ព័ត៌មានជាតិ
១ ឆមាស កម្ពុជាទទួលបានភ្ញៀវទេសចរអន្តរជាតិជាង ៥០ ម៉ឺននាក់ កើនឡើងជិត ៤០០%
រដ្ឋមន្ត្រីក្រសួងទេសចរណ៍ បានអះអាងថា នៅក្នុងឆមាសទី ១ ឆ្នាំ ២០២២ នេះ កម្ពុជាទទួលបានភ្ញៀវទេសចរអន្តរជាតិប្រមាណជាង ៥០ ម៉ឺននាក់ កើនឡើង ៣៩៤% បើធៀបនឹងរយៈពេលដូចគ្នានឹងឆ្នាំ ២០២១ ខណៈភ្ញៀវទេសចរផ្ទៃក្នុងក៏មានការកើនឡើងប្រមាណជិត ៤០០% ផងដែរ។

នៅក្នុងពិធី បើកសន្និបាតបូកសរុបការងារទេសចរណ៍ក្រោយវិបត្តិជំងឺកូវីដ-១៩ នៅព្រឹកថ្ងៃទី ១២ ខែកក្កដា ឆ្នាំ ២០២២ នេះ លោក ថោង ខុន រដ្ឋមន្ត្រី ក្រសួងទេសចរណ៍ មានប្រសាសន៍ថា ភ្ញៀវទេសចរអន្តរជាតិភាគច្រើនដែលមកប្រទេសកម្ពុជារួមមាន វៀតណាម ថៃ ចិន សហរដ្ឋអាមេរិក ឥណ្ឌូណេស៊ី បារាំង កូរ៉េ ម៉ាឡេស៊ី អង់គ្លេស អូស្រ្តាលី សិង្ហបុរី និង ឥណ្ឌា។

លោករដ្ឋមន្ត្រីបានបន្តថា ឈរលើមូលដ្ឋាននៃការកម្រើកឡើងវិញ នៃចរន្តទេសចរណ៍សកលលោក ក៏ដូចជាទេសចរណ៍តំបន់ ជាមួយនឹងកិច្ចអន្តរាគមន៍ប្រកបដោយស្មារតីបុរេសកម្មរបស់រាជរដ្ឋាភិបាល កម្ពុជារំពឹងថា នឹងអាចទទួលបានភ្ញៀវទេសចរអន្តរជាតិ ក្នុងរង្វង់ប្រមាណ ១ លាននាក់ នៅក្នុងឆ្នាំ ២០២២ នេះ និងប្រមាណ ២ លាននាក់នៅក្នុងឆ្នាំ ២០២៣ ខាងមុខ ដែលជាឆ្នាំកម្ពុជានឹងធ្វើជាម្ចាស់ផ្ទះព្រឹត្តិការណ៍កីឡាស៊ីហ្គេម-អាស៊ានប៉ារ៉ាហ្គេម លើកទី៣២។

លោករដ្ឋមន្ត្រីបានបន្តទៀតថា ចំពោះភ្ញៀវទេសចរផ្ទៃក្នុងធ្វើដំណើរកម្សាន្តក្នុងប្រទេសក៏មានការកើនឡើងផងដែរពោលគឺរយៈពេល ៦ ខែឆ្នាំនេះមានភ្ញៀវទេសចរជាតិសរុបប្រមាណ ៦,៣៣ លាននាក់ កើនឡើងក្នុងអត្រាប្រមាណ ២១៩% និងទេសចរបរទេសផ្ទៃក្នុងប្រមាណ ៦៨ ម៉ីននាក់ កើនឡើងក្នុងអត្រាប្រមាណ ៣៨០% បើធៀបរយៈពេលដូចគ្នាឆ្នាំ ២០២១។

យោងតាមរបាយការណ៍របស់ក្រសួងទេសចរណ៍បានបង្ហាញថា មុនវិបត្តិកូវីដ-១៩ វិស័យទេសចរណ៍កម្ពុជា មានអត្រាកំណើនទេសចរអន្តរជាតិជាមធ្យម ១២ ភាគរយ ក្នុងមួយឆ្នាំៗ ក្នុងនោះឆ្នាំ២០១៩ ជាឆ្នាំកំពូល នៃវិស័យទេសចរណ៍កម្ពុជា ដោយទទួលបានទេសចរអន្តរជាតិជាង ៦,៦ លាននាក់។ ប៉ុន្តែចាប់តាំងពីឆ្នាំ ២០២០ ដល់ឆ្នាំ ២០២១ វិស័យទេសចរណ៍កម្ពុជា បានធ្លាក់ចុះយ៉ាងខ្លាំងដោយសារឥទ្ធិពលនៃវិបត្តិជំងឺកូវីដ-១៩៕
អត្ថបទ៖ សំអឿន

-
ព័ត៌មានអន្ដរជាតិ១២ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២២ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?