ព័ត៌មានជាតិ
ប្រជាពលរដ្ឋនៅភូមិកងមាសស្នើសុំអាជ្ញាធរខេត្តជួយជួសជុលផ្លូវលំខូចខាតជាង ៧ គីឡូម៉ែត្រ
ផ្លូវលំគ្រួសក្រហមជាង ៧ គីឡូម៉ែត្រ ចេញពីភូមិចុងឈើត្រាចឃុំទៅកាន់ភូមិកងមាស ឃុំគោកបន្ទាយ ស្រុករលាប្អៀរ កំពុងរងការខូចខាតធ្ងន់ធ្ងរ ជាងមួយឆ្នាំមកហើយលំបាកធ្វើដំណើរយ៉ាងខ្លាំង។
ប្រជាពលរដ្ឋ និងអាជ្ញាធរភូមិគោរពស្នើសុំអាជ្ញាធរខេត្ត និងមន្ទីរពាក់ព័ន្ធមេត្តាជួយជួសជុលផ្លូវខាងលើនេះ ដើម្បីប្រជាពលរដ្ឋជាង ១០ ភូមិរាប់ពាន់គ្រួសារបានធ្វើដំណើរដោយងាយស្រួល។
ទាក់ទងនឹងករណីខាងលើនេះលោក ណុប ហូយ មេភូមិកងមាសរួមនិងអាចារ្យគណៈកម្មាធិការវត្តកងមាស នៅរសៀលថ្ងៃទី២៩ខែ មិថុនាឆ្នាំ២០២២បាននិយាយឲ្យក្រុមអ្នកយកព័ត៌មានយើងឲ្យដឹងថា ផ្លូវមួយខ្សែនេះមានប្រវែងជាង៧ គីឡូម៉ែត្របានរងការខូចខាតយ៉ាងខ្លាំងអស់រយៈពេលជាងមួយឆ្នាំមកហើយ ពុំមានខាងណាជួសជុលឡើយ ធ្វើឱ្យប្រជាពលរដ្ឋជួបលំបាកក្នុងការដឹកជញ្ជូនកសិផលនឹងធ្វើដំណើរយ៉ាងខ្លាំងទៅកាន់ទីផ្សារ។
លោកមេភូមិបានបញ្ជាក់ទៀតថាប្រជាពលរដ្ឋដែលប្រើប្រាស់ផ្លូវខាង លើនេះរួមមានជាង១០ភូមិគឺ ភូមិកងមាស ភូមិអន្លង់ភេ ភូមិអន្លង់អក ភូមិភ្លង ភូមិគៀនតាម៉ា ភូមិកំពង់អុស ភូមិព្រែកយួន ភូមិពាម ឆ្កោក ភូមិថ្មី ភូមិកោះធំ ភូមិទន្លេក្រៅ បើគិតជាគ្រួសារមានរាប់ពាន់គ្រួសារ ដែលពួកគាត់សុទ្ធតែសំ ណូមពរសុំឲ្យជួសជុលផ្លូវខាងលើនេះ។
ដូចនេះប្រជាពលរដ្ឋរួមនិងអាជ្ញាធរគោរពស្នើសុំអាជ្ញាធរខេត្ត និងមន្ទីរពាក់ព័ន្ធមេត្តា ជួយចុះមកពិនិត្យ មើលនិងជួយជួសជុលផ្លូវខាងលើនេះគាត់បានធ្វើដំណើរដោយងាយ ស្រួលឡើងវិញដោយអនុគ្រោះផងចុះ៕
អត្ថបទ៖ ឈៀងថារិទ្ធ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង