ព័ត៌មានជាតិ

កសិករទទួលបានប្រាក់ចំណូលកាន់ប្រសើរ ក្រោយប្តូរពីធ្វើស្រែមកដាំឈូកវិញ

បានផុស

៣ years មុន

នៅ

ថ្ងៃសៅរ៍ ៩ កក្កដា ២០២២

ដោយ

បច្ចុប្បន្នគេសង្គេតឃើញថា មានតំបន់មួយចំនួនដែលអំណោយផល ដោយសារមានទឹកជាប់ជាប្រចាំធ្វើឲ្យប្រជាកសិករមួយចំនួនតូច បានផ្លាស់ប្តូរមុខរបរ ពីការធ្វើស្រែទៅជាការដំណាំឈូកវិញ ដែលពួកគាត់គិតថា អាចរកប្រាក់កម្រៃបានគ្រាន់បើពីការប្រមូលផលដូចជាការ លក់ស្លឹក ផ្កា និងផ្លែជាដើម ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកថ្មីៗនេះ បើយើងធ្វើដំណើរតាមផ្លូវជាតិលេខ ៥ ពីបាត់ដំបង ទៅភ្នំពេញ ដល់ត្រង់ចំណុចអូរតាមៀវ ស្ថិតក្នុងភូមិកកោះ ឃុំកកោះ ស្រុកមោងឬស្សី ខេត្តបាត់ដំបង យើងនឹងឃើញដីស្រែមួយកន្លែងដែលមានទំហំប្រមាណជាង ៣ ហិកតា គឺពោរពេញដោយដំណាំឈូក ដែលមានផ្លែ ផ្កា រីកដេរដាស់ គួរជាទីគយគន់។

ស្ត្រីដែលជាអ្នកលក់ផ្លែឈូកម្នាក់បានរៀបរាប់ថា ដំណាំឈូកនេះ គឺត្រូវការដីដែលមានទឹកជាប់ជាប្រចាំ ហើយម្នាស់ឈូកទើបនឹងចាប់ផ្តើមដាំក្នុងរយៈពេលប្រមាណជាង ៣ ខែតែប៉ុណ្ណោះ ដោយដាំកូន ហើយក្នុងរយៈពេលដ៏ខ្លីធ្វើឲ្យឈូកលូតលាស់បានយ៉ាងប្រសើរ និងមានផ្កាផ្លែយ៉ាងស្រស់ស្អាតថែមទៀតផង។

បច្ចុប្បន្នទីតាំងនេះ មានកម្មករជាច្រើននាក់ដើម្បីចុះប្រមូលផលដូចជា ផ្លែ ផ្កា និងស្លឹក ជាដើម ទៅតាមការកុម្ម៉ង់របស់ម៉ូយ។ សម្រាប់ផ្លែឈូកខ្ចីៗ ដែលមានរសជាតិផ្អែមនោះ គឺលក់ឲ្យអ្នកលើកយកទៅលក់បន្តក្នុងតម្លៃ ១ ម៉ឺនរៀល ក្នុងផ្លែឈូកមួយផ្លូន ដោយមានកម្មករបេះឲ្យជាស្រេច។ សម្រាប់ទីតាំងខាងលើ ក៏មានមនុស្សម្នាទៅកម្សាន្តជាហូរហែផងដែរ ពិសេសនៅល្ងាចថ្ងៃសៅរ៍ និងថ្ងៃអាទិត្យហើយត្រូវបង់ប្រាក់ម្នាក់ ៥០០ រៀល ដើម្បីចូលទស្សនា និងថតរូបទុកជាអនុស្សាវរីយ៍ ប៉ុន្តែមិនអនុញ្ញាតឲ្យបេះលេងផ្ដេសផ្ដាសនោះឡើង។