ព័ត៌មានជាតិ
ធនាគារកណ្តាលឡាវ ស្នើឲ្យកម្ពុជាជួយចែករំលែកបទពិសោធន៍លើប្រព័ន្ធទូទាត់តាមបច្ចេកវិទ្យាទំនើប
ភ្នំពេញ ៖ ធនាគារកណ្តាលឡាវបានស្នើឲ្យធនាគារជាតិនៃកម្ពុជា ជួយចែករំលែកបទពិសោធន៍លើប្រព័ន្ធទូទាត់តាមបច្ចេកវិទ្យាទំនើបដល់ខ្លួនបន្ថែមទៀត ក្រៅពីការផ្តល់ជំនួយផ្នែកបច្ចេកទេសនោះ។
ការស្នើសុំនេះ បានធ្វើឡើងកាលពីថ្ងៃទី២១ខែធ្នូឆ្នាំ២០២០នៅក្នុងកិច្ចប្រជុំទ្វេភាគីតាមរយៈប្រព័ន្ធអនឡាញរវាងធនាគារកណ្តាលឡាវនិងធនាគារជាតិនៃកម្ពុជា។
លោក Sonexay Sitphaxay ទេសាភិបាល ធនាគារកណ្តាលឡាវបានមានប្រសាសន៍ថា «ខ្ញុំស្នើសុំឲ្យធនាគារជាតិនៃកម្ពុជាជួយពង្រីកវិសាលភាពនៃកិច្ចសហប្រតិបត្តិការបន្ថែមលើការចែករំលែកបទពិសោធន៍លើប្រព័ន្ធទូទាត់ ជាពិសេសប្រព័ន្ធបាគងនិងបច្ចេកវិទ្យាហិរញ្ញវត្ថុ»។
យ៉ាងណាក៏ដោយ លោក Sonexay Sitphaxay បានថ្លែងអំណរគុណដល់ធនាគារជាតិនៃកម្ពុជាដែលបានផ្តល់ជំនួយបច្ចេកទេសដល់ធនាគារកណ្តាលឡាវនាពេលកន្លងមកផងដែរ។
ទន្ទឹមនឹងនេះ ធនាគារកណ្តាលឡាវបានវាយតម្លៃខ្ពស់ចំពោះវិធានការទប់ស្កាត់ការរីករាលដាលជំងឺកូវីដ-១៩ និងប្រសិទ្ធភាពនៃគោលនយោបាយរបស់ធនាគារជាតិនៃកម្ពុជា ក្នុងការគាំទ្រសកម្មភាពសេដ្ឋកិច្ច។
លោក ជា ចាន់តូ ទេសាភិបាលធនាគារជាតិនៃកម្ពុជាបានអបអរសាទរចំពោះរដ្ឋាភិបាលឡាវ និងធនាគារកណ្តាលឡាវដែលរក្សាបាននូវមូលដ្ឋានគ្រឹះម៉ាក្រូសេដ្ឋកិច្ចរឹងមាំ ជាមួយនឹងកំណើនសេដ្ឋកិច្ចវិជ្ជមានក្នុងអំឡុងពេលនៃវិបត្តិជំងឺកូវីដ-១៩ និងបានថ្លែងអំណរគុណដល់ធនាគារកណ្តាលឡាវដែលបានជួយគាំទ្រដល់ធនាគារពាណិជ្ជកម្ពុជាដែលកំពុងដំណើរការនៅប្រទេសឡាវ និងកិច្ចសហប្រតិបត្តិការល្អប្រសើរនាពេលកន្លងមក ព្រមទាំងលើកទឹកចិត្តដល់ការធ្វើការចែករំលែកព័ត៌មាន ចំណេះដឹង និងផ្លាស់ប្តូរបទពិសោធន៍តាមរយៈប្រព័ន្ធវីដែអូ ក្នុងស្ថានការណ៍ដែលជំងឺកូវីដ-១៩ មិនទាន់បានបញ្ចប់ការរីករាលដាលនៅឡើយ។
កិច្ចប្រជុំទ្វេភាគីរវាងធនាគារកណ្តាលទាំងពីរ ត្រូវបានរៀបចំជារៀងរាល់ឆ្នាំ ក្នុងគោលបំណងពង្រឹងកិច្ចសហប្រតិបត្តិការ និងទំនាក់ទំនងទ្វេភាគី សំដៅរួមចំណែកក្នុងការអភិវឌ្ឍវិស័យហិរញ្ញវត្ថុនិងសេដ្ឋកិច្ច និងទំនាក់ទំនងមិត្តភាពរវាងប្រទេសទាំងពីរ។
នៅក្នុងកិច្ចប្រជុំនេះ ភាគីទាំងពីរបានពិភាក្សាផ្លាស់ប្តូរយោបល់លើស្ថានភាពសេដ្ឋកិច្ច ការដឹកនាំគោលនយោបាយរូបិយវត្ថុ ការត្រួតពិនិត្យធនាគារ ជាពិសេស គោលនយោបាយនិងវិធានការដែលប្រទេសទាំងពីរអនុវត្តក្នុងពេលដែលទទួលរងឥទ្ធិពលអវិជ្ជមាននៃការរីករាលដាលជំងឺកូវីដ-១៩។
ធនាគារកណ្តាលឡាវ និងធនាគារជាតិនៃកម្ពុជាបានដើរតួនាទីយ៉ាងសំខាន់ក្នុងការជួយកាត់បន្ថយផលប៉ះពាល់មកលើសេដ្ឋកិច្ច តាមរយៈការរក្សាស្ថិរភាពថ្លៃ និងការអនុវត្តគោលនយោបាយរូបិយវត្ថុវិត្ថារកម្ម ដើម្បីគាំទ្រការផ្តល់សន្ទនីយភាពរបស់វិស័យធនាគារចំពោះសកម្មភាពសេដ្ឋកិច្ច។
ជាមួយគ្នានេះ ធនាគារកណ្តាលទាំងពីរ ក៏បានចូលរួមក្នុងការជួយសម្រាលបន្ទុករបស់ប្រជាជនក្រីក្រនិងក្រុមហ៊ុន-សហគ្រាស ដែលទទួលរងការធ្លាក់ចុះចំណូល ដោយបានបន្ធូរបន្ថយបញ្ញត្តិកម្មមួយចំនួន ដែលផ្តល់លទ្ធភាពឱ្យគ្រឹះស្ថានធនាគារនិងហិរញ្ញវត្ថុអាចរៀបចំឥណទានឡើងវិញបាន។ ទន្ទឹមនេះ ធនាគារកណ្តាលទាំងពីរក៏បានវាយតម្លៃខ្ពស់ចំពោះវឌ្ឍនភាពនៃកិច្ចសហប្រតិបត្តិការទ្វេភាគី ដែលបានរួមចំណែកពង្រឹងសមត្ថភាពជំនាញ តាមរយៈការផ្លាស់ប្តូរចំណេះដឹងនិងជំនាញ និងពង្រឹងការអភិវឌ្ឍវិស័យធនាគារនិងសេដ្ឋកិច្ចនៃប្រទេសទាំងពីរ។
ធនាគារកណ្តាលទាំងពីរបានប្តេជ្ញាបន្តពង្រឹងនិងពង្រីកកិច្ចសហប្រតិបត្តិការ និងទំនាក់ទំនងទ្វេភាគីជាប្រពៃណីឱ្យកាន់តែរីកចម្រើនថែមទៀត ដើម្បីជាប្រយោជន៍ដល់ប្រទេសនិងប្រទេសទាំងពីរ ដែលឋិតនៅភូមិផងរបងជាមួយ៕
ដោយ ៖ សំអឿន
ម្ចាស់ផលិតកម្ម LD បកស្រាយ ត្រង់ឈុតឆ្មាដេកស្ងៀម ក្នុងរឿង “១៤កុម្ភ:” ថាជាការសណ្តំ ឬយ៉ាងណា?
រុស្ស៊ី វាយប្រហាររោងចក្រនុយក្លេអ៊ែរនៅ Chernobyl បង្កហានិភ័យលេចធ្លាយជាតិវិទ្យុសកម្ម
អាមេរិកនឹងលក់សព្វាវុធបូករួមយន្តហោះចម្បាំង F-35 តម្លៃរាប់ពាន់លានដុល្លារឲ្យឥណ្ឌា
Cardi B បន្ទោសលោក ត្រាំ ថា ធ្វើឲ្យខូចស្បែកជើងប្រណិត និងទារសំណងជាថ្នូរឲ្យពូបង្កើតវិលមកអាមេរិកវិញ
រថយន្តដឹកប្រេងឆា បុកជាមួយរថយន្តដឹកស្រាបៀរបួសមនុស្ស៥នាក់
កម្ចីប្រាក់តាមអនឡាញខុសច្បាប់ រដ្ឋមន្ត្រីមហាផ្ទៃ ប្រាប់ពលរដ្ឋ «កុំសង» បើគេរករឿង ប្ដឹងមកសមត្ថកិច្ច
មុនថ្ងៃទិវានៃក្ដីស្រឡាញ់ បុរសជាសង្សារកាប់ប្រហារនារីគូស្នេហ៍របួសធ្ងន់ រួចទៅលោតទឹកសម្លាប់ខ្លួន
ការផ្សាយថាចោរប្លន់សម្លាប់នៅខេត្តកំពត៖ស្នងការ ថាមិនមែនប្លន់សម្លាប់ឡើយ គឺជាករណីស្នេហាត្រីកោណ
យន្តហោះដឹករដ្ឋមន្ត្រីការបរទេសអាមេរិក ទៅអាល្លឺម៉ង់ ជួបបញ្ហាលើអាកាស
កម្លាំងសប្បុរជនកម្ពុជា រួមចំណែករុញឱ្យលេចចេញរូបរាងផ្លូវក្រវាត់ព្រំដែនជាបណ្តើរៗ
-
សន្តិសុខសង្គម៤ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
ជីវិតកម្សាន្ដ១ សប្តាហ៍ agoផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
ព័ត៌មានជាតិ៤ ថ្ងៃ agoករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
សន្តិសុខសង្គម៧ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ៦ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ១ ថ្ងៃ agoG-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
ជីវិតកម្សាន្ដ៤ ថ្ងៃ agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍៤ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត