លោក​ ច្រឹ​ក សុខ​នី​ម ត្រៀមប្រើ​យុទ្ធសាស្ត្រ​ ៧/១១ ដើម្បីដឹកនាំ​សមាគម​អាណត្តិ​ថ្មី ​

យុទ្ធសាស្ត្រ ៧/១១ ត្រូវបានប្រធាន​សមាគម​អ្នកវាយតម្លៃ និង​ភ្នាក់ងារ​អចលនវត្ថុ​កម្ពុ​ជា​ ប្រកាសយក​មក​ប្រើដើម្បី​ដឹកនាំ​សមាគម​នេះ ឆ្ពោះទៅរក​វឌ្ឍនភាព​ និងការរីកចម្រើន​។

លោក ​ច្រឹ​ក សុខ​នី​ម ប្រធាន​សមាគម​អ្នក​វាយតម្លៃ​ និង​ភ្នាក់ងារ​អចលនវត្ថុ​កម្ពុ​ជា​ (CVEA) ​ដែលជាប់​ជា​ប្រធាន​សមាគម​សម្រាប់​អាណត្តិ​ទី​៧ បានមានប្រសាសន៍ប្រាប់ កម្ពុជាថ្មី នៅព្រឹកថ្ងៃទី២៤ ខែធ្នូ ឆ្នាំ២០​២០​នេះថា លោកមានផែនការគោល ចំនួន៧ ក្នុងចំណោម១១ចំនុច ដើម្បីអនុវត្តសម្រាប់​អាណត្តិរបស់​លោក​រយៈពេលពីរឆ្នាំបន្តទៀត។

លោកបានលើកឡើងថា ផែនការគោលសំខាន់ៗ គឺផ្ដោតលើអាទិភាពបំពេញតម្រូវការ និងលើសតម្រូវការ ដែលសមាជិកចង់បាន ការផ្ដោតសកម្មភាពការងារជាក្រុម ការធ្វើកិច្ចការងារជាដៃគូរជាមួយរាជរដ្ឋាភិបាល ការទំនាក់ទំនងទាំងផ្នែកជាតិ និងអន្តរជាតិ និងការគិតគូរលើការប្រើប្រាស់​បច្ចេកវិទ្យា​ក្នុងសម័យកូវីដ ជា​ដើម។

សូម​បញ្ជាក់​ថា នៅ​ថ្ងៃទី ២៣ ខែ ធ្នូ ឆ្នាំ​២០២០​ សមាគម​អ្នក​វាយតម្លៃ និង​ភ្នាក់ងារ​អចលនវត្ថុ​កម្ពុ​ជា បាន​បោះឆ្នោត​គាំទ្រ លោក ​ច្រឹ​ក សុខ​នី​ម ជាប់​ជា​ប្រធាន​មួយ​អាណត្តិ​ទៀត សម្រាប់​ឆ្នាំ​២០២១​ និង​២០២២​ ក្នុង​គាំទ្រ​ចំនួន​៤៩​សន្លឹក​ដោយ​បាន​យកឈ្នះ​ទៅលើ​ដៃគូ​របស់​ខ្លួន ​គឺ​លោក ​វ៉ន​ ចាន់ថន ​ដែល​ទទួល​បាន​សន្លឹកឆ្នោត​​៤៧​សន្លឹក​៕

​​​​