ព័ត៌មានជាតិ
ផ្លូវលំតាមដងទន្លេមេគង្គ ១ ខ្សែ ធ្លាប់តែពិបាកធ្វើដំណើរ ត្រូវបានជួសជុលដោយផ្លូវបេតុងជំនួសវិញ
ផ្លូវលំតាមដងទន្លេមេគង្គ ១ ខ្សែប្រវែង ១៦ គីឡូម៉ែត្រ ធ្លាប់តែមានភាពលំបាក ក្នុងការធ្វើដំណើរ សម្រាប់សិស្សានុសិស្ស និងប្រជាពលរដ្ឋ ដឹកកសិផល ទៅកាន់ទីផ្សារពេលនេះត្រូវបានមន្ទីរអភិវឌ្ឍន៍ខេត្តស្ទឹងត្រែង បានសាងសង់ផ្លូវបេតុងជំនួសវិញ ដើម្បីសម្រួលដល់ការធ្វើចរាចរណ៍។
![](https://www.kampucheathmey.com/wp-content/uploads/2022/07/photo_2022-07-20_07-36-14-1024x552.jpg)
លោក សយ គា អនុប្រធានមន្ទីរអភិវឌ្ឍន៍ជនបទខេត្តបានដឹងឲ្យថា ផ្លូវដែលកំពុងសាងសង់ថ្មីនេះចេញពីចំណុចភូមិកាំងមេម៉ាយសង្កាត់ព្រះបាទ ក្រុង-ខេត្តស្ទឹងត្រែងទៅដល់ភូមិដំរីផុង ឃុំកោះសំពាយ ស្រុកសៀមបូក ខេត្តស្ទឹងត្រែង ត្រូវបានសាងសង់ថ្មី ជាផ្លូវបេតុងជំនួសផ្លូវគ្រួសក្រហម ដើម្បីប្រជាពលរដ្ឋធ្វើចរាចរណ៍ទៅមកបានងាយស្រួល និងបានលើកកម្ពស់សោភ័ណភាពនៅតាមតំបន់នេះផងដែរ ។
លោកអនុប្រធានមន្ទីរអភិវឌ្ឍន៍ជនបទខេត្តស្ទឹងត្រែងបានបញ្ជាក់បន្ថែមថា លូ-ស្ពាន-ផ្លូវ-តាមបណ្តោយជួរមាត់ទន្លេនេះ ក្រុមការងារបច្ចេកទេសសាងសង់និងប្រឹងប្រែងស្ថាបនាឱ្យហើយរួចរាល់ជាស្ថាពរទៅតាមផែនការ នៅចុងឆ្នាំ ២០២២ នេះ។ លោកបន្តថា ផ្លូវមួយខ្សែនេះជាបណ្តាញតភ្ជាប់គ្នា រវាងទឹកដីក្រុងស្ទឹងត្រែង ទៅទីរួមស្រុកសៀមបូក ហើយប្រជាពលរដ្ឋយើងរស់នៅជួរមាត់ទន្លេមេគង្គ និងមានភាពងាយស្រួលក្នុងការធ្វើចរាចរណ៍ទៅមក ព្រោះបានសាងសង់លើកឱ្យខ្ពស់ផុតពីទឹក មិនឱ្យទឹកលិចនៅខែវស្សាទៀតទេ។
![](https://www.kampucheathmey.com/wp-content/uploads/2022/07/photo_2022-07-20_07-36-19-1024x579.jpg)
![](https://www.kampucheathmey.com/wp-content/uploads/2022/07/photo_2022-07-20_07-36-24-1024x591.jpg)
លោក ម៉ៅ ឃីម ប្រជាពលរដ្ឋនៅភូមិកាំងដីសបានកត់សំគាល់ថា ការអភិវឌ្ឍន៍ផ្លូវស្ពានមួយខ្សែនេះពិតជាបានឆ្លើយតបទៅនិងការចង់បានរបស់ប្រជាពលរដ្ឋ ព្រោះរាជរដ្ឋាភិបាលបានផ្លាស់ប្តូរយុទ្ធសាស្ត្រ ពីផ្លូវគ្រួសក្រហម មកស្ថាបនាជាផ្លូវបេតុងវិញ ព្រោះវាមានភាពរឹងមាំប្រើប្រាស់បានយូរអង្វែង ទោះបីថាការមកសាងសង់មានភាពយឺតយ៉ាវមែន តែវាល្អជាងដែលមិនបានមកធ្វើសោះ។
លោកបញ្ជាក់ថា ពេលផ្លូវនេះសាងសង់ហើយនិងមានភាពងាយស្រួលឡើងវិញទាំងសិស្សានុសិស្សទៅសាលារៀន កសិករដឹកកសិផលទៅកាន់ទីផ្សារនៅទីរួមខេត្ត ប្រជាពលរដ្ឋមានជំងឺឈឺថ្កាត់ទៅមន្ទីរពេទ្យបង្អែកក៏បានឆាប់រហ័សផងដែរ។
![](https://www.kampucheathmey.com/wp-content/uploads/2022/07/photo_2022-07-20_07-36-09-1024x576.jpg)
![](https://www.kampucheathmey.com/wp-content/uploads/2022/07/photo_2022-07-20_07-36-03-1024x578.jpg)
សូមបញ្ជាក់ថា៖ ផ្លូវបេតុងថ្មីនេះ មានទទឹង ៥ ម៉ែត្រ បណ្តោយ ១៦ គីឡូម៉ែត្រ ដាក់លូចំនួន ៣២ កន្លែង លូប្រអប់ ០៧ កន្លែង ស្ពានចំនួន ០៩ កន្លែង ជាអំណោយរបស់រាជរដ្ឋាភិបាល អនុវត្ត គម្រោង សាងសង់ដោយក្រសួងអភិវឌ្ឍន៍ជនបទ សាងសង់ក្នុងដំណាក់កាលទី ១ និងបន្តសាងសង់តភ្ជាប់ទៅឃុំស្រែក្រសាំងនិងឃុំអូរម្រះក្នុងស្រុកសៀមបូកនេះបន្ថែមទៀត ក្នុងចម្ងាយផ្លូវប្រវែងជាង ១០ គីឡូម៉ែត្រនៅឆ្នាំ ២០២៣ខាងមុខ៕
អត្ថបទ៖ ងិនលីម
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៥ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?