Connect with us

ព័ត៌មានជាតិ

រដ្ឋមន្ត្រី ៦ រូបនេះ បញ្ចប់ថ្នាក់អនុបណ្ឌិត គួបផ្សំុនឹងបទពិសោធដ៏ជោកជាំ បានក្លាយជាមន្រ្តីដ៏សំខាន់ៗរបស់ជាតិ

បានផុស

នៅ

មុនក្លាយជារដ្ឋមន្ត្រី ឬថ្នាក់ដឹកនាំក្នុងក្រសួងស្ថាប័នមួយៗប្រាកដណាស់ថា រដ្ឋមន្ត្រីទាំងនោះ សុទ្ធតែមានសមត្ថភាពមិនធម្មតា និងធ្លាប់ឆ្លងកាត់បទពិសោធសិក្សាមិនតិចឆ្នាំនោះទេ។ នៅថ្ងៃនេះ «កម្ពុជាថ្មី» សូមលើកយករដ្ឋមន្ត្រីចំនួន ៦រូប ដែលទទួលបានសញ្ញាបត្រថ្នាក់ត្រឹមតែអនុបណ្ឌិត និងសញ្ញាបត្រកិត្តិយស តែបានក្លាយជាមន្រ្តីសំខាន់របស់ជាតិ៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១. លោក ជា សុផារ៉ា ឧបនាយករដ្ឋមន្ត្រី និងជារដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់។ លោក គឺជាបុគ្គលឆ្នើមមួយរូបមានកេរិ៍ឈ្មោះល្បីល្បាញជំនាញដោះស្រាយបញ្ហាដីធ្លីនៅកម្ពុជា។ ក្នុងបទពិសោធសិក្សា លោកជា សុផារ៉ា បានឆ្លងកាត់វគ្គសិក្សានយោបាយជាច្រើននៅទីក្រុងហូជីមិញ ប្រទេសវៀតណាម។ លោកបានបញ្ចប់វគ្គសិក្សានយោបាយ ជំនាន់ទី១ នៅសាលានយោបាយរដ្ឋធានី វគ្គសិក្សានយោបាយបច្ចេកទេស នៅសាលារដ្ឋបាលនីតិវិធី វគ្គសិក្សាទ្រឹស្តីនយោបាយ ជំនាន់ទី៤ នៅសាលាង្វៀនតួក។

២. លោក ស៊ុន ចាន់ថុល ទេសរដ្ឋមន្ត្រី និងជារដ្ឋមន្ត្រីក្រសួងសាធារណការ និងដឹកជញ្ជូន។ សម្រាប់ការសិក្សារបស់រដ្ឋមន្រ្តីក្រសួងសាធារណការ និងដឹកជញ្ជូនរូបនេះ គឺបញ្ចប់ការសិក្សា និងទទួលបានសញ្ញាបត្រជាច្រើនពីសាកលវិទ្យាល័យល្បីៗនៅសហរដ្ឋអាមេរិក ដូចជា បរិញ្ញាបត្រវិទ្យាសាស្ត្រផ្នែកគ្រប់គ្រងពាណិជ្ជកម្មពីសកលវិទ្យាល័យអាមេរិក កម្មវិធីគ្រប់គ្រងជាន់ខ្ពស់ពីសាកលវិទ្យាល័យ Wharton រដ្ឋ Pennsylvania នៅឆ្នាំ១៩៩៧ និងសញ្ញាបត្រអនុបណ្ឌិតផ្នែករដ្ឋបាលសាធារណៈនៃសកលវិទ្យាយ Harvard នៅឆ្នាំ១៩៩៩ ។

៣. លោក ចម ប្រសិទ្ធ ទេសរដ្ឋមន្ត្រី និងជារដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍។ លោករដ្ឋមន្ត្រី ចម ប្រសិទ្ធ មានកម្រិតវប្បធម៌ថ្នាក់បរិញ្ញាបត្រផ្នែកពាណិជ្ជកម្ម និងបរិញ្ញាបត្រផ្នែកវិទ្យាសាស្ត្រសេដ្ឋកិច្ច។ ជាមួយការខិតខំបំពេញការងារលោកក៏ទទួលបានសញ្ញាបត្របណ្ឌិតកិត្តិយសផ្នែកសមាហរណកម្មពាណិជ្ជកម្ម និងសេដ្ឋកិច្ចនៃសកលវិទ្យាកម្ពុជា សញ្ញាបត្របណ្ឌិតកិត្តិយសផ្នែកវិទ្យាសាស្ត្រសេដ្ឋកិច្ច និងនយោបាយសេដ្ឋកិច្ចនៃសកលវិទ្យាល័យចម្រើនពហុបច្ចេកវិទ្យា និងសញ្ញាបត្របណ្ឌិតកិត្តិយសផ្នែកគ្រប់គ្រងពាណិជ្ជកម្មនៃសកលវិទ្យាល័យ Shinhan។

៤. លោក កើត រិទ្ធ រដ្ឋមន្រ្តីក្រសួងយុត្តិធម៌។ លោក គឺជានិស្សិតអាហារូបករណ៍សិក្សាផ្នែកច្បាប់នៅប្រទេសបារាំងនៅឆ្នាំ១៩៩៩។ លោកទទួលបានសញ្ញាបត្របរិញ្ញាបត្រ និងសញ្ញាបត្រអនុបណ្ឌិតផ្នែកច្បាប់នៃសាកលវិទ្យាល័យលីយ៉ុង២ ប្រទេសបារាំង។ នៅឆ្នាំ២០០២ លោកទទួលបានសញ្ញាបត្រមួយទៀត គឺអនុបណ្ឌិតផ្នែកច្បាប់ព្រហ្មទណ្ឌ និងវិទ្យាសាស្រ្តនៃបទឧក្រិដ្ឋ នៅសាកលវិទ្យាល័យលីយ៉ុង៣ ប្រទេសបារាំង។

៥. លោក ព្រុំ សុខា រដ្ឋមន្ត្រីក្រសួងមុខងារសាធារណៈ។ លោក ព្រុំ សុខា ជាអ្នកខេត្តព្រៃវែង ដែលកាន់តំណែងជារដ្ឋមន្ត្រីក្រសួងមុខងារសាធារណៈ ជំនួសលោក ពេជ្រ ប៊ុនធិន នៅក្នុងឆ្នាំ២០២០។  លោកបានបញ្ចប់ការសិក្សាថ្នាក់អនុបណ្ឌិតផ្នែកគ្រប់គ្រងសាធារណៈនៃសាកលវិទ្យាល័យជាតិសិង្ហបុរី។ 

៦. លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន។ រដ្ឋមន្ត្រីចាស់វស្សារូបនេះ ជាអតីតនិស្សិតមហាវិទ្យាល័យនីតិសាស្ត្រ និងវិទ្យាសាស្ត្រសេដ្ឋកិច្ច ក្នុងឆ្នាំ១៩៧០-១៩៧៥ និងជាសិស្សមន្ត្រីជាន់ខ្ពស់ខាងការទូតនៃសាលាជាតិរដ្ឋបាល ជំនាន់ទី២ ក្នុងឆ្នាំ១៩៧២-១៩៧៥។ កាលពីខែមីនា ឆ្នាំ ២០២២ លោកក៏ទទួលបានសញ្ញាបត្របណ្ឌិតកិត្តិយសគរុកោសល្យសារព័ត៌មាន មនុស្សសាស្ត្រ និងសង្គមសាស្ត្រនៃសាកលវិទ្យាល័យ រ៉ាច្ចមុងឃុន តិចណូឡូជី ថាក់យ៉ាក់បុរី ប្រទេសថៃ ។

ដោយឡែក ចំពោះរដ្ឋមន្ត្រីប្រមាណ ១៣ រូបផ្សេងទៀត មិនទាន់មានឯកសារបញ្ជាក់នៅឡើយទេ ថា​តើលោកបានបញ្ចប់ការសិក្សាដល់កម្រិតណានោះ៕

អត្ថបទ ៖ ធឿន វ៉ាន់សុង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥៨ នាទីutes មុន

មីនតោន ដែលអ្នកកាសែតដោះដឹកតាមម៉ូតូឱ្យប៉ូលិស ត្រូវបានស៊ីម៉ាក់ចុះទៅយក÷ មេស៊ីម៉ាក់ ប្រាប់ឱ្យរាយការណ៍ពីបញ្ហាគ្រាប់មិនទាន់ផ្ទុះជាជាងដោះដោយខ្លួនឯង

នយោបាយ២ ម៉ោង មុន

សម្តេចធិបតី ឱ្យអង្គការចាត់តាំងយុវជនគណបក្សប្រជាជនកម្ពុជានៅក្រៅប្រទេស ជួយស្រាយបញ្ហាដែលខ្មែរនៅក្រៅប្រទេសជួបប្រទះ

ព័ត៌មានជាតិ២ ម៉ោង មុន

លើកទី១ក្នុងឆ្នាំថ្មី សម្ដេចធិបតី បំពេញទស្សនកិច្ចនៅហ្វីលីពីន ដើម្បីផ្ដល់សន្ទុះទំនាក់ទំនងប្រទេសទាំងពីរ

ព័ត៌មានជាតិ៣ ម៉ោង មុន

ក្រសួងការងារ ណែនាំកម្មវិធី App ស្វែងរកការងារនៅបរទេសដោយទំនុកចិត្តខ្ពស់ និងសុវត្ថិភាព

សេដ្ឋកិច្ច៥ ម៉ោង មុន

ស្ថិរភាពតម្លៃប្រាក់​រៀល ​រួមចំណែកក្នុងការរក្សាស្ថិរភាពថ្លៃទំនិញនៅលើទីផ្សារ

Sokha Hotels

ព័ត៌មានពេញនិយម