ព័ត៌មានជាតិ

អុជធូបថ្ងៃសីល ហើយទុកចោល បង្កឲ្យឆេះនៅជាន់ទី៣ សំណាងបានជួយអន្តរាគមន៍ភ្លាមៗ

បានផុស

៤ years មុន

នៅ

ថ្ងៃអង្គារ ២២ ធ្នូ ២០២០

ដោយ

អគ្គិភ័យមួយបានកើតឡើងនៅផ្ទះល្វែងជាន់ទី៣ បង្កឲ្យភ្ញាក់ផ្អើលទាំងព្រឹក ហើយក៏ត្រូវបានសមត្ថកិច្ចនិងអាជ្ញាធរជួយអន្តរាគមន៍ទាន់ពេល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីអគ្គិភ័យនេះ បានកើតឡើងនៅវេលាម៉ោង៨និង៣០នាទីព្រឹកថ្ងៃទី២២ ខែធ្នូ ស្ថិតក្នុងភូមិដើមស្លែង សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ។ តាមប្រភពពីលោក យ៉ិន វុធ ចៅសង្កាត់ច្បារអំពៅទី២ បានឲ្យដឹងថា នៅម៉ោងកើតហេតុប្រជាពលរដ្ឋ បានឃើញផ្សែងខ្មួលខ្មាញ់ចេញពេញផ្ទះល្វែងជាន់ទី៣ ខណៈដែលម្ចាស់ផ្ទះចាក់សោរួចចុះទៅផ្សារ។ បន្ទាប់មកកម្លាំងប្រជាការពារសង្កាត់ បានចុះទៅអន្តរាគមន៍ ក្នុងនោះក៏មានរថយន្តពន្លត់អគ្គិភ័យមួយគ្រឿងចេញពីសាលាខណ្ឌច្បារអំពៅ ចុះទៅដល់និងបាញ់ពន្លត់ភ្លាមៗ។

លោកចៅសង្កាត់បញ្ជាក់ថា ករណីអគ្គិភ័យនេះ គឺដោយសារម្ចាស់ផ្ទះអុជធូបថ្ងៃសីល បង្កឲ្យឆេះអាសនៈតែប៉ុណ្ណោះ។ ដូច្នេះសូមបងប្អូនប្រជាពលរដ្ឋ ត្រូវមានការប្រុងប្រយ័ត្នពីការអុជធូបថ្ងៃសីលរួចទុកចោលបង្កឲ្យឆេះបែបនេះ។ មិនខុសពីថ្ងៃទី២១ ខែធ្នូមានអគ្គិភ័យកើតឡើងនៅភូមិព្រែកសង្កាត់ច្បារអំពៅទី១ ខណ្ឌច្បារអំពៅ បណ្តាលឲ្យឆេះផ្ទះ២ខ្នង ក៏ព្រោះតែម្ចាស់ផ្ទះអុចធូបសែននំអ៊ីរួចទៅលក់ដូរនៅផ្សារច្បារអំពៅបាត់៕

អត្ថបទ៖ នរា

Related Topics:អគ្គិភ័យ