEY III)
សមាគមនិយោជក ក្រុមហ៊ុនឯកជន ៖ ការដាក់ឱ្យប្រើប្រាស់ បញ្ជរសេវាសាធារណៈចល័តរបស់ក្រសួងការងារ គឺជាការធ្វើទំនើបកម្ម (digitalization) លើសេវាសាធារណៈរបស់រដ្ឋ
ផ្លូវចូលវត្តព្រះបារមីវង្កតបុរី បានក្លាយជាទីលំហែ និងហាត់ប្រាណរបស់បងប្អូនប្រជាពលរដ្ឋជិតឆ្ងាយ
ប្រព័ន្ធគាំពារសង្គម គ្រោងដាក់ចេញប្រព័ន្ធបញ្ជាក់ចំណាយឌីជីថល ដើម្បីទូទាត់ថវិកាពីប.ស.ស ទៅកាន់ពេទ្យឱ្យប្រសិទ្ធភាព និងបង្កភាពងាយស្រួលបន្ថែមដល់ពលរដ្ឋ
ទីក្រុងចំនួនបីនៅអាស៊ីអាគ្នេយ៍មានខ្យល់ពុលខ្លាំងបំផុត
ត្រាំ បន្ទោសថា សង្គ្រាម រុស្ស៊ី-អ៊ុយក្រែន ផ្ទុះដោយសារ ហ្សេលេនស្គី
ខេត្តក្រុងចំនួន ៤ មានរាជធានីភ្នំពេញ សន្ទស្សន៍គុណភាពខ្យល់ពណ៌ក្រហម (ការបំពុលខ្លាំង)
បាងកក បង្ខំចិត្តបិទសាលារៀនដល់ទៅជាង ៣៥០កន្លែង ព្រោះខ្យល់ពុល កាន់តែធ្ងន់ធ្ងរ
ផ្លូវចូលវត្តព្រះបារមីវង្កតបុរី បានក្លាយជាទីលំហែ និងហាត់ប្រាណរបស់បងប្អូនប្រជាពលរដ្ឋជិតឆ្ងាយ
-
ចរាចរណ៍៥ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ១ សប្តាហ៍ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៤ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
ព័ត៌មានអន្ដរជាតិ១ ថ្ងៃ agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង
-
ព័ត៌មានជាតិ១ សប្តាហ៍ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ១ ថ្ងៃ agoនេះជាខ្លឹមសារនៃសំបុត្រ ដែលលោក បៃដិន ទុកឲ្យ ត្រាំ ពេលផុតតំណែង
-
ព័ត៌មានអន្ដរជាតិ៥ ម៉ោង agoទីក្រុងចំនួនបីនៅអាស៊ីអាគ្នេយ៍មានខ្យល់ពុលខ្លាំងបំផុត
-
ចរាចរណ៍៦ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់