ព័ត៌មានជាតិ

រដ្ឋមន្ត្រីវប្បធម៌សុំការពន្យល់ពីសមត្ថកិច្ចប្រើពាក្យ «នាមខ្លួនទារក» ក្នុងសំបុត្រកំណើត

បានផុស

៣ years មុន

នៅ

ថ្ងៃអាទិត្យ ៣ កក្កដា ២០២២

ដោយ

លោកស្រី ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ បានសុំការពន្យល់ពីសមត្ថកិច្ច ដោយចោទជាសំនួរលើការប្រើពាក្យនាមខ្លួនទារកក្នុងសំបុត្រកំណើត ចំពោះក្មេងដែលទើបនឹងកើត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋមន្រ្តីក្រសួងវប្បធម៌ និងវិចិត្រសិល្បៈ លើកឡើងក្នុងខ្ទង់ Coment លើគណីរបស់លោក សាយ ម៉េង ឈាង មន្ត្រីនៃអគ្គនាយករដ្ឋានអត្តសញ្ញាណកម្មថា «ខ្ញុំចង់សួរថា ហេតុអ្វីក្នុងសំបុត្រកំណើតក្មេងទើបនឹងកើត ដាក់ពាក្យថា នាមខ្លួនទារក។ សំបុត្រកំណើតគឺប្រើមួយជីវិត ដូច្នេះទារកនោះក៏នឹងធំឡើងដែរ ហើយសំបុត្រកំណើតដែលគ្នាត្រូវប្រើប្រាស់មួយជីវិតនៅតែមានពាក្យ ទារករហូត»។

បើតាមលោកស្រី ភឿង សកុណា បានបានចោទជាចម្ងល់ថា ហេតុអ្វីមិនប្រើត្រឹមពាក្យ នាមត្រកូល និងនាមខ្លួនដូចពេលពីមុន វាងាយប្រើប្រាស់បានយូរអង្វែងជាង សម្រាប់ពេលវេលា តាំងពីទារកកើត រហូតដល់ពេញវ័យ ឫចាស់ទៅ។

លោកជំទាវក៏សុំការពន្យល់ពីសមត្ថកិច្ចលើចំណុចខាងលើ ហើយបញ្ជាក់ បើសិនជាយល់ថា ការប្រើពាក្យទារកដើម្បីខុសគ្នាពីសំបុត្របញ្ជាក់កំណើត ក៏ហាក់ពុំសូវត្រូវដែរ ព្រោះចំណងជើងក្នុងឯកសារនីមួយៗ គេបានបញ្ជាក់រួចទៅហើយថា ជាសំបុត្រកំណើត ឬសំបុត្របញ្ជាក់កំណើត។

ទោះជាយ៉ាងណាងមិនទាន់មានការបកស្រាយពន្យល់ ពីសមត្ថកិច្ចនៅឡើយទេ៕