ព័ត៌មានជាតិ

៥ខែ ដើមឆ្នាំនេះ ខេត្តសៀមរាបទទួលបានភ្ញៀវទេសចរ កើនឡើងជាង ៧៤៤ ភាគរយ

បានផុស

៣ years មុន

នៅ

ថ្ងៃសៅរ៍ ២៥ មិថុនា ២០២២

ដោយ

លោក ង៉ូវ សេងកាក់ ប្រធានមន្ទីរទេសចរណ៍សៀមរាប បានឱ្យ “កម្ពុជាថ្មី” ដឹងថា សម្រាប់រយៈពេល ៥ខែ ដើមឆ្នាំ២០២២ នេះ ខេត្តសៀមរាបទទួលបានភ្ញៀវទេសចរសរុបប្រមាណជាង ១លាននាក់ ដែលចំនួននេះ បានកើនឡើងជាង ៧៤៤ភាគរយ បើប្រៀបធៀបរយៈពេលដូចគ្នាឆ្នាំ២០២១ ហើយក្នុងនោះភ្ញៀវទេសចរជនជាតិចិនបាននាំមុខគេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ង៉ូវ សេងកាក់ បានឱ្យដឹងថា ភ្ញៀវទេសចរណ៍ទាំងនោះ ចែកតាមខែនីមួយៗរួមមាន៖

១- ខែមករា ឆ្នាំ២០២២ ខេត្តសៀមរាប ទទួលបានភ្ញៀវទេសចរចំនួន ១២ ៨៥៩ នាក់ កើនឡើង ២២០,០៣ ភាគរយ ប្រៀបធៀបរយៈពេលដូចគ្នាឆ្នាំ២០២១ ចំនួនប្រមាណ ៤ ០១៨ នាក់។ ក្នុងនោះ ភ្ញៀវទេសចរអន្តរជាតិ មានចំនួន៤ ៣៥៩ នាក់ មានការកើនឡើង ២៥៩,៣៦ ភាគរយ បើប្រៀបធៀបនឹងរយៈពេលដូចគ្នា ឆ្នាំ២០២១ ចំនួន ១ ២១៣ នាក់។ ភ្ញៀវទេសចរជាតិ មានចំនួនប្រមាណ ៨ ៥០០ នាក់ មានការកើនឡើង ២០៣,០៣ ភាគរយ បើប្រៀបធៀបនឹងរយៈពេលដូចគ្នាឆ្នាំ២០២១ ចំនួន ២ ៨០៥ នាក់។

២. ខែកុម្ភៈ ឆ្នាំ២០២២ ខេត្តសៀមរាបទទួលបានភ្ញៀវទេសចរចំនួនប្រមាណ ៦៤ ៣០៤ នាក់ ថយចុះ ៤៣,៩២ ភាគរយ បើប្រៀបធៀបរយៈពេលដូចគ្នាឆ្នាំ២០២១ ចំនួនប្រមាណ ១១៤ ៦៨១ នាក់។ ក្នុងនោះ ភ្ញៀវទេសចរអន្តរជាតិ មានចំនួន ៧ ៣០៤ នាក់ មានការកើនឡើង ១៤៥,០២ ភាគរយ បើប្រៀបធៀបនឹងរយៈពេលដូចគ្នាឆ្នាំ២០២១ ចំនួន២ ៩៨១ នាក់។ ភ្ញៀវទេសចរជាតិ មានចំនួនប្រមាណ ៥៧ ០០០ នាក់ ថយចុះ ៤៨,៩៧ ភាគរយ បើប្រៀបធៀបនឹងរយៈពេលដូចគ្នាឆ្នាំ២០២១ ចំនួន ១១១ ៧០០ នាក់។

៣. ខែមីនា ឆ្នាំ២០២២ ខេត្តសៀមរាបទទួលបានភ្ញៀវទេសចរចំនួនប្រមាណ ២៩៧ ៦៧៧ នាក់ កើនឡើង ២៨ ៥៦២,៥២ ភាគរយ ប្រៀបធៀបរយៈពេលដូចគ្នាឆ្នាំ២០២១ ចំនួនប្រមាណ ១ ០៣៨ នាក់។ ក្នុងនោះ ភ្ញៀវទេសចរអន្តរជាតិ មានចំនួន ៨ ១៧៧ នាក់ មានការកើនឡើង ២ ៧៣៩,២៤ ភាគរយ បើប្រៀបធៀបនឹងរយៈពេលដូចគ្នា ឆ្នាំ២០២១ ចំនួន ២៨៨ នាក់។ ភ្ញៀវទេសចរជាតិ មានចំនួនប្រមាណ ២៨៩ ៥០០ នាក់ កើនឡើង ៣៨ ៤៧៨,៦៦ ភាគរយ បើប្រៀបធៀបនឹងរយៈពេលដូចគ្នាឆ្នាំ២០២១ ចំនួន ៧៥០ នាក់។

៤. ខែមេសា ឆ្នាំ២០២២ ខេត្តសៀមរាបទទួលបានភ្ញៀវទេសចរចំនួនប្រមាណ ៥៥០ ៣៦៣ នាក់ កើនឡើង ១ ១៩៦ ៣៤៥,៦៥ ភាគរយ ប្រៀបធៀបរយៈពេលដូចគ្នាឆ្នាំ២០២១ ចំនួនប្រមាណ ៤៦ នាក់ ។ ក្នុងនោះ ភ្ញៀវទេសចរអន្តរជាតិ មានចំនួន ១៣ ៣៦៥ នាក់ កើនឡើង ២៨ ៩៥៤,៣៥ ភាគរយ បើប្រៀបធៀបនឹងរយៈពេលដូចគ្នាឆ្នាំ២០២១ ចំនួន ៤៦ នាក់។ ភ្ញៀវទេសចរជាតិ មានចំនួនប្រមាណ ៥៣៧ ០០០ នាក់ កើនឡើង ១០០ ភាគរយ បើប្រៀបធៀបនឹងរយៈពេលដូចគ្នាឆ្នាំ២០២១ ចំនួន០ នាក់។

៥. ខែឧសភា ឆ្នាំ២០២២ ខេត្តសៀមរាបទទួលបានភ្ញៀវទេសចរចំនួន ១០២ ៥៧៤ នាក់ កើនឡើង ៥ ៣៩៧,០០ ភាគរយ ប្រៀបធៀបរយៈពេលដូចគ្នាឆ្នាំ២០២១ ចំនួនប្រមាណ ១ ៨៦៦ នាក់ ។ ក្នុងនោះ ភ្ញៀវទេសចរអន្តរជាតិមានចំនួន ១២ ៥៧៤ នាក់ មានការកើនឡើង ៥ ០១១,៣៨ ភាគរយ បើប្រៀបធៀបនឹងរយៈពេលដូចគ្នាឆ្នាំ២០២១ ចំនួន២៤៦ នាក់។ ភ្ញៀវទេសចរជាតិ មានចំនួនប្រមាណ ៩០ ០០០ នាក់ កើនឡើង ៥ ៤៥៥,៥៦ ភាគរយ បើប្រៀបធៀបនឹងរយៈពេលដូចគ្នាឆ្នាំ២០២១ ចំនួន ១ ៦២០ នាក់។

សរុបរយៈពេល០៥ខែ ឆ្នាំ២០២២ នេះ ខេត្តសៀមរាបទទួលបានភ្ញៀវទេសចរសរុបប្រមាណ ១ ០២៧ ៧៧៩ នាក់កើនឡើង ៧៤៤,៨៧ ភាគរយ ប្រៀបធៀបរយៈពេលដូចគ្នាឆ្នាំ២០២១ ចំនួនប្រមាណ ១២១ ៦៤៩ នាក់។ ក្នុងនោះភ្ញៀវទេសចរអន្តរជាតិ មានចំនួន ៤៥ ៧៧៩ នាក់ កើនឡើង ៨៥៩,៩២ ភាគរយ បើប្រៀបធៀបនឹងរយៈពេលដូចគ្នា ឆ្នាំ២០២១ មានចំនួន ៤ ៧៧៤ នាក់ ហើយភ្ញៀវទេសចរជាតិ មានចំនួនប្រមាណ ៩៨២ ០០០ នាក់ មានការកើនឡើងចំនួន ៧៤០,២១ ភាគរយ បើប្រៀបធៀបនឹងរយៈពេលដូចគ្នាឆ្នាំ២០២១ ចំនួនប្រមាណ ១១៦ ៨៧៥ នាក់៕

អត្ថបទ៖ កោះកែវ