Connect with us

ព័ត៌មានជាតិ

បរិមាណទឹកភ្លៀងច្រើន ហូរបុកផ្តាច់ផ្លូវលំជនបទមួយកន្លែង នៅភូមិព្រះអង្គកែវ ស្រុកស្រែអំបិល

បានផុស

នៅ

កម្លាំងទឹកភ្លៀង ៣ថ្ងៃមកនេះ ហូរបុកផ្តាច់ផ្លូវលំជនបទមួយកន្លែង ស្ថិតនៅម្តុំវត្តស្ទឹងពង្រូល ភូមិព្រះអង្គកែវ ឃុំដងពែង ស្រុកស្រែអំបិល ខេត្តកោះកុង ដោយអាជ្ញាធរសមត្ថកិច្ចស្រុក សហការជាមួយអាជ្ញាធរភូមិឃុំ ចុះអន្តរាគមន៍ដោះស្រាយភ្លាមៗ ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ជា ចាន់កញ្ញា អភិបាលស្រុកស្រែអំបិល បានឲ្យដឹងរសៀលថ្ងៃទី ១៣ ខែកក្កដានេះថា ព្យុះភ្លៀ​ង​ខ្យល់ ៣ថ្ងៃជាប់ៗគ្នា បានធ្វើឲ្យផ្លូវលំជនបទមួយកន្លែងបាក់ដាច់ មិនអាចធ្វើចរាចរណ៍បាននៅចំណុចភូមិព្រះអង្គកែវ តែមិនបង្កគ្រោះថ្នាក់ដល់អាយុជីវិតប្រជាពលរដ្ឋ ឬលិចលង់ខ្លាំងផ្ទះសម្បែងនោះទេ។

លោកអភិបាលស្រុកស្រែអំបិល បានបន្ថែមទៀតថា ការដែលបណ្តាលឲ្យទឹកហូរច្រោះដាច់ផ្លូវបែបនេះ ដោយសារតែបរិមាណទឹកភ្លៀងច្រើន ហូរធ្លាក់ពីលើភ្នំចូលតាមប្រឡាយ អូរ និងព្រែក ចាលហៀចូលមូលដ្ឋានប្រជាពលរដ្ឋ។ ចំពោះទីតាំងដែលបាក់ស្រុតផ្លូវនេះ តែងកើតមានរៀងរាល់ឆ្នាំទៅហើយ។

បើតាមលោក ជា ចាន់កញ្ញា គឺលោកបានចាត់កម្លាំងសមត្ថកិច្ចអាជ្ញាធរពាក់ព័ន្ធ យកសម្ភារៈគ្រឿងចក្រ ឈើក្តារ ចុះ ជួយសង្រ្គោះជាបណ្តោះអាសន្ន និងរកទីទួលសុវត្ថិភាពសម្រាប់ពលរដ្ឋ និងសត្វគោក្របីរបស់ពលរដ្ឋ។ គិតមកទល់ម៉ោងនេះ គ្រាប់ទឹកភ្លៀងនៅតែធ្លាក់មិនដាច់គ្រាប់នោះទេ ក្នុងភូមិសាស្រ្តនីមួយក្នុងស្រុកស្រែអំបិល។

លោក សុខ សុទ្ធី អភិបាលរងខេត្តកោះកុង កាលពីម្សិលមិញអះអាងថា ខេត្តមិនទាន់មានរបាយការណ៍ណាមួយ ពីការរងផលប៉ះពាល់ដោយសារគ្រោះធម្មជាតិនេះនៅឡើយទេ តែលោកស្នើសុំពលរដ្ឋចូលរួមបង្កើនការប្រុងប្រយ័ត្នខ្ពស់ ប្រសិនបើចាំបាច់ប្រញាប់ផ្តល់ព័ត៌មាន មកកាន់តែអាជ្ញាធរមូលដ្ឋានដឹងជាមុន ដើម្បីជួយសង្រ្គោះបានទាន់ពេលវេលា។ រីឯអាជ្ញាធរសមត្ថកិច្ច ក៏ត្រូវត្រៀមសម្ភារៈមធ្យោបាយ ចុះជួយពលរដ្ឋភ្លាមៗផងដែរ៕

អត្ថបទ៖ សិរីវឌ្ឍនៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម១៣ ម៉ោង មុន

ម្ចាស់​ប្រេន​សម្រស់ធារ៉ា ត្រូវ​សមត្ថកិច្ច​ឃុំខ្លួន ពាក់ព័ន្ធ​ការ​កែច្នៃ​គ្រឿង​សំអាង​គ្មាន​ច្បាប់​អនុញ្ញាត

ព័ត៌មានជាតិ១៧ ម៉ោង មុន

សម្តេចធិបតី៖ ឧកញ៉ា ១៤០រូប ត្រូវបានលុប​ឈ្មោះចេញ ក្នុងនោះមានឧកញ៉ាខ្លះប្រព្រឹត្តបទល្មើស

ព័ត៌មានអន្ដរជាតិ៤ ម៉ោង មុន

ពូទីន៖ តាម​សំណើ​លោក ត្រាំ រុស្ស៊ី​នឹង​ទុក​ជីវិត​ទាហាន​អ៊ុយក្រែន​នៅ Kursk បើ​​ពួកគេចុះ​ចាញ់

ព័ត៌មានអន្ដរជាតិ១៩ ម៉ោង មុន

ដ្រូនអ៊ុយក្រែន វាយប្រហារខ្នាតធំលើក្រុងមូស្គូ ជាលើកទី២ ក្នុងពេលត្រឹម៣ថ្ងៃ

ព័ត៌មានជាតិ២ ម៉ោង មុន

អឺរ៉ុបនឹងសាងសង់ស្ពានតម្លៃជាង១០លានដុល្លារភ្ជាប់ទៅកោះខ្សាច់ទន្លានៅខេត្តកណ្ដាល

Sokha Hotels

ព័ត៌មានពេញនិយម