វិធានការប្រុងប្រយ័ត្ន មុនពេល កំឡុងពេល និង ក្រោយពេលទឹកជំនន់

ក្រសួងសុខាភិបាល នៃព្រះរាជាណាចក្រកម្ពុជា នៅថ្ងៃទី ១៥ ខែកក្កដានេះ បាន សេចក្ដីណែនាំ ស្តីពី ការត្រៀមនិងឆ្លើយតបនៅពេលមានគ្រោះទឹកជំនន់ ដោយណែនាំការប្រុងប្រយ័ត្ន និងវិធានការបង្ការ មុនពេលទឹកជំនន់ កំឡុងពេលមានទឹកជំនន់ និង ក្រោយពេលទឹកជំនន់។

ក្រសួងសុខាភិបាល បានជម្រាបថា ការប្រែប្រួលអាកាសធាតុ ធ្វើឱ្យមានការផ្លាស់ប្ដូររដូវកាល និងបង្កឱ្យកើតមានជាញឹកញាប់នូវគ្រោះធម្មជាតិ រលកកំដៅ ផ្គររន្ទះ ខ្យល់ព្យុះ ខ្យល់កន្ត្រាក់ គ្រោះទឹកជំនន់ គ្រោះរាំងស្ងួតដែលគ្រោះមហន្តរាយទាំងនេះបង្កនូវផលប៉ះពាល់ ខូចខាតដល់ហេដ្ឋារចនាសម្ព័ន្ធ ទ្រព្យសម្បត្តិ លំនៅដ្ឋាន ប៉ះពាល់សុខភាព និងស្លាប់បាត់បង់អាយុជីវិតប្រជាជន។ ដូចនេះ ដើម្បីកាត់បន្ថយឱ្យបានជាអតិបរិមានូវផលប៉ះពាល់សុខភាព អាយុជីវិតជនរងគ្រោះ និងមូលដ្ឋានសុខាភិបាល ពីគ្រោះធម្មជាតិ ជាពិសេសគ្រោះទឹកជំនន់ ដែលអាចកើតមាននាពេលខាងមុខនេះ ក្រសួងសុខាភិបាល សូម អំពាវនាវឱ្យប្រជាពលរដ្ឋទាំងអស់ចូលរួមអនុវត្ត មុនពេលទឹកជំនន់ កំឡុងពេលមានទឹកជំនន់ និង ក្រោយពេលទឹកជំនន់។

ព័ត៌មានពិស្ដារ៖