ព័ត៌មានជាតិ

ទូតខ្មែរនៅអាមេរិក ជួបជាមួយទូរទស្សន៍ដែលមាន Viewers ជាង៣០លាននាក់ ពិភាក្សាពីបញ្ហាបញ្ជ្រាបវប្បធម៌

បានផុស

៣ years មុន

នៅ

ថ្ងៃអង្គារ ១៩ កក្កដា ២០២២

ដោយ

ឯកអគ្គរាជទូតកម្ពុជាប្រចាំសហរដ្ឋអាមេរិក បានទទួលជួបជាមួយលោក Shin Koyamada ប្រធានទូរទស្សន៍ ChimeTV ដែលជាទូរទស្សន៍អាស៊ី-អាមេរិកាំង ដែលមាន Viewers ជាង៣០លាននាក់ ដើម្បីពិភាក្សាពីបញ្ហាបញ្ជ្រាបវប្បធម៌ និងផលិតផលខ្មែរទៅក្នុងសហគមន៍អាស៊ី នេះបើតាមលោក កែវ ឈា ឯកអគ្គរាជទូតវិសាមញ្ញ និងពេញសមត្ថភាព នៃព្រះរាជាណាចក្រកម្ពុជាប្រចាំសហរដ្ឋអាមេរិក បានប្រាប់កម្ពុជាថ្មីនៅថ្ងៃនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមលោក កែវ ឈា ទូរទស្សន៍ ChimeTV គឺជាទូរទស្សអាស៊ី-អាមេរិកាំង ដែលផ្សព្វផ្សាយពីចំណេះដឹង វប្បធម៌អាស៊ី ទាំងអស់ដល់សហគមន៍អាស៊ី នៅអាមេរិកាំង ហើយនៅក្នុងជំនួបនោះ លោកបានពិភាក្សាបញ្ហាមួយចំនួន ទាក់ទងកិច្ចសហប្រតិបត្តិការ ដើម្បីបញ្ជ្រាបប្រពៃណី វប្បធម៌ខ្មែរ និងផលិតផលខ្មែរ ទៅក្នុងសហគមន៍អាស៊ី នៅអាមេរិក រួមទាំងសហគមន៍ខ្មែរ-អាមេរិកាំង។

លោកឯកអគ្គរាជទូតបញ្ជាក់យ៉ាងនេះថា “ខ្ញុំបានទទួលជួបជាមួយលោក Shin Koyamada ប្រធាននៃទូរទស្សន៏ ChimeTV ដែលជាទូរទស្សអាស៊ី-អាមេរិកាំង ផ្សព្វផ្សាយពីចំណេះដឹង វប្បធម៌អាស៊ីទាំងអស់ដល់សហគមន៍អាស៊ីនៅអាមេរិកាំង ដែលមាន Viewers ជាង៣០លាននាក់។ យើងបានពិភាក្សាពីសហប្រតិបត្តិការដើម្បីបញ្ជ្រាបប្រពៃណី វប្បធម៌ខ្មែរ និងផលិតផលខ្មែរ ទៅក្នុងសហគមន៍អាស៊ី នៅអាមេរិក រួមទាំងសហគមន៍ខ្មែរ-អាមេរិកាំងផងដែរ តាមរយៈទូរទស្ស ChimeTV នេះ និងបន្តសហការ ជាមួយទូរទស្សក្នុងប្រទេសកម្ពុជា ជាមួយនិង ChimeTV នេះ”។

លោកឯកអគ្គរាជទូតអះអាងដែរថា មកដល់ពេលនេះ នៅមិនទាន់មានជាគម្រោងអ្វីទេ តែខាង ChimeTV បានមកទាក់ទង ដើម្បីជួយផ្សព្វផ្សាយ ជាពិសេសកម្មវិធិផ្សព្វផ្សាយវប្បធម៌ ប្រពៃណីជាតិ ទូរទស្សន៍នឹងជួយផ្សាយបន្ត ហើយគេក៏ចង់ធ្វើទំនាក់ទំនងសហការជាមួយទូរទស្សនៅក្នុងស្រុករបស់យើងដែរ ដើម្បីសហការផ្សាយបន្ត៕

ដោយ ៖ កោះកែវ