ព័ត៌មានជាតិ
ខេត្តកំពង់ធំ នឹងមានស្ថានីយវាស់វែងគុណភាពខ្យល់ និងគ្រោងដាក់ឲ្យដំណើរការនៅដើម ឆ្នាំ២០២១
ខេត្តកំពង់ធំ នឹងមានស្ថានីយ៍វាស់វែងគុណភាពខ្យល់ និងគ្រោងដាក់ឲ្យដំណើរការនៅដើម ឆ្នាំ២០២១មុខនេះ។
លោក ចាន់ តារា អភិបាលរងខេត្តកំពង់ធំ និងក្រុមការងារនៃក្រសួងបរិស្ថាន ចុះពិនិត្យលំអិតលើទីតាំងសម្រាប់សាងសង់ស្ថានីយ៍វាស់វែងគុណភាពខ្យល់ ទីប្រជុំជន ក្នុងក្រងស្ទឹងសែន ខេត្តកំពង់ធំ កាលពីថ្ងៃទី២១ ខែធ្នូ ឆ្នាំ២០២០។

លោក ចាន់ តារា បានឱ្យដឹងពីតួនាទីសំខាន់នៃស្ថានីយ៍វាស់វែងគុណភាពខ្យល់នេះ គឺមានសារសំខាន់សម្រាប់ពិនិត្យមើលជាតិពុលសាយភាយ នៅក្នុងបរិយាកាស ដើម្បីការពារ និងថែទាំសុខភាពសាធារណៈ រួមទាំងថែរក្សាបរិយាកាសផងដែរ។ អាទិភាពនៃឧបករណ៍ គឺផ្តោតសំខាន់លើការបំពុលខ្យល់ដោយកត្តានៃការប្រើប្រាស់យាន្តយន្ត រោងចក្រសហគ្រាស ការសាយភាយប្រភពខ្យល់ពីតំបន់ផ្សេងៗចូលទៅក្នុងបរិយាកាស មកលើទីប្រជុំជន ដែល អាចជះឥទ្ធិពលមិនល្អចំពោះសុខភាព។ លោកបញ្ជាក់ថា ស្ថានីយ៍វាស់វែងគុណភាពខ្យល់នេះ ផ្តល់ទាំងឧបករណ៍ និងបច្ចេកទេស ដោយប្រទេសចិន ចំនួន១០ស្ថានីយ៍ និងត្រូវសាងសង់នៅរាជធានីភ្នំពេញ រួមជាមួយបណ្ណាខេត្តចំនួន៩ ផ្សេងទៀត ដែលក្នុងនោះខេត្តកំពង់ធំ ត្រូវបានជ្រើសរើសបញ្ជូលក្នុងការសាងសង់ស្ថានីយ៍ផងដែរ។

បន្ថែមលើនេះ លោក ម៉ាក់ ប៊ុនហុង អភិបាលក្រុងស្ទឹងសែន ឱ្យដឹងថា ទីតាំងដែលធ្វើការពិនិត្យសម្រាប់សាងស្ថានីយ៍វាស់វែងគុណភាពខ្យល់នៅក្នុងក្រុងស្ទឹងសែន មានចំនួនប្រាំទីតាំង ក្នុងនោះទីតាំងដែលមានទិភាពទី១ គឺនៅចំណុចសួនច្បារលំហែរកំសាន្ត “កំពង់ក្របៅ” និងទី២ នៅចំណុច ផ្នែកខាងលិចរង្វង់មូលផ្លូវវែងក្រុង “រង្វង់មូលលោកតាក្រហម ក”។ ទីតាំងទាំងពីរនេះ នឹងបន្តរៀបចំដាក់សំណើរ សុំអនុញ្ញាត្តិសម្រេច និងសាងសង់ យ៉ាងយូរបំផុឲ្យរួចរាល់ដាក់ឲ្យដំណើរការ នៅខែកុម្ភះ ឬមីនា ឆ្នាំ២០២១ ខាងមុខនេះ។
លោកអភិបាលក្រុង ក៏អំពាវនាវដល់ប្រជាពលរដ្ឋរស់នៅទីប្រជុំជន ក្នុងក្រុងទាំងអស់ ជួយទុកដាក់ កាកសំណល់ប្រើប្រាស់រួចឲ្យបានត្រឹមត្រូវ ការរស់នៅប្រកបដោយអនាម័យ ដើម្បីថែរក្សាសុខខ្លួនឯង គ្រួសារ សហគមន៍ ឈានទៅរកការថែរក្សាសុខមាលភាពសាធារណៈសម្រាប់យើងទាំងអស់គ្នា។



-
ព័ត៌មានអន្ដរជាតិ១៧ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?