ព័ត៌មានជាតិ

ខេត្តបន្ទាយមានជ័យជាប់ព្រំដែនថៃ មានសាកលវិទ្យាល័យ ៤ ផ្តល់អប់រំថ្នាក់ឧត្តមសិក្សា

បានផុស

៣ years មុន

នៅ

ថ្ងៃព្រហស្បតិ៍ ១៤ កក្កដា ២០២២

ដោយ

ខេត្តបន្ទាយមានជ័យដែលជាខេត្តប្រជំជនដ៏ធំមួយជាប់ព្រំដែនថៃ និងមានចម្ងាយជាង ៣០០ គីឡូម៉ែត្រពីរាជធានីភ្នំពេញ វិស័យអប់រំរបស់ខេត្តមួយនេះត្រូវបានយកចិត្តទុកដាក់អភិវឌ្ឍ តាមរយៈការបង្ខិតសាលារៀនឱ្យនៅកៀកជិតប្រជាពលរដ្ឋ និងពង្រឹងគុណភាពអប់រំឱ្យកាន់តែប្រសើរឡើងពីមួយឆ្នាំទៅមួយឆ្នាំ។

លោក ឈូ ប៊ុនរឿង ប្រធានមន្ទីរអប់រំ យុវជន និងកីឡាខេត្តបន្ទាយមានជ័យបានឲ្យដឹងថា ទូទាំងខេត្តមានសាលារៀនសរុបចំនួន ៨១៨ កន្លែង កើនឡើង ១៥ សាលា។ ក្រៅពីថ្នាក់អប់រំមូលដ្ឋាន ខេត្តដែលបំបែកចេញពីខេត្តបាត់ដំបងក៏មានគ្រឹះស្ថានអប់រំនៅថ្នាក់ឧត្តមសិក្សាមួយចំនួនផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឈូ ប៊ុនរឿង បានឲ្យដឹងថា ខេត្តបន្ទាយមានជ័យមានគ្រឹះស្ថានឧត្ដមសិក្សាចំនួន ៤ កន្លែង ក្នុងនោះមានសាកលវិទ្យាល័យរដ្ឋដ៏ធំមួយគឺសាកលវិទ្យាល័យមានជ័យ និងសាកលវិទ្យាល័យឯកជនចំនួន ៣ មាន UME, BBU និង CUS។

បើតាមលោកប្រធានមន្ទីរ ការរៀបចំថ្នាក់ឧត្តមសិក្សាក្នុងខេត្ត បានជួយសម្រួលកាត់បន្ថយការចំណាយ ដើម្បីអាចឲ្យសិស្សអាចបន្តចាប់ជំនាញសិក្សានៅមហាវិទ្យាល័យ មិនបាច់ធ្វើដំណើរឆ្ងាយចោលស្រុកកំណើត។

នៅក្នុងខេត្តមានជ័យ មានសាលាឯកជននិងអង្គការនានាចំនួន ១៣៤ កន្លែង និងវិទ្យាល័យរដ្ឋចំនួន ៣០ កន្លែង ត្រូវបានពង្រាយគ្រប់ស្រុកតាំងពីតំបន់ប្រជុំជនដល់តំបន់មូលដ្ឋានរស់នៅរបស់ប្រជាពលរដ្ឋ។

ថ្នាក់ចំណេះដឹងទូទៅនៅតាមវិទ្យាល័យមួយចំនួន ក៏មានបន្ថែមការអប់រំផ្នែកបច្ចេកទេសវិជ្ជាជីវៈ ដោយបច្ចុប្បន្ននេះមានការសាងសង់អគារអប់រំបច្ចេកទេសចំនួន ៦ កន្លែង នៅតាមវិទ្យាល័យនានាដូចជានៅក្នុងក្រុងសិរីសោភ័ណ ស្រុកព្រះនេត្រព្រះ ស្រុកមង្គលបូរី ស្រុកថ្មពួក ស្រុកម៉ាឡៃ ស្រុកភ្នំស្រុកជាដើម និងវិទ្យាល័យនៅតាមស្រុកមួយចំនួនទៀត ក៏នឹងត្រូវធ្វើការសាងសង់ជាបន្តបន្ទាប់។

ជាមួយគ្នានេះ ប្រមុខរដ្ឋាភិបាលសម្តេចតេជោ ហ៊ុន សែន ក៏បានផ្តល់អគារសិក្សាចំនួន ១៩៩ ខ្នង ស្មើ ១៦០២ បន្ទប់។

វិទ្យាល័យទាំង ៣០ កន្លែងទូទាំងខេត្តបន្ទាយមានជ័យមានឈ្មោះដូចជា៖

ក្រុងសិរីសោភ័ណ

-វិទ្យាល័យ សម្តេចឪ
-វិទ្យាល័យ អូរអំបិល
-វិទ្យាល័យ ហ៊ុន សែន ខ្លាកូន
-វិទ្យាល័យ សិរីសោភ័ណ

ស្រុកមង្គលបុរី

-វិទ្យាល័យ មង្គលបូរី
-វិទ្យាល័យ ហ៊ុន សែន មង្គលបូរី
-វិទ្យាល័យ ភ្នំធំ
-វិទ្យាល័យ រោងគោ
-វិទ្យាល័យ ហ៊ុន សែន សំបួរ

ស្រុកភ្នំស្រុក

-វិទ្យាល័យ ភ្នំស្រុក
-វិទ្យាល័យ សុខ អាន ប៉ោយចារ
-វិទ្យាល័យ ណាំតៅ

ស្រុកព្រះនេត្រព្រះ

-វិទ្យាល័យ ជប់វារី
-វិទ្យាល័យ ទឹកជោរ
-វិទ្យាល័យ ហ៊ុន សែន ឈ្នួរមានជ័យ
-វិទ្យាល័យ រហាល
-វិទ្យាល័យ បុស្បូវ

ស្រុកអូរជ្រៅ

-វិទ្យាល័យ កូប
-វិទ្យាល័យ យាងដង្គុំ