ភ្នំ ១៥០០ល្បីអាកាសធាតុត្រជាក់ និងជាតំបន់​សក្តា​​នុពលទេសចរណ៍ថ្មី

ខេត្តពោធិ៍សាត់ ៖ ភ្នំ១៥០០ (មួយពាន់ប្រាំរយ) គឺជាតំបន់សក្តានុពលទេសចរណ៍ថ្មីមួយនៃខេត្តពោធិ៍សាត់ ដែលមានទេសភាពធម្មជាតិស្រស់ស្អាត និងសំបូរព្រៃភ្នំជាច្រើន ជាពិសេសកំណាត់ផ្លូវថ្មី នៅលើភ្នំដែលមានរាងដូច​សត្វអន្ទង់អាំង (ផ្លូវអន្ទង់អាំង)។

ភ្នំ១៥០០ គឺមានអាកាសធាតុត្រជាក់ និងមានទេសភាពស្អាតៗ នៅតាមដងផ្លូវ។ នារដូវវស្សាភ្ញៀវទេសចរអាចមើល​ឃើញអ័ព្ទយ៉ាងក្រាស់ពីលើកំពូលភ្នំផងដែរ។

ក្រសួងទេសចរណ៍ បានណែនាំដល់ភ្ញៀវទេសចរណ៍ ដែលមានឱកាសបានមកកម្សាន្តនៅនេះដូចច្នេះថា« ភ្ញៀវទេសចរ បើបានមកលេងស្រុកដែលមានសក្តានុពលទេសចរណ៍ធម្មជាតិដ៏ល្បីមួយនេះ សូមកុំភ្លេចមកទស្សនារមណីយដ្ឋាន​ទឹកធ្លាក់​ថ្មដាតូច និងដាធំ ដែលជាមរតកទេសចរណ៍ធម្មជាតិដ៏មានសក្ដានុពលមួយ ស្ថិតនៅឃុំថ្មដា ស្រុកវាលវែង ខេត្តពោធិ៍សាត់»។ ជាងនេះទៅទៀត ភ្ញៀវទេសចរក៏មិនគួរមើលរំលងអាហារដ៏ឆ្ងាញ់ និងសាកកាហ្វេដ៏មានឪជា​រសនៅកាហ្វេភ្នំផងដែរ។ នេះជាការបន្ថេមរបស់ក្រសួងទេសចរណ៍៕