ព័ត៌មានជាតិ

ប្រេសិតពិសេសរបស់ប្រធានអាស៊ាន ជួបអ្នកការទូតតំណាងប្រទេសចំនួន៤ ប្រចាំនៅមីយ៉ាន់ម៉ា

បានផុស

៣ years មុន

នៅ

ថ្ងៃសៅរ៍ ២ កក្កដា ២០២២

ដោយ

នៅរសៀលថ្ងៃទី០២ ខែកក្កដា ឆ្នាំ២០២២ នេះ ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ និងជាប្រេសិតពិសេសរបស់ប្រធានអាស៊ាន ស្ដីពីមីយ៉ាន់ម៉ា បានជួប ពិភាក្សាការងារ និងផ្លាស់ប្តូរយោបល់ជាមួយឯកអគ្គរដ្ឋទូតបារាំង សហរដ្ឋ អាមេរិក សហភាពអឺរ៉ុប ព្រមទាំងភារៈធារីស្តីទីស្ថានទូតអូស្ត្រាលី ប្រចាំមីយ៉ាន់ម៉ា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមព័ត៌មានពីក្រសួងការបរទេសបានឲ្យដឹងថា នៅក្នុងជំនួបនោះ ភាគីទាំងអស់បានពិភាក្សា និងបានផ្លាស់ប្តូរយោបល់គ្នាលើវឌ្ឍនភាព នៃកិច្ចព្រមព្រៀងជាឯកច្ឆន្ទប្រាំចំណុច ដោយរួមទាំងការផ្តល់ជំនួយមនុស្សធម៌ដល់ប្រជាជនមីយ៉ាន់ម៉ាផងដែរ។

សូមបញ្ជាក់ថា លោកឧបនាយករដ្ឋមន្ត្រី ប្រាក់ សុខុន កំពុងទស្សនកិច្ច ជាលើកទីពីរនៅប្រទេសមីយ៉ាន់ម៉ា រយៈពេល៥ ថ្ងៃ ដែលដំណើរទស្សនកិច្ចលើកទីពីរនេះ មានគោល បំណងតាមដានវឌ្ឍនភាពនៃការអនុវត្តការព្រមព្រៀងជាឯកច្ឆន្ទ៥ ចំណុច និងលទ្ធផល នៃកិច្ចប្រជុំពិគ្រោះយោបល់ស្តីពីជំនួយមនុស្សធម៌របស់អាស៊ានសម្រាប់មីយ៉ាន់ម៉ា ដែលបានប្រព្រឹត្តិទៅកាលពីថ្ងៃទី០៦ ខែឧសភា ឆ្នាំ២០២២ នៅរាជធានីភ្នំពេញ និងដើម្បីរួមចំណែកដល់ការបង្កើតបរិយាកាសអំណោយផលសម្រាប់ដំណើរការសន្ទនានយោបាយប្រកបដោយបរិយាប័ន្ន តាមរយៈការជួបពិភាក្សាជាមួយគ្រប់ភាគីពាក់ព័ន្ធ៕

ដោយ ៖ កោះកែវ