ព័ត៌មានជាតិ
រុស្សីបង្កើនអាហារបករណ៍ ផ្នែកវិស្វកម្មយន្តហោះ ការបង្កើតកម្មវិធីសូហ្វវែ និងថាមពលនុយក្លេអ៊ែរស៊ីវិល
នៅឆ្នាំសិក្សា២០២២-២០២៣ ខាងមុខនេះ រដ្ឋាភិបាលសហព័ន្ធរុស្ស៊ីបានផ្តល់អាហារូបករណ៍ផ្នែកវិស្វកម្មយន្តហោះ ការបង្កើតកម្មវិធីសូហ្វវែ បច្ចេកវិទ្យា និងថាមពលនុយក្លេអ៊ែរស៊ីវិល ដល់និស្សិត និងមន្ត្រីរាជការកម្ពុជាចំនួន ២០ កន្លែងឱ្យទៅបន្តការសិសក្សាថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ Specialist និង PhD នៅតាមសកលវិទ្យាល័យនានានៅប្រទេសរុស្សី។

លោក ផន បុរី ជំនួយការនាយិការមជ្ឈមណ្ឌលវិទ្យាសាស្ត្រ និងវប្បធម៌រុស្សី បានមានប្រសាសន៍នៅព្រឹកថ្ងៃទី២៨ ខែមិថុនានេះថា ចំនួនការផ្តល់ចំនួនអាហារូបករណ៍នេះបើប្រៀបធៀបទៅនឹងឆ្នាំសិក្សា២០២១‑២០២២ ឃើញថា មានការកើនឡើង ២៥ ភាគរយ ខណៈឆ្នាំសិក្សាមុន មានត្រឹមតែ ១៦កន្លែងប៉ុណ្ណោះ។
លោកបានបន្តថា ក្រៅពីការផ្តល់អាហារូបករណ៍តាមរយៈរដ្ឋាភិបាលរុស្សី នៅឆ្នាំ២០២២‑២០២៣ នេះដែរ សកលវិទ្យាល័យហិរញ្ញវត្ថុ ក្រោមរដ្ឋាភិបាលរុស្ស៊ី (Financial University under the Government of the Russian Federation) បានផ្តល់អាហារូបករណ៍ដោយឡែករបស់ខ្លួន ៥កន្លែងទៀតសម្រាប់និស្សិតកម្ពុជាទាំងឡាយណាដែលអាចសិក្សាមុខវិជ្ជាជាភាសាអង់គ្លេសបាន។

លោកបានបន្តទៀតថា គិតចាប់ពីឆ្នាំ១៩៧៩មក រហូតមកដល់បច្ចុប្បន្ន រដ្ឋាភិបាលសហព័ន្ធរុស្ស៊ីបានផ្តល់អាហារូបករណ៍ដល់និស្សិតខ្មែរឱ្យទៅបន្តការសិក្សានៅតាមសាកលវិទ្យាល័យនានានៅប្រទេសរុស្សីប្រមាណជាង ៨ ៥០០ នាក់ ក្នុងនោះមានប្រមាណ ៨ ០០០ នាក់បានបញ្ចប់កាសិក្សា និងប្រមាណជិត ៦០០ នាក់កំពុងសិក្សានៅប្រទេសរុស្សី។ ក្នុងនោះមាននិស្សិតស៊ីវិល និងមន្ត្រីរាជការប្រហែល ៧០ នាក់ និងយោធាជាង ៥០០ នាក់។
លោកបានបន្ថែមទៀតថា និស្សិតស៊ីវិល និងមន្ត្រីរាជការដែលទទួលបានអាហារូបករណ៍ ពួកគេសិក្សាទៅលើជំនាញវិស្វកម្មយន្តហោះ ស្ថាបត្យកម្ម សំណង់ស៊ីវិល វេជ្ជសាស្ត្រ ទំនាក់ទំនងអន្តរជាតិ សេដ្ឋកិច្ច ផ្នែកវប្បធម៌ សិល្បៈ ដូចជាការដឹកនាំភាពយន្ត និងផលិតនិពន្ធជាដើម។

លោកបានបញ្ជាក់ទៀតថា ក្នុងចំណោមមុខវិជ្ជាទាំងនោះ មុខវិជ្ជាដែលមានការពេញនិយមសម្រាប់និសិត្សខ្មែររួមមាន សំណង់ស៊ីវិល ថាមពលនុយក្លេអ៊ែរ និងវិស្វកម្មយន្តហោះជាដើម។
លោក ផន បុរី បានអំពាវនាវដល់និស្សិតកម្ពុជា ដែលមានបំណងចង់ទៅសិក្សានៅសហព័ន្ធរុស្សី ត្រូវមកទាក់ទងនៅមជ្ឈមណ្ឌលវិទ្យាសាស្ត្រ និងវប្បធម៌រុស្សី ដើម្បីត្រៀមសិក្សាភាសារុស្សី និងត្រៀមដាក់ពាក្យស្នើសុំអាហារូបករណ៍ទៅសិក្សានៅរុស្សី៕
អត្ថបទ៖ សំអឿន


-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ