ព័ត៌មានជាតិ
សា្ថនទូតជប៉ុន នឹងបើកទទួលសាធារណជនចូលរួមសរសេរសាររំលែកទុក្ខចំពោះមរណភាពលោក អាបេ ស៊ីនហ្សូ នៅដើមសប្តាហ៍ក្រោយ
សា្ថនទូតជប៉ុននៅភ្នំពេញ និងការិយាល័យកុងស៊ុលជប៉ុនប្រចាំខេត្តសៀមរាប នឹងបើកទទួលសាធារណជនចូលរួមសរសេរសាររំលែកទុក្ខចំពោះមរណភាពរបស់អតីតនាយករដ្ឋមន្រ្តីជប៉ុន លោក អាបេ ស៊ីនហ្សូ នៅដើមសប្តាហ៍ក្រោយនេះ។

យោងតាមសេចក្តីប្រកាសព័ត៍មានរបស់ស្ថានទួតជប៉ុនប្រចាំនៅកម្ពុជា ដែលបានចុះផ្សាយនៅរសៀលថ្ងៃនេះ បានឱ្យដឹងថា ចំពោះសា្ថនទូតជប៉ុននៅភ្នំពេញ នឹងបើកទទួលនៅថ្ងៃពុធ ទី១៣ ខែកក្កដា រហូតដល់ថ្ងៃសៅរ៍ ទី១៦ ខែកក្កដា (ចាប់ពីម៉ោង១០ព្រឹក-ថ្ងៃត្រង់ និងចាប់ពីម៉ោង២-៤ល្ងាច) នៅទីតាំងបន្ទប់ក្បែរផ្នែកធ្វើទិដ្ឋាការ។ ចំណែកការិយាល័យកុងស៊ុលជប៉ុនប្រចាំខេត្តសៀមរាប នឹងបើកនៅថ្ងៃចន្ទ ទី១១ ខែកក្កដា រហូតដល់ថ្ងៃអង្គារ ទី១២ ខែកក្កដា (ចាប់ពីម៉ោង១០ព្រឹក-ថ្ងៃត្រង់ និងចាប់ពីម៉ោង២-៤ល្ងាច)។
នៅការិយាល័យកុងស៊ុលជប៉ុនប្រចាំខេត្តសៀមរាប (សាលពហុប្រយោជន៍) បើតាមស្ថានទួតជប៉ុននៅពេលមកដល់ទីតាំងដែលបានកំណត់ខាងលើ សូមបញ្ជាក់ជាមួយសន្តិសុខស្ថានទូតឬការិយាល័យកុងស៊ុលជប៉ុនប្រចាំខេត្តសៀមរាប ថា មកក្នុងគោលបំណងដើម្បីសរសរសាររំលែកទុក្ខ និងសូមយកមកជាមួយនូវអត្តសញ្ញាណប័ណ្ណ ឬប័ណ្ណសម្គាល់ខ្លួនណាមួយដូចជា លិខិតឆ្លងដែនជាដើម និងសូមពាក់ម៉ាសជានិច្ចនៅក្នុងបរិវេណស្ថានទូតនិងការិយាល័យកុងស៊ុលជប៉ុនប្រចាំខេត្តសៀមរាប។

លោក អាបេ ស៊ីនហ្សូ ត្រូវបានខ្មាន់កាំភ្លើងបាញ់សម្លាប់កាលពីថ្ងៃទី០៨ ខែកក្កដា ឆ្នាំ២០២២ អំឡុងពេលលោកនៅក្នុងទីក្រុង Nara ភាគខាងលិច ហើយមរណភាពរបស់លោកត្រូវបានពិភពលោកមានការតក់ស្លុតយ៉ាងខ្លាំង ក្នុងនោះរាជរដ្ឋាភិបាលកម្ពុជា ក៏បានប្រកាសកាន់ទុក្ខនៅថ្ងៃទី១០ ខែកក្កដា នេះផងដែរ៕
អត្ថបទ៖ សំអឿន

-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ