ព័ត៌មានជាតិ

iOneCard និង Forest Interactive Cambodia បានរៀបចំពិធីចុះ MOU ក្នុងការផ្តល់មាតិកាឌីជីថលផ្តាច់មុខដល់ អ្នកប្រើប្រាស់តាមរយៈកម្មវិធីទូរស័ព្ទ iOneCard

បានផុស

៣ years មុន

នៅ

ថ្ងៃសុក្រ ៨ កក្កដា ២០២២

ដោយ

កាលពីល្ងាចថ្ងៃទី ៧ ខែកក្កដា ឆ្នាំ ២០២២ iOne ដែលជាអាជីវកម្មបច្ចេកវិទ្យាលក់រាយឈានមុខគេក្នុងប្រទេសកម្ពុជា បានរៀបចំពិធីចុះកិច្ចព្រមព្រៀងជាមួយ ហ្វរ៉េស អ៊ិនធឺអ៊ែកទីវ ខេមបូឌា (Forest Interactive Cambodia) ដើម្បីផ្តល់ជូននូវផលិតផលឌីជីថលថ្មីផ្តាច់មុខ សម្រាប់អ្នកប្រើប្រាស់កម្មវិធី iOneCard ជាផ្លូវការ ដែលកម្មវិធីនេះបានរៀបចំឡើង នៅ Cloud Lounge ស្ថិតនៅជាន់ទី ៩ នៃអគារ iOne នៅតាមបណ្តោយផ្លូវម៉ៅសេទុង សង្កាត់បឹងកេងកងទី ១ ខណ្ឌចំការមន ភ្នំពេញ។ ហើយកម្មវិធីនេះផងដែរ ក៏មានការចូលរួមពីសំណាក់ភ្ញៀវកិត្តិយស ដែលជាក្រុមហ៊ុនជាដៃគូសហការរបស់ក្រុមហ៊ុនទាំងពីរ ជាច្រើន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈលោក ញឹប ប៉ូលីន តំណាងក្រុមហ៊ុន iOne និង លោក តូ សុខណាង តំណាងក្រុមហ៊ុន Forest Interactive Cambodia បានឱ្យដឹងថា កិច្ចសហប្រតិបត្តិការនេះ គឺត្រូវបានរំពឹងយ៉ាងមុតមាំថា នឹងទទួលបានការ គាំទ្រច្រើនពីសំណាក់អតិថិជនព្រោះថា នៅក្នុង iOneCard App ក្រៅពីផលិតផល ដែលមានគុណភាពខ្ពស់អតិថិជន ក៏អាចស្វែងរកប័ណ្ណឌីជីថលដ៏សម្បូរបែបជាច្រើនប្រភេទ ទាក់ទងនឹងប័ណ្ណហ្គេមកម្សាន្ត និងកម្មវិធីកម្សាន្តសកលជាច្រើន ដូចជា Discord, Twitch, Netflix, Spotify, Amazon, Play Station, PUBG Mobile, Mobile Legends Bang Bang , Garena , Valorant , Marvel, Razer Gold និងប័ណ្ណឌីជីថលផ្តាច់មុខផ្សេងទៀត។

ក្រៅពីពិធីចុះកិច្ចព្រមព្រៀងនេះ កម្មវិធីទាំងមូលទទួលបានភាពរីករាយ និងសាទរជាក្រៃលែងហើយភ្ញៀវកិត្តិយសទាំងអស់ក៏មានឪកាសឈ្នះនូវរង្វាន់ជាច្រើនពីកម្មវិធីនេះផងដែរ។ ព័ត៌មានលំអិតសូមចូលទៅកាន់ Forest-interactive.com និង https://www.ionecards.com៕