ក្រសួង​ប្រកាស​ឱ្យម្ចាស់​រថយន្ត​គ្រប់ប្រភេទ​រួមទាំង​រថយន្ត​ចង្កូតស្ដាំ​ដែល​នៅសេស​សល់​ចូលបង់ពន្ធ

​អគ្គនាយកដ្ឋានពន្ធដារ ​នៃក្រសួងសេដ្ឋកិច្ច ​និងហិរញ្ញវត្ថុ​ បានប្រកាសឱ្យម្ចាស់យានយន្តគ្រប់ភេទ និងរថយន្ត​ចង្កូតស្ដាំ ដែលមានស្រាប់ក្នុងប្រទេសនៅសេសសល់ចូលមកបង់ពន្ធសម្រាប់ឆ្នាំ ២០២២ និងឆ្នាំបន្តបន្ទាប់។

សេចក្តីជូនដំណឹងរបស់ អគ្គនាយកដ្ឋានពន្ធដារ ​នៃក្រសួងសេដ្ឋកិច្ច ចេញផ្សាយនៅថ្ងៃទី ២១ ខែកក្កដា បញ្ជាក់ថា ការបង់ពន្ធលើមធ្យោបាយ​ដឹកជញ្ជូន និងយានជំនិះគ្រប់​ប្រភេទសម្រាប់​ឆ្នាំ២០២២ ចាប់ផ្តើមចាប់ពីថ្ងៃទី០១ ខែមិថុនា រហូតដល់ថ្ងៃទី៣០ ខែវិច្ឆិកា ឆ្នាំ២០២២ តទៅ។

ម្ចាស់រថយន្តត្រូវមក​ដាក់លិខិតប្រកាសបាននៅសាខាពន្ធដារខេត្ត-ខណ្ឌ ធនាតារកាណាឌីយ៉ា និងធនាគារពាក់ព័ន្ធជាច្រើនទៀត ដោយភ្ជាប់មកជាមួយ​ឯកសារ អត្តសញ្ញាណប័ណ្ណ ប័ណ្ណសម្គាល់យានជំនិះ ព្រមទាំងឯកសារពាក់ព័ន្ធផ្សេងទៀត៕

អត្ថបទ៖ ឌឿន ចាន់ថារី