ព័ត៌មានជាតិ
នៅក្នុងបរិបទកូវីដ-១៩ ការទូតសេដ្ឋកិច្ចក្នុងគន្លងប្រក្រតីភាពថ្មី គឺជាឧបករណ៍ដ៏សំខាន់ក្នុងការធ្វើសមាហរណកម្មសេដ្ឋកិច្ច
លោក សុខ សូកេន រដ្ឋលេខាធិការ និងជាអនុប្រធានលេខាធិការដ្ឋានជាតិកម្ពុជា នៃកិច្ចសហប្រតិបត្តិការមេគង្គ-ឡានឆាង នៃក្រសួងការបរទេស និងសហប្រតិបត្តិការអន្តរជាតិបានអះអាងថា អស់រយៈពេលជាង២ឆ្នាំកន្លងមកនេះ ប្រទេសនៅលើពិភពលោកស្ថិតក្នុងកាលៈទេសៈដ៏លំបាកនៃការរាតត្បាតនៃជំងឺកូវីដ-១៩ ដែលជាកត្តាមួយមិនត្រឹមតែប៉ះពាល់ខ្លាំងក្លាដល់វិស័យសុខាភិបាលប៉ុណ្ណោះទេ ប៉ុន្តែវាក៏បានធ្វើឲ្យសេដ្ឋកិច្ចពិភពលោកទាំងមូលធ្លាក់ក្នុងវិបត្តិយ៉ាងជ្រាលជ្រៅ។
បើតាមលោក សុខ សូកេន ជំងឺកូវីដ-១៩ បានប៉ះពាល់ធ្ងន់ធ្ងរដល់វិស័យសំខាន់ៗជាច្រើនរួមមាន៖ វិស័យទេសចរណ៍ វិស័យដឹកជញ្ជូន ធុរកិច្ច ព្រមទាំងធ្វើឱ្យបាត់បង់ការងាររបស់មនុស្សរាប់រយលាននាក់ ហើយផលប៉ះពាល់ទាំងនេះ បានលាតសន្ធឹងនៅក្នុងសង្វៀននយោបាយផងដែរ តាមរយៈការធ្វើនយោបាយតូបនីយកម្ម។ លោកថា “នៅក្នុងបរិបទនេះ ការទូតសេដ្ឋកិច្ចក្នុងគន្លងប្រក្រតីភាពថ្មី គឺជាឧបករណ៍ដ៏សំខាន់មួយសម្រាប់រដ្ឋាភិបាលក្នុងការធ្វើសមាហរណកម្មសេដ្ឋកិច្ចកម្ពុជាទៅក្នុងតំបន់ និងពិភពលោកតាមរយៈការពង្រឹងកិច្ចសហប្រតិបត្តិការទ្វេភាគី និងពហុភាគីឱ្យកាន់តែស៊ីជម្រៅ និងទូលំទូលាយ ដើម្បីធ្វើពិពិធកម្មប្រភពកំណើនរបស់ខ្លួន ពង្រីកសក្ដានុពលសេដ្ឋកិច្ច និងទាញយកអត្ថប្រយោជន៍ពេលលេញពីកាលានុវត្ដភាពថ្មីៗ។ ជាពិសេស កម្ពុជាចាំបាច់ត្រូវប្រឹងសម្របខ្លួនទៅនឹងការផ្លាស់ប្តូរថ្មី និងត្រូវកសាងលទ្ធភាព ព្រមទាំងសមត្ថភាពរបស់ខ្លួន ដើម្បីបញ្ចៀសពីហានិភ័យទាំងឡាយតាមរយៈការធ្វើពិពិធកម្មសេដ្ឋកិច្ច ការជំរុញពាណិជ្ជកម្ម និងវិនិយោគ ការអភិវឌ្ឍកសិឧស្សាហកម្ម និងទេសចរណ៍ប្រកបដោយនវានុវត្ដន៍។
លោក សុខ សូកេន អះអាងដែរថា ឆ្លើយតបទៅនឹងការរាតត្បាតធ្ងន់ធ្ងរនៃជំងឺកូវីដ-១៩ កិច្ចសហប្រតិបត្តិការមេគង្គ-ឡានឆាង បានបន្តដើរតួនាទីឈានមុខ និងបានពង្រឹងនូវជំនឿចិត្តនៅក្នុងកិច្ចសហប្រតិបត្តិការពហុភាគីនិយម ព្រមទាំងបានបង្ហាញពីភាពជាអ្នកជិតខាងល្អ និងមិត្តភាព ដែលមិនអាចកាត់ថ្លៃបាន ដូចពាក្យចាស់ពោលថា “ជួយគ្នាក្នុងគ្រាក្រ ស្គាល់មិត្តល្អក្នុងគ្រាលំបាក”។
ក្នុងន័យនេះ កម្ពុជាបានវាយតម្លៃខ្ពស់ចំពោះការប្តេជ្ញាចិត្តរបស់មិត្តចិន តាមរយៈការបង្កើតសហគមន៍សុខភាពសាធារណៈមេគង្គ-ឡានឆាង និងតួនាទីឈានមុខក្នុងការផ្តល់ឱសថ ការផ្គត់ផ្គង់សម្ភារៈវេជ្ជសាស្ត្រ និងវ៉ាក់សាំងកូវីដ-១៩ រាប់លានដូស មកកាន់បណ្តាប្រទេសមេគង្គបានទាន់ពេលវេលា ជាពិសេសសម្រាប់កម្ពុជា។
សូមបញ្ជាក់ថា ការលើកឡើងរបស់លោក សុខ សូកេន នៅក្នុងកម្មវិធីសិក្ខាសាលាពិគ្រោះយោបល់ថ្នាក់ជាតិស្តីពី ”ការទូតសេដ្ឋកិច្ចក្នុងគន្លងប្រក្រតីភាពថ្មី” ក្រោមមូលនិធិពិសេស នៃកិច្ចសហប្រតិបត្តិការមេគង្គ-ឡានឆាង នាព្រឹកថ្ងៃទី២៧ ខែមិថុនា ឆ្នាំ២០២២នេះ នៅសណ្ឋាគារ Hayatt Regency រាជធានីភ្នំពេញ៕
ដោយ ៖ កោះកែវ
កម្លាំងសណ្តាប់ធ្នាប់ខណ្ឌឬស្សីកែវ ចុះឈូសកើបដីខ្សាច់ បាញ់ទឹកសម្អាតនៅលើផ្លូវជាតិ៥
លោក ហេង សួរ ៖ និស្សិតអាហារូបករណ៍ ត្រូវនាំយកចំណេះវិជ្ជា វិលត្រឡប់មកកម្ពុជា ដើម្បីអភិវឌ្ឍន៍សេដ្ឋកិច្ច
អ្នកវិភាគ៖ ពលរដ្ឋខ្មែរគួរយកចិត្តទុកដាក់តាមដានការវិវត្តនយោបាយនៅថៃ ខណៈក្រុមប្រឆាំងថៃតែងតែរុញច្រានបញ្ហាព្រំដែនឱ្យឡើងកម្ដៅ
រដ្ឋបាលខេត្តកណ្តាល រៀបចំតុបតែងត្រៀមសម្រាប់ពិធីបុណ្យចូលឆ្នាំថ្មី ប្រពៃណីជាតិខ្មែរ
ក្រសួងការងារ បើកវគ្គបណ្តុះបណ្តាលស្តីពី “បង្ការនិងទប់ស្កាត់ការប្រើប្រាស់ពលកម្មកុមារ តាមសហគ្រាស គ្រឹះស្ថានផលិត ឥដ្ឋ ក្បឿង”
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
ប៊ីល ហ្គេត៖ មានតែការងារ ៣ មុខ ប៉ុណ្ណោះ ដែលនឹងបន្តឈរជើងក្នុងបដិវត្តន៍ AI
សម្តេចសង្ឃកាតូលិក Pope Francis ជិតសុគត ខណៈគ្រូពេទ្យសម្រេចឈប់ព្យាបាល
ក្រុមហ៊ុនអាកាសចរណ៍ថ្មី ៣ បន្ថែមទៀត នឹងតភ្ជាប់ជើងហោះហើរមកអាកាសយានដ្ឋានអន្តរជាតិតេជោ
ផ្ទៃក្នុងអាមេរិក ចង់ឲ្យបណ្តេញលោក Mike Waltz ចេញពីតំណែង ក្រោយបែកធ្លាយផែនការនៅ យេម៉ែន
-
ព័ត៌មានអន្ដរជាតិ១ សប្តាហ៍ agoនិយាយជាមួយពូទីនចប់ភ្លាម ត្រាំ ថា បើផ្ទុះសង្គ្រាមលោកលើកទី៣ ទ័ពអាមេរិក ក៏អាចចូលប្រយុទ្ធដែរ
-
ព័ត៌មានជាតិ១ សប្តាហ៍ agoព្រះតេជគុណ ជួន កក្កដា គ្រោងលាចាកសិក្ខាបទនៅព្រឹកនេះ
-
ព័ត៌មានអន្ដរជាតិ២ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា៦ ថ្ងៃ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៣ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ១៨ ម៉ោង agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
ព័ត៌មានជាតិ៥ ថ្ងៃ agoគណបក្សថ្មីមួយទៀត ត្រូវបានក្រសួងមហាផ្ទៃ សម្រេចចុះបញ្ជីឱ្យធ្វើសកម្មភាពនយោបាយ