ព័ត៌មានជាតិ
ខេត្តព្រះវិហារបម្រុងដី ៩ ហិតា បង្កើតវិទ្យាល័យថ្មីមួយទៀតនៅស្រុករវៀង
អាជ្ញាធរខេត្តព្រះវិហារបានបម្រុងដី ៩ ហិតា ដើម្បីបង្កើតវិទ្យាល័យថ្មីមួយទៀតនៅស្រុករវៀង ខណៈខេត្តជាប់ព្រំដែនថៃបានយកចិត្តទុកដាក់លើការបង្ខិតសេវាអប់រំដល់មូលដ្ឋានដាច់ស្រយាល ដើម្បីកាត់បន្ថយអត្រាបោះបង់ថ្នាក់របស់សិស្សានុសិស្សនៅតាមទីជនបទ។
លោក ចេង លីមហ៊ាន ប្រធានមន្ទីរអប់រំ យុវជននិងកីឡាខេត្តព្រះវិហារបានប្រាប់កម្ពុជាថ្មីតាមទូរសព្ទថា ខេត្តព្រះវិហារបច្ចុប្បន្ននេះមានវិទ្យាល័យសរុប ១៨ កន្លែង ហើយនៅឆ្នាំសិក្សា ២០២២- ២០២៣ នឹងពង្រីកវិទ្យាល័យថ្មីមួយទៀតនៅឃុំរណសិរ្ស ស្រុកសង្គមថ្មី។
លោកបន្តថា វិទ្យាល័យដែលគ្រោងបង្កើតនៅឆ្នាំក្រោយនេះ មិនទាន់មានឈ្មោះជាផ្លូវការទេ។ ពីមុនជាអនុវិទ្យាល័យ នឹងពង្រីកទៅជាវិទ្យាល័យ។ គម្រោងបង្កើតវិទ្យាល័យថ្មីនៅឃុំរណសិរ្ស ស្រុកសង្គមថ្មី មានហេដ្ឋារចនាសម្ព័ន្ធជាអគាររបស់សម្តេចតេជោ និងអគារសិក្សាស្តង់ដារបស់ធនាគារពិភពលោក។មន្ទីរក៏បានជ្រើសរើសគ្រូទៅបណ្ដុះបណ្ដាលនៅវិទ្យាស្ថានជាតិអប់រំ ដើម្បីត្រៀមប្រើប្រាស់ក្នុងវិទ្យាល័យថ្មីនេះ។
ដោយឡែកនៅស្រុករវៀង អាជ្ញាធរខេត្តបានបម្រុងដី ៩ ហិតា សម្រាប់គម្រោងបើកជាវិទ្យាល័យនៅប៉ុន្មានឆ្នាំខាងមុខទៀតនេះ។
“ដីយើងមានស្រេចហើយដែលអាជ្ញាធរប្រគល់ឲ្យ ហើយយើងនឹងដាក់ការឈូសឆាយនៅឆ្នាំនេះ ដោយប្រើប្រាស់ថវិការបស់រដ្ឋាភិបាល។ យើងនៅមិនទានមានអគារសិក្សានៅឡើយ ហើយខាងអប់រំស្រុកកំពុងស្វែងរកដៃគូសប្បុរសជន។ តាមលទ្ធភាពសប្បុរសជនអាចផ្តល់ឲ្យត្រឹមអគារមួយខ្នង ៣ បន្ទប់។ ប៉ុន្តែបើមានការខ្វះខាតយ៉ាងណា យើងនឹងប្រើលទ្ធកម្មថវិការបស់រដ្ឋាភិបាល ដើម្បីសាងសង់អគារសម្រាប់គម្រោងបើកវិទ្យាល័យថ្មីនេះ”។
លោកប្រធានមន្ទីរបន្តថា ចាប់ពីក្រសួងអប់រំធ្វើកំណែទម្រង់វិស័យអប់រំ ហើយរដ្ឋាភិបាលបានដាក់គោលនយោបាយតម្រូវឲ្យឃុំមួយមានអនុវិទ្យាល័យមួយ នៅខេត្តព្រះវិហារដែលមាន ៥១ ឃុំសង្កាត់ មានក្របខណ្ឌអនុវិទ្យាល័យ ៤៧ កន្លែង ហើយវិទ្យាល័យវិញមាន ១៨ កន្លែង។ ស្រុករវៀងដែលមានភូមិសាស្ត្រ ១២ ឃុំ មានវិទ្យាល័យដល់ទៅ ៤ កន្លែង ហើយឃុំខ្លះមានអនុវិទ្យាល័យដល់ទៅ ២។
បើតាមប្រធានមន្ទីរ កន្លងទៅនេះប្រមុខរដ្ឋាភិបាលសម្តេចតេជោ ហ៊ុន សែនបានផ្ដល់អគារ ១១៨ ខ្នង ដែលរួមបញ្ចូលអគារសិក្សា អគារស្នាក់នៅ និងអគារកាត់ដេរ។
វិទ្យាល័យទាំង ១៨ កន្លែងនៅខេត្តព្រះវិហារមានឈ្មោះដូចជា៖
ក្រុងព្រះវិហារ
-វិទ្យាល័យចំណេះទូទៅ និងបច្ចេកទេស ជា ស៊ីម ត្បែងមានជ័យ
-វិទ្យាល័យ ហ៊ុន សែន ហ្មសែត
ស្រុកជាំក្សាន្ត
-វិទ្យាល័យ សម្តេចតេជោ ហ៊ុន សែន ជាំក្សាន្ត
-វិទ្យាល័យ ស្រអែម
-វិទ្យាល័យ ខេមរតេជោ
ស្រុករវៀង
-វិទ្យាល័យ រវៀង
-វិទ្យាល័យ ហ៊ុន សែន ក្រពុំឈូក
-វិទ្យាល័យ ហ៊ុន សែន ភ្នំដែក
-វិទ្យាល័យ រក្សា
ស្រុកជ័យសែន
-វិទ្យាល័យ ជ័យសែន
-វិទ្យាល័យ បដិវត្ត
ស្រុកឆែប
-វិទ្យាល័យ ហ៊ុន សែន ដូនទន់
-វិទ្យាល័យ កំពង់ស្រឡៅ
-វិទ្យាល័យ ម្លូព្រៃ
ស្រុកគូលែន
-វិទ្យាល័យ គូលែន
-វិទ្យាល័យ ស្រយង់
ស្រុកសង្គមថ្មី
-វិទ្យាល័យ សង្គមថ្មី
ស្រុកត្បែងមានជ័យ
-វិទ្យាល័យ ហ៊ុន សែន ត្បែងមានជ័យ
អត្ថបទ៖ ប៊ុណ្ណារ៉ា
កំណើនឱកាសការងារ និងការវិនិយោគ ក្នុងឆ្នាំ២០២៤ ឆ្លុះបញ្ចាំងពីស្ថេរភាពនយោបាយ និងសេដ្ឋកិច្ចរបស់កម្ពុជា
រាជធានីភ្នំពេញ៖ ជំងឺគ្រុនឈាមបានថយចុះប្រមាណជាង៤០% បើប្រៀបធៀបឆ្នាំ២០២៣ និងឆ្នាំ២០២៤
សហជីពនៅកម្ពុជា និងប្រជាពលរដ្ឋថា លិមគិមយ៉ា គ្មានតម្លៃនឹងឱ្យរដ្ឋាភិបាលសម្លាប់ទេ ព្រោះជាអ្នកនយោបាយគ្មានសំឡេង
ព្រះរាជដំណាក់ស្តេច ជាកន្លែងកត់ត្រា ទុកជាប្រវត្តិសាស្ត្ររបស់យុវជនជំនាន់ក្រោយ
បណ្ឌិត គិន ភា៖ ៤០ឆ្នាំមកនេះ សម្តេចតេជោ ហ៊ុន សែន បានកសាងសមិទ្ធផលធំៗចំនួន៩ជូនប្រជាជាតិកម្ពុជា
ជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
ភូមិគ្រឹះនៅ LA តម្លៃជិត ៩លានដុល្លារ ឈរយ៉ាងរឹងមាំ ទោះជាភ្លើងឆេះជុំវិញសល់តែផេះក្ដី
រលកខ្យល់ល្បឿនជាង១០០គ.ម/ម៉ោង នឹងធ្វើឲ្យ LA កើតភ្លើងឆេះព្រៃ កាន់តែសាហាវៗថែមទៀត
អ្នករករ៉ែ១០០នាក់ជាប់គាំងក្នុងអណ្តូងរ៉ែស្លាប់ដោយសារការអត់អាហារជាច្រើនខែ
រថយន្ត៤៣គ្រឿងបុកបន្តគ្នាក្នុងក្រុង Goyang នៅកូរ៉េខាងត្បូង អ្នកបើកបរ៩នាក់របួស
-
ចរាចរណ៍២ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ព័ត៌មានជាតិ៥ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៤ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ៦ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ជីវិតកម្សាន្ដ៣ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ៤ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៤ ម៉ោង agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
ព័ត៌មានជាតិ៦ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី