ព័ត៌មានជាតិ
លោក ម៉ៅ ធនិន ពលរដ្ឋខេត្តពោធិ៍សាត់ ប្រដូចដូចប៉ាវចិនខ្មែរ មានប្រវត្តិបែបណា?
កាន់តំណែងជាចៅហ្វាយខេត្តពោធិ៍សាត់ជាង ៧ ឆ្នាំ មុនមកដឹកនាំនៅខេត្តកំពត លោក ម៉ៅ ធនិន បានឆក់យកបេះដូងប្រជាពលរដ្ឋ តាមរយៈការបង្កើតវេទិកាដោះស្រាយទំនាស់រឿងក្តីក្តាំង តទល់មុខជាមួយប្រជាពលរដ្ឋរៀងរាល់សប្តាហ៍ រហូតទទួលបានការគាំទ្រហើយត្រូវបានមហាជនប្រសិទ្ធិនាមថាប៉ាវចិនខ្មែរទៀតផង។
ជម្លោះក្នុងគ្រួសារ ឪពុកម្តាយក្មេកឈ្លោះប្រកែកជាមួយកូនប្រសារ រឿងគ្រួសារប្តីប្រពន្ធ ទំនាស់ព្រំដីធ្លីពលរដ្ឋតាមមូលដ្ឋានមិនក្រោម ៣០០០ សំណុំរឿងត្រូវបានដោះស្រាយ ដោយសារលោកបានប្រើសីលវិធីបញ្ចប់ទំនាស់ដោយព្រមព្រៀងគ្នាទាំងសងខាង។
តើលោក ម៉ៅ ធនិន មានប្រវត្តិបែបណា?
ប្រវត្តិគ្រួសារ
មានដើមកំណើតនៅខណ្ឌច្បារអំពៅ ទីក្រុងភ្នំពេញ លោកបានរៀបអាពាហ៍ពិពាហ៍ជាមួយលោកជំទាវ ហ៊ុន ចាន់ធី ដែលត្រូវជាកូនស្រីបង្កើតរបស់អ្នកស្រី ហ៊ុន ប៊ុនធឿន។ អ្នកស្រី ហ៊ុន ប៊ុនធឿន គឺជាប្អូនស្រីពៅរបស់សម្តេចតេជោ ហ៊ុន សែន ហើយបើរាប់ជាសាច់ឈាម លោកត្រូវជាក្មួយប្រសារបស់សម្តេចតេជោតែម្តង។
ប្រវត្តិការងារ
លោក ម៉ៅ ធនិន ធ្លាប់ជាអភិបាលរងខេត្តស្ទឹងត្រែង ប្រមាណ ៣ឆ្នាំ មុនផ្លាស់មកកាន់ជាចៅហ្វាយខេត្តពោធិ៍សាត់នៅឆ្នាំ ២០១៤ និងបន្តដឹកនាំខេត្តពោធិសាត់រហូតដល់ឆ្នាំ ២០២១ មុនផ្ទេរទៅគ្រប់គ្រងជាអភិបាលខេត្តកំពត។
សព្វថ្ងៃនេះ លោក ម៉ៅ ធនិន ក្រៅពីមានតួនាទីជាចៅហ្វាយខេត្តកំពត លោកក៏មានតួនាទីជាសមាជិកមជ្ឈិមបក្សប្រជាជនកម្ពុជាផងដែរ។
ប្រវត្តិសិក្សា
លោក ម៉ៅ ធនិន បានបញ្ចប់ការសិក្សាថ្នាក់ទុតិយភូមិ ឬហៅថាបាក់ឌុប (Bac II) នៅអំឡុងឆ្នាំ១៩៨៩ និងបន្តការសិក្សានៅរុស្ស៊ី។
កូនប្រសារ
លោក ម៉ៅ ធនិន និងលោកជំទាវ ហ៊ុន ចាន់ធី មានកូន ៣ នាក់គឺស្រី ២ និងប្រុសម្នាក់។ កូនស្រីច្បងរបស់លោកឈ្មោះ ម៉ៅ នរនាថ បានផ្គូផ្គងជាមួយនឹងលោក នាវ ស៊ីចាន់ ជាកូនប្រុសអតីតចៅហ្វាយខេត្តកំពង់ស្ពឺ លោក នាវ ស៊ីថុង និងអ្នកស្រី នាវ ចន្ទថាណា ដែលបច្ចុប្បន្នជាទេសាភិបាលរងធនាគារជាតិនៃកម្ពុជា។
នៅថ្ងៃភ្ជាប់ពាក្យដំបូង ក្រុមគ្រួសារខាងកូនកំលោះបានផ្តល់មាសសុទ្ធទម្ងន់ ៥ គីឡូក្រាមជាថ្លៃបណ្ណាការទុកជាចំណងដៃផងដែរ។
ប្រើយុន្តការដោះស្រាយទំនាស់ក្រៅប្រព័ន្ធតុលាការ
ចាប់តាំងពីឆ្នាំ២០១៤ ពេលលោកមកដឹកនាំជាអភិបាលខេត្តពោធិ៍សាត់ លោក ម៉ៅ ធនិន តែងតែចំណាយពេលដោះស្រាយបញ្ហាជូនប្រជាពលរដ្ឋរាប់ពាន់ករណី តាមរយៈវេទិកាចំហតតាំងទល់មុខគ្នាមិនថារឿងទំនាស់ក្នុងគ្រួសារ និងបណ្ដឹងតវ៉ាផ្សេងៗទៀតទូទាំងខេត្ត។
ទំនាស់ដែលលោកបានចូលខ្លួនសម្របសម្រួលដោះស្រាយមានទាំងរឿងក្នុងគ្រួសារដូចជាជម្លោះប្តីប្រពន្ធ ឪពុកម្តាយក្មេក ទំនាស់បែងចែកទ្រព្យសម្បត្តិ រឿងព្រំរបងដីរបស់ប្រជាពលរដ្ឋ រួមទាំងជម្លោះមានពាក់ព័ន្ធក្រុមហ៊ុនអភិវឌ្ឍ និងករណីផ្សេងៗមួយចំនួនទៀត។
រាល់ការដោះស្រាយលោកប្រើយន្តការសម្របសម្រូល ភាពឈ្លាសវៃ និងទេពកោសល្យ ពិសេសការយករឿងទាំងមូលមកដាក់ក្នុងបេះដូង ដោយឈរលើហេតុនិងផល រួមទាំងច្បាប់ផងដែរ។
លោកប្រើវិធីសាស្ត្រដោះស្រាយគឺទី១ កុំឈរនៅខាងណា ទី២ កុំឈរលើផលប្រយោជន៍ និងទី៣ ឋានានុក្រម ដោយប្រើយន្តការណ៍ច្បាប់ និងប្រើឋានានុក្រមគ្រួសារ។ ក្រៅពីបើកវេទិកាដែលពលរដ្ឋជាប់ពាក់ព័ន្ធក្តីអាចមកជួបតវ៉ាក្តីចំពោះមុខគ្នា អភិបាលខេត្តរូបនេះក៏ទៅដោះស្រាយបញ្ហាដល់មូលដ្ឋានរបស់ប្រជាពលរដ្ឋ។
សមិទ្ធផលលេចធ្លោ
កាន់តំណែងជាអភិបាលខេត្តពោធិសាត់រយៈពេល ៧ ឆ្នាំ លោកបានដោះស្រាយសំណុំរឿងក្តីក្រៅប្រព័ន្ធតុលាការមិនក្រោម ៣០០០ ករណីតាមរយៈវេទិកាជាមួយប្រជាពលរដ្ឋ និងការទៅដោះស្រាយតាមមូលដ្ឋានផ្ទាល់តែម្តង។ ពេលខ្លះមួយអាទិត្យលោកបើកវេទិកា ៣ ដង ក៏មានដែរតាមសំណុំរឿងច្រើនឬតិចដែលដាក់ស្នើពីប្រជាពលរដ្ឋ។
ជាមួយគ្នានេះ លោកតែងតែរៀបចំកម្មវិធីផ្តល់ស្បៀងអាហារចែកដល់បងប្អូនប្រជាពលរដ្ឋខ្វះខាតនៅក្នុងខេត្តពោធិ៍សាត់ជាទៀងទាត់។
ទាក់ទងសមិទ្ធផលអភិវឌ្ឍខេត្តវិញ ក្រៅពីយកចិត្តទុកដាក់ក្នុងការសាងសង់ទំនប់ប្រឡាយ ហេដ្ឋារចនាសម្ព័ន្ធរាប់មិនអស់ អគារសាលាខេត្តថ្មីក៏ជាស្នាដៃរំលេចឡើងក្នុងអណ្ណត្តិរបស់លោកផងដែរ។
តាំងពីលោកកាន់ជាអភិបាលខេត្តពោធិ៍សាត់ រហូតមកគ្រប់គ្រងខេត្តកំពត លោក ម៉ៅ ធនិន បានចេញបញ្ជាមិនឲ្យសម្លាប់សត្វនៅរៀងរាល់ថ្ងៃឧបោសថសីល។
យោងតាមព្រះរាជក្រឹត្យចុះថ្ងៃទី៣០ ខែកញ្ញា ឆ្នាំ២០២១ ព្រះមហាក្សត្របានចេញព្រះរាជក្រឹត្យត្រាស់បង្គាប់ផ្ទេរភារកិច្ចលោក ម៉ៅ ធនិន ពីអភិបាលខេត្តពោធិ៍សាត់ ទៅកាន់តំណែងជាអភិបាលខេត្តកំពតជំនួសលោក ជាវ តាយ ដែលត្រូវមកដឹកនាំជាអភិបាលខេត្តពោធិ៍សាត់វិញ៕
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
នាយករដ្ឋមន្ត្រីឱ្យស្ថាប័នរដ្ឋស្ទើតែទាំងអស់ពិនិត្យនិងកំណត់មុខងារឡើងវិញ
តារាខ្មែរណាខ្លះ ដែលស្ថិតនៅប្រទេសថៃពេលកំពុងជួបគ្រោះរញ្ជួយដី?
ប្រទះឃើញសពអណ្តែតទឹក ទើរនៅគល់ស្ពានទន្លេមេគង្គក្រចេះ
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២៤ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៥ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ