វ៉ាក់សាំង Pfizer ​ជិត ២០ម៉ឺនដូស​ជាជំនួយ​របស់អូស្រ្តាលី​បានដឹកមកដល់​កម្ពុជាហើយ​

​វ៉ាក់សាំងបង្ការជំងឺកូវីដ-១៩ ប្រភេទ Pfizer សម្រាប់ចាក់ជូនកុមារប្រមាណជិត ២០ម៉ឺនដូស​ ដែលជាជំនួយឥតសំណងរបស់ប្រទេសអូស្រ្តាលីបានដឹកមកដល់ប្រទេសកម្ពុជាហើយនៅនៅព្រឹក ថ្ងៃទី ៨ ខែកក្កដា ឆ្នាំ២០២២។

ពិធីប្រគល់-ទទួលវ៉ាក់សាំង២០ម៉ឺនដូសនេះនឹងធ្វើឡើងក្រោមអធិបតីភាពលោកសាស្រ្តាចារ្យ ម៉ម ប៊ុនហេង រដ្ឋមន្រី្តក្រសួងសុខាភិបាល លោកឯកអគ្គរដ្ឋទួតស្ថានអូស្រ្តាលី ប្រចាំព្រះរាជាណាចក្រកម្ពុជា។

លោកស្រី យក់ សម្បតិ្ត រដ្ឋលេខាធិការក្រសួងសុខាភិបាលបានមានប្រសាសន៍ថា វ៉ាក់សាំងជិត២០ម៉ឺនដូសនេះជាជំនួយទ្វេភាគីដែលរដ្ឋាភិបាលអូស្ត្រាលីផ្តល់ជូនរាជរដ្ឋាភិបាលកម្ពុជាបន្ទាប់ពីបានផ្តល់លើកទី១ចំនួន២ លាន៣សែនដូសរួចហើយ។

លោកស្រីបានបន្តថា ចំណែកវ៉ាក់សាំង២៨ម៉ឺនដូសទៀតដែលជាជំនួយរបស់រដ្ឋាភិបាលអូស្ត្រាលីដែរនោះនឹងដឹកមកតាមក្រោយជាបន្តបន្ទាប់ទៀត។

លោកស្រីបានបន្ថែមថា បើគិតវ៉ាក់សាំង២០ម៉ឺនដូសដែលមកដល់នៅថ្ងៃស្អែកនេះទៀតធ្វើឱ្យកម្ពុជាទទួលបានវ៉ាក់សាំងប្រមាណជាង៥៣លានដូសហើយ៕

អត្ថបទ៖ សំអឿន