ព័ត៌មានជាតិ
៦ ខែឆ្នាំនេះ ខេត្តមណ្ឌលគិរីឧបត្ថម្ភសាច់ប្រាក់ជូនជនក្រីក្រ ងាយរងគ្រោះក្នុងអំឡុងពេលកូវីដ ជាង ៤៧០០ គ្រួសារ
លោក ខឹម សុផុន ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តខេត្តមណ្ឌលគិរីបានឱ្យដឹងថា ក្នុងរយៈពេល ៦ ដើមឆ្នាំ ២០២២ នេះ មន្ទីរបានឧបត្ថម្ភសាច់ប្រាក់ជូនជនក្រីក្រ ងាយរងគ្រោះ ក្នុងអំឡុងពេលប្រយុទ្ធជំងឺកូវីដ-១៩ មានចំនួន ៤៧១០ គ្រួសារ ស្មើនឹងចំនួនទឹកប្រាក់ ៥,៧៦១,៧១៦,០០០រៀល។
នៅក្នុងកិច្ចប្រជុំបូកសរុបលទ្ធផលការងារឆមាសទី ១ ឆ្នាំ ២០២២ ស្ដីពីការអនុវត្តកម្មវិធីឧបត្ថម្ភសាច់ប្រាក់ជូនស្ត្រីមានផ្ទៃពោះ កុមារក្រោមអាយុ ២ ឆ្នាំ ជនមានពិការភាព គ្រួសារក្រីក្រងាយរងគ្រោះ ក្នុងអំឡុងពេលប្រយុទ្ធជំងឺកូវីដ-១៩ កាលពីថ្ងៃទី ២២ កក្កដា លោក ខឹម សុផុន បានបន្តថា ជាមួយគ្នានេះដែរ មន្ទីរក៏បានជួយឧបត្ថម្ភសាច់ប្រាក់ ជូនស្ត្រីមានផ្ទៃពោះ និងកុមារក្រោមអាយុ ២ ឆ្នាំ ចំនួន ២៨១ នាក់ ស្មើនឹងទឹកប្រាក់ ៩៥,០៨០,០០០ រៀល។
លោក ថង សាវុន អភិបាលខេត្តមណ្ឌលគិរី បានថ្លែងកោតសរសើរដល់មន្ទីរសង្គមកិច្ច និងអាជ្ញាធរពាក់ព័ន្ធ ជាពិសេសអាជ្ញាធរឃុំសង្កាត់ ដែលបានខិតខំប្រឹងប្រែង អនុវត្តកម្មវិធីឧបត្ថម្ភសាច់ប្រាក់ជូនជនក្រីក្រ ស្ត្រីមានផ្ទៃពោះនិងកុមារតូច ក្នុងកំឡុងពេលវិបត្តិនៃជំងឺកូវីដ-១៩ បានល្អប្រសើរប្រកបដោយតម្លាភាព និងការទទួលខុសត្រូវខ្ពស់។ លោកអភិបាលខេត្តបានស្នើដល់មន្ទីរ និងអាជ្ញាធរឃុំ សង្កាត់ ត្រូវបន្តយកចិត្តទុកដាក់បន្ថែមទៀត ក្នុងការអនុវត្តកម្មវិធីឧបត្ថម្ភសាច់ប្រាក់នេះ ដោយឈរលើគោលការណ៍ច្បាប់ និងគោលការណ៍ណែនាំរបស់ក្រសួង ធ្វើយ៉ាងណាឱ្យកម្មវិធីនេះផ្ដល់អត្ថប្រយោជន៍ផ្ទាល់ដល់ប្រជាពលរដ្ឋគោលដៅ ស្របតាមគោលនយោបាយរបស់រាជរដ្ឋាភិបាល។
លោក ឈួរ សុបញ្ញា ប្រតិភូរាជរដ្ឋាភិបាលទទួលបន្ទុកអគ្គនាយកមូលនិធិជំនួយសង្គម នៃក្រសួងសង្គមកិច្ច អតីតយុទ្ធជន និងយុវនីតិសម្បទា បានជំរុញដល់អាជ្ញាធរមូលដ្ឋាន និងមន្ទីរសង្គមកិច្ច ត្រូវតាមដានពិនិត្យ និងផ្សព្វផ្សាយ ឱ្យបានទូលំទូលាយធ្វើយ៉ាងណាឱ្យប្រជាពលរដ្ឋអ្នកទទួលផល បានដឹងពីកម្មវិធីគោលនយោបាយរបស់រាជរដ្ឋាភិបាល ស្របតាមគោលនយោបាយជាតិគាំពារសង្គម ឆ្នាំ ២០១៦-២០២៥៕
អត្ថបទ៖ សំអឿន
ផ្លូវថ្មើរជើងរាត្រីនេះ មានល្ខោនបាសាក់ ចាបុីដងវែងនៅសប្តាហ៍ក្រោយ នឹងមានកំប្លែងនាយក្រឹម
រដ្ឋមន្ត្រីបរិស្ថាន ប្រកាសបន្តធ្វើបុណ្យកោងកាងសន្តិភាពរៀងរាល់ឆ្នាំ ដើម្បីរក្សាព្រៃកោងកាង និងបរិស្ថានកម្ពុជា
តើបាតុកម្មដែលរៀបចំដោយពលករមួយក្ដាប់តូចនៅកូរ៉េ អាចតំណាងឱ្យពលរដ្ឋខ្មែរនៅកូរ៉េដែរឬទេ?
មេដឹកនាំបណ្តាប្រទេសនៅអឺរ៉ុបបង្ហាញជំហរពិតក្នុងជម្លោះត្រាំនិងហ្សេលេនស្គី
ជនរងគ្រោះ៥០០០នាក់នឹងត្រូវបញ្ជូនចេញពីមីយ៉ាន់ម៉ាទៅចិនវិញនៅសប្តាហ៍ក្រោយ
Trump ដាក់លក្ខខណ្ឌបើ Zelensky ចង់មកចរចាម្តងទៀត
Trump និង Zelensky ឈ្លោះគ្នានៅសេតវិមាន ផ្អើលពិភពលោក
ជម្លោះ Trump-Zelensky ធ្វើឲ្យអឺរ៉ុបធ្លាក់ចូលវិបត្តិជ្រៅ, តើណាតូនិងអ៊ុយក្រែន ទៅជាយ៉ាងណា?
រុស្ស៊ីពង្រឹងការទូតយ៉ាងខ្លាំង ក្រោយអាមេរិកផ្សះផ្សាវិញ ប៉ុន្តែដូណាល់ ត្រាំបំបែកសម្ព័ន្ធមិត្ត
សម្ព័ន្ធមិត្តអ៊ឺរ៉ុបបង្ហាញជំហរនៅជាមួយអ៊ុយក្រែនបន្ទាប់ពីជម្លោះជាមួយដូណាល់ ត្រាំ
-
សេចក្ដីជូនដំណឹង១ សប្តាហ៍ agoរៃហ្គេត ហ្គ្រេមម័រ ស្គូល ភ្នំពេញ ដើមកំណើត៣៥០ឆ្នាំ ពីចក្រភពអង់គ្លេស
-
ព័ត៌មានអន្ដរជាតិ៣ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានអន្ដរជាតិ៦ ថ្ងៃ agoចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានជាតិ៣ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៥ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ៥ ថ្ងៃ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម១ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៤ ថ្ងៃ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ